| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਤਿવਿਧਸਲਾਕਗ੍ਗਾਹੋ
Tividhasalākaggāho
੨੩੫. ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਾ ਏવਂ ਜਾਤਂ ਏવਂ ਸਮੁਪ੍ਪਨ੍ਨਂ ਅਧਿਕਰਣਂ ਹੋਤਿ। ਅਥ ਖੋ ਤੇ ਭਿਕ੍ਖੂ – ਅਸਨ੍ਤੁਟ੍ਠਾ ਸਾવਤ੍ਥਿਯਾ ਸਙ੍ਘਸ੍ਸ ਅਧਿਕਰਣવੂਪਸਮਨੇਨ – ਅਸ੍ਸੋਸੁਂ ਖੋ ਅਮੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾ ਥੇਰਾ વਿਹਰਨ੍ਤਿ ਬਹੁਸ੍ਸੁਤਾ ਆਗਤਾਗਮਾ ਧਮ੍ਮਧਰਾ વਿਨਯਧਰਾ ਮਾਤਿਕਾਧਰਾ ਪਣ੍ਡਿਤਾ વਿਯਤ੍ਤਾ ਮੇਧਾવਿਨੋ ਲਜ੍ਜਿਨੋ ਕੁਕ੍ਕੁਚ੍ਚਕਾ ਸਿਕ੍ਖਾਕਾਮਾ। ਤੇ ਚੇ ਥੇਰਾ ਇਮਂ ਅਧਿਕਰਣਂ વੂਪਸਮੇਯ੍ਯੁਂ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ, ਏવਮਿਦਂ ਅਧਿਕਰਣਂ ਸੁવੂਪਸਨ੍ਤਂ ਅਸ੍ਸਾਤਿ। ਅਥ ਖੋ ਤੇ ਭਿਕ੍ਖੂ ਤਂ ਆવਾਸਂ ਗਨ੍ਤ੍વਾ ਤੇ ਥੇਰੇ ਏਤਦવੋਚੁਂ – ‘‘ਇਦਂ, ਭਨ੍ਤੇ, ਅਧਿਕਰਣਂ ਏવਂ ਜਾਤਂ, ਏવਂ ਸਮੁਪ੍ਪਨ੍ਨਂ। ਸਾਧੁ, ਭਨ੍ਤੇ, ਥੇਰਾ ਇਮਂ ਅਧਿਕਰਣਂ વੂਪਸਮੇਨ੍ਤੁ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ, ਯਥਯਿਦਂ ਅਧਿਕਰਣਂ ਸੁવੂਪਸਨ੍ਤਂ ਅਸ੍ਸਾ’’ਤਿ। ਅਥ ਖੋ ਤੇ ਥੇਰਾ – ਯਥਾ ਸਾવਤ੍ਥਿਯਾ ਸਙ੍ਘੇਨ ਅਧਿਕਰਣਂ વੂਪਸਮਿਤਂ ਤਥਾ ਸੁવੂਪਸਨ੍ਤਨ੍ਤਿ 1 – ਤਥਾ ਤਂ ਅਧਿਕਰਣਂ વੂਪਸਮੇਸੁਂ ।
235. Tena kho pana samayena sāvatthiyā evaṃ jātaṃ evaṃ samuppannaṃ adhikaraṇaṃ hoti. Atha kho te bhikkhū – asantuṭṭhā sāvatthiyā saṅghassa adhikaraṇavūpasamanena – assosuṃ kho amukasmiṃ kira āvāse sambahulā therā viharanti bahussutā āgatāgamā dhammadharā vinayadharā mātikādharā paṇḍitā viyattā medhāvino lajjino kukkuccakā sikkhākāmā. Te ce therā imaṃ adhikaraṇaṃ vūpasameyyuṃ dhammena vinayena satthusāsanena, evamidaṃ adhikaraṇaṃ suvūpasantaṃ assāti. Atha kho te bhikkhū taṃ āvāsaṃ gantvā te there etadavocuṃ – ‘‘idaṃ, bhante, adhikaraṇaṃ evaṃ jātaṃ, evaṃ samuppannaṃ. Sādhu, bhante, therā imaṃ adhikaraṇaṃ vūpasamentu dhammena vinayena satthusāsanena, yathayidaṃ adhikaraṇaṃ suvūpasantaṃ assā’’ti. Atha kho te therā – yathā sāvatthiyā saṅghena adhikaraṇaṃ vūpasamitaṃ tathā suvūpasantanti 2 – tathā taṃ adhikaraṇaṃ vūpasamesuṃ .
ਅਥ ਖੋ ਤੇ ਭਿਕ੍ਖੂ – ਅਸਨ੍ਤੁਟ੍ਠਾ ਸਾવਤ੍ਥਿਯਾ ਸਙ੍ਘਸ੍ਸ ਅਧਿਕਰਣવੂਪਸਮਨੇਨ, ਅਸਨ੍ਤੁਟ੍ਠਾ ਸਮ੍ਬਹੁਲਾਨਂ ਥੇਰਾਨਂ ਅਧਿਕਰਣવੂਪਸਮਨੇਨ – ਅਸ੍ਸੋਸੁਂ ਖੋ ਅਮੁਕਸ੍ਮਿਂ ਕਿਰ ਆવਾਸੇ ਤਯੋ ਥੇਰਾ વਿਹਰਨ੍ਤਿ…ਪੇ॰… ਦ੍વੇ ਥੇਰਾ વਿਹਰਨ੍ਤਿ…ਪੇ॰… ਏਕੋ ਥੇਰੋ વਿਹਰਤਿ ਬਹੁਸ੍ਸੁਤੋ ਆਗਤਾਗਮੋ ਧਮ੍ਮਧਰੋ વਿਨਯਧਰੋ ਮਾਤਿਕਾਧਰੋ ਪਣ੍ਡਿਤੋ વਿਯਤ੍ਤੋ ਮੇਧਾવੀ ਲਜ੍ਜੀ ਕੁਕ੍ਕੁਚ੍ਚਕੋ ਸਿਕ੍ਖਾਕਾਮੋ। ਸੋ ਚੇ ਥੇਰੋ ਇਮਂ ਅਧਿਕਰਣਂ વੂਪਸਮੇਯ੍ਯ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ, ਏવਮਿਦਂ ਅਧਿਕਰਣਂ ਸੁવੂਪਸਨ੍ਤਂ ਅਸ੍ਸਾਤਿ। ਅਥ ਖੋ ਤੇ ਭਿਕ੍ਖੂ ਤਂ ਆવਾਸਂ ਗਨ੍ਤ੍વਾ ਤਂ ਥੇਰਂ ਏਤਦવੋਚੁਂ – ‘‘ਇਦਂ, ਭਨ੍ਤੇ, ਅਧਿਕਰਣਂ ਏવਂ ਜਾਤਂ, ਏવਂ ਸਮੁਪ੍ਪਨ੍ਨਂ। ਸਾਧੁ, ਭਨ੍ਤੇ, ਥੇਰੋ ਇਮਂ ਅਧਿਕਰਣਂ વੂਪਸਮੇਤੁ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ, ਯਥਯਿਦਂ ਅਧਿਕਰਣਂ ਸੁવੂਪਸਨ੍ਤਂ ਅਸ੍ਸਾ’’ਤਿ। ਅਥ ਖੋ ਸੋ ਥੇਰੋ – ਯਥਾ ਸਾવਤ੍ਥਿਯਾ ਸਙ੍ਘੇਨ ਅਧਿਕਰਣਂ વੂਪਸਮਿਤਂ, ਯਥਾ ