| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
д̇ивид̇хасалаагаг̇г̇аахо
Tividhasalākaggāho
235. д̇зна ко бана самаязна саавад̇т̇ияаа звам̣ ж̇аад̇ам̣ звам̣ самуббаннам̣ ад̇хигаран̣ам̣ ход̇и. ат̇а ко д̇з бхигкуу – асанд̇удтаа саавад̇т̇ияаа сан̇гхасса ад̇хигаран̣авуубасаманзна – ассосум̣ ко амугасмим̣ гира ааваасз самб̣ахулаа т̇зраа вихаранд̇и б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа бан̣д̣ид̇аа вияад̇д̇аа мзд̇хаавино лаж̇ж̇ино гуггужжагаа сигкаагаамаа. д̇з жз т̇зраа имам̣ ад̇хигаран̣ам̣ вуубасамзяяум̣ д̇хаммзна винаязна сад̇т̇усаасанзна, звамид̣̇ам̣ ад̇хигаран̣ам̣ сувуубасанд̇ам̣ ассаад̇и. ат̇а ко д̇з бхигкуу д̇ам̣ ааваасам̣ г̇анд̇ваа д̇з т̇зрз зд̇ад̣̇авожум̣ – ‘‘ид̣̇ам̣, бханд̇з, ад̇хигаран̣ам̣ звам̣ ж̇аад̇ам̣, звам̣ самуббаннам̣. саад̇ху, бханд̇з, т̇зраа имам̣ ад̇хигаран̣ам̣ вуубасамзнд̇у д̇хаммзна винаязна сад̇т̇усаасанзна, яат̇аяид̣̇ам̣ ад̇хигаран̣ам̣ сувуубасанд̇ам̣ ассаа’’д̇и. ат̇а ко д̇з т̇зраа – яат̇аа саавад̇т̇ияаа сан̇гхзна ад̇хигаран̣ам̣ вуубасамид̇ам̣ д̇ат̇аа сувуубасанд̇анд̇и 1 – д̇ат̇аа д̇ам̣ ад̇хигаран̣ам̣ вуубасамзсум̣ .
235. Tena kho pana samayena sāvatthiyā evaṃ jātaṃ evaṃ samuppannaṃ adhikaraṇaṃ hoti. Atha kho te bhikkhū – asantuṭṭhā sāvatthiyā saṅghassa adhikaraṇavūpasamanena – assosuṃ kho amukasmiṃ kira āvāse sambahulā therā viharanti bahussutā āgatāgamā dhammadharā vinayadharā mātikādharā paṇḍitā viyattā medhāvino lajjino kukkuccakā sikkhākāmā. Te ce therā imaṃ adhikaraṇaṃ vūpasameyyuṃ dhammena vinayena satthusāsanena, evamidaṃ adhikaraṇaṃ suvūpasantaṃ assāti. Atha kho te bhikkhū taṃ āvāsaṃ gantvā te there etadavocuṃ – ‘‘idaṃ, bhante, adhikaraṇaṃ evaṃ jātaṃ, evaṃ samuppannaṃ. Sādhu, bhante, therā imaṃ adhikaraṇaṃ vūpasamentu dhammena vinayena satthusāsanena, yathayidaṃ adhikaraṇaṃ suvūpasantaṃ assā’’ti. Atha kho te therā – yathā sāvatthiyā saṅghena adhikaraṇaṃ vūpasamitaṃ tathā suvūpasantanti 2 – tathā taṃ adhikaraṇaṃ vūpasamesuṃ .
ат̇а ко д̇з бхигкуу – асанд̇удтаа саавад̇т̇ияаа сан̇гхасса ад̇хигаран̣авуубасаманзна, асанд̇удтаа самб̣ахулаанам̣ т̇зраанам̣ ад̇хигаран̣авуубасаманзна – ассосум̣ ко амугасмим̣ гира ааваасз д̇аяо т̇зраа вихаранд̇и…бз… д̣̇вз т̇зраа вихаранд̇и…бз… зго т̇зро вихарад̇и б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о вияад̇д̇о мзд̇хаавий лаж̇ж̇ий гуггужжаго сигкаагаамо. со жз т̇зро имам̣ ад̇хигаран̣ам̣ вуубасамзяяа д̇хаммзна винаязна сад̇т̇усаасанзна, звамид̣̇ам̣ ад̇хигаран̣ам̣ сувуубасанд̇ам̣ ассаад̇и. ат̇а ко д̇з бхигкуу д̇ам̣ ааваасам̣ г̇анд̇ваа д̇ам̣ т̇зрам̣ зд̇ад̣̇авожум̣ – ‘‘ид̣̇ам̣, бханд̇з, ад̇хигаран̣ам̣ звам̣ ж̇аад̇ам̣, звам̣ самуббаннам̣. саад̇ху, бханд̇з, т̇зро имам̣ ад̇хигаран̣ам̣ вуубасамзд̇у д̇хаммзна винаязна сад̇т̇усаасанзна, яат̇аяид̣̇ам̣ ад̇хигаран̣ам̣ сувуубасанд̇ам̣ ассаа’’д̇и. ат̇а ко со т̇зро – яат̇аа саавад̇т̇ияаа сан̇гхзна ад̇хигаран̣ам̣ вуубасамид̇ам̣, яат̇аа самб̣ахулзхи т̇зрзхи ад̇хигаран̣ам̣ вуубасамид̇ам̣, яат̇аа д̇ийхи т̇зрзхи ад̇хигаран̣ам̣ вуубасамид̇ам̣, яат̇аа д̣̇вийхи т̇зрзхи ад̇хигаран̣ам̣ вуубасамид̇ам̣, д̇ат̇аа сувуубасанд̇анд̇и – д̇ат̇аа д̇ам̣ ад̇хигаран̣ам̣ вуубасамзси.
Atha kho te bhikkhū – asantuṭṭhā sāvatthiyā saṅghassa adhikaraṇavūpasamanena, asantuṭṭhā sambahulānaṃ therānaṃ adhikaraṇavūpasamanena – assosuṃ kho amukasmiṃ kira āvāse tayo therā viharanti…pe… dve therā viharanti…pe… eko thero viharati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo. So ce thero imaṃ adhikaraṇaṃ vūpasameyya dhammena vinayena satthusāsanena, evamidaṃ adhikaraṇaṃ suvūpasantaṃ assāti. Atha kho te bhikkhū taṃ āvāsaṃ gantvā taṃ theraṃ etadavocuṃ – ‘‘idaṃ, bhante, adhikaraṇaṃ evaṃ jātaṃ, evaṃ samuppannaṃ. Sādhu, bhante, thero imaṃ adhikaraṇaṃ vūpasametu dhammena vinayena satthusāsanena, yathayidaṃ adhikaraṇaṃ suvūpasantaṃ assā’’ti. Atha kho so thero – yathā sāvatthiyā saṅghena adhikaraṇaṃ vūpasamitaṃ, yathā sambahulehi therehi adhikaraṇaṃ vūpasamitaṃ, yathā tīhi therehi adhikaraṇaṃ vūpasamitaṃ, yathā dvīhi therehi adhikaraṇaṃ vūpasamitaṃ, tathā suvūpasantanti – tathā taṃ adhikaraṇaṃ vūpasamesi.
ат̇а ко д̇з бхигкуу асанд̇удтаа саавад̇т̇ияаа сан̇гхасса ад̇хигаран̣авуубасаманзна, асанд̇удтаа самб̣ахулаанам̣ т̇зраанам̣ ад̇хигаран̣авуубасаманзна, асанд̇удтаа д̇ин̣н̣ам̣ т̇зраанам̣ ад̇хигаран̣авуубасаманзна, асанд̇удтаа д̣̇виннам̣ т̇зраанам̣ ад̇хигаран̣авуубасаманзна, асанд̇удтаа згасса т̇зрасса ад̇хигаран̣авуубасаманзна, язна бхаг̇аваа д̇знубасан̇гамим̣су, убасан̇гамид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘нихад̇амзд̇ам̣, бхигкавз, ад̇хигаран̣ам̣ санд̇ам̣ вуубасанд̇ам̣ сувуубасанд̇ам̣. ануж̇аанаами, бхигкавз, д̇зсам̣ бхигкуунам̣ сан̃н̃ад̇д̇ияаа д̇аяо салаагаг̇г̇аахз – г̇уул̣хагам̣, саган̣н̣аж̇аббагам̣, вивадагам̣.
Atha kho te bhikkhū asantuṭṭhā sāvatthiyā saṅghassa adhikaraṇavūpasamanena, asantuṭṭhā sambahulānaṃ therānaṃ adhikaraṇavūpasamanena, asantuṭṭhā tiṇṇaṃ therānaṃ adhikaraṇavūpasamanena, asantuṭṭhā dvinnaṃ therānaṃ adhikaraṇavūpasamanena, asantuṭṭhā ekassa therassa adhikaraṇavūpasamanena, yena bhagavā tenupasaṅkamiṃsu, upasaṅkamitvā bhagavato etamatthaṃ ārocesuṃ…pe… ‘‘nihatametaṃ, bhikkhave, adhikaraṇaṃ santaṃ vūpasantaṃ suvūpasantaṃ. Anujānāmi, bhikkhave, tesaṃ bhikkhūnaṃ saññattiyā tayo salākaggāhe – gūḷhakaṃ, sakaṇṇajappakaṃ, vivaṭakaṃ.
‘‘гат̇ан̃жа , бхигкавз, г̇уул̣хаго салаагаг̇г̇аахо ход̇и? д̇зна салаагаг̇г̇аахаабагзна бхигкунаа салаагааяо ван̣н̣ааван̣н̣ааяо гад̇ваа згамзго бхигку убасан̇гамид̇ваа звамасса важанийяо – ‘аяам̣ звам̣ваад̣̇исса салаагаа, аяам̣ звам̣ваад̣̇исса салаагаа. яам̣ ижчаси д̇ам̣ г̇ан̣хаахий’д̇и. г̇ахид̇з вад̇д̇аб̣б̣о – ‘маа жа гассажи д̣̇ассзхий’д̇и. сажз ж̇аанаад̇и – ад̇хаммаваад̣̇ий б̣ахуд̇араад̇и, д̣̇уг̇г̇аход̇и, бажжуггад̣дхид̇аб̣б̣ам̣. сажз ж̇аанаад̇и – д̇хаммаваад̣̇ий б̣ахуд̇араад̇и, суг̇г̇аход̇и, саавзд̇аб̣б̣ам̣. звам̣ ко, бхигкавз, г̇уул̣хаго салаагаг̇г̇аахо ход̇и.
‘‘Kathañca , bhikkhave, gūḷhako salākaggāho hoti? Tena salākaggāhāpakena bhikkhunā salākāyo vaṇṇāvaṇṇāyo katvā ekameko bhikkhu upasaṅkamitvā evamassa vacanīyo – ‘ayaṃ evaṃvādissa salākā, ayaṃ evaṃvādissa salākā. Yaṃ icchasi taṃ gaṇhāhī’ti. Gahite vattabbo – ‘mā ca kassaci dassehī’ti. Sace jānāti – adhammavādī bahutarāti, duggahoti, paccukkaḍḍhitabbaṃ. Sace jānāti – dhammavādī bahutarāti, suggahoti, sāvetabbaṃ. Evaṃ kho, bhikkhave, gūḷhako salākaggāho hoti.
‘‘гат̇ан̃жа, бхигкавз, саган̣н̣аж̇аббаго салаагаг̇г̇аахо ход̇и? д̇зна салаагаг̇г̇аахаабагзна бхигкунаа згамзгасса бхигкуно убаган̣н̣агз аарожзд̇аб̣б̣ам̣ – ‘аяам̣ звам̣ваад̣̇исса салаагаа, аяам̣ звам̣ваад̣̇исса салаагаа. яам̣ ижчаси д̇ам̣ г̇ан̣хаахий’д̇и. г̇ахид̇з вад̇д̇аб̣б̣о – ‘маа жа гассажи аарожзхий’д̇и. сажз ж̇аанаад̇и – ад̇хаммаваад̣̇ий б̣ахуд̇араад̇и, д̣̇уг̇г̇аход̇и, бажжуггад̣дхид̇аб̣б̣ам̣. сажз ж̇аанаад̇и – д̇хаммаваад̣̇ий б̣ахуд̇араад̇и, суг̇г̇аход̇и, саавзд̇аб̣б̣ам̣. звам̣ ко, бхигкавз, саган̣н̣аж̇аббаго салаагаг̇г̇аахо ход̇и.
‘‘Kathañca, bhikkhave, sakaṇṇajappako salākaggāho hoti? Tena salākaggāhāpakena bhikkhunā ekamekassa bhikkhuno upakaṇṇake ārocetabbaṃ – ‘ayaṃ evaṃvādissa salākā, ayaṃ evaṃvādissa salākā. Yaṃ icchasi taṃ gaṇhāhī’ti. Gahite vattabbo – ‘mā ca kassaci ārocehī’ti. Sace jānāti – adhammavādī bahutarāti, duggahoti, paccukkaḍḍhitabbaṃ. Sace jānāti – dhammavādī bahutarāti, suggahoti, sāvetabbaṃ. Evaṃ kho, bhikkhave, sakaṇṇajappako salākaggāho hoti.
‘‘гат̇ан̃жа, бхигкавз, вивадаго салаагаг̇г̇аахо ход̇и? сажз ж̇аанаад̇и – д̇хаммаваад̣̇ий б̣ахуд̇араад̇и, виссадтзнзва вивадзна г̇аахзд̇аб̣б̣о . звам̣ ко, бхигкавз, вивадаго салаагаг̇г̇аахо ход̇и. имз ко, бхигкавз, д̇аяо салаагаг̇г̇аахаа’’д̇и.
‘‘Kathañca, bhikkhave, vivaṭako salākaggāho hoti? Sace jānāti – dhammavādī bahutarāti, vissaṭṭheneva vivaṭena gāhetabbo . Evaṃ kho, bhikkhave, vivaṭako salākaggāho hoti. Ime kho, bhikkhave, tayo salākaggāhā’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̇ивид̇хасалаагаг̇г̇аахагат̇аа • Tividhasalākaggāhakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣авуубасаманасамат̇агат̇аад̣̇иван̣н̣анаа • Adhikaraṇavūpasamanasamathakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̇ивид̇хасалаагаг̇г̇аахагат̇аа • Tividhasalākaggāhakathā
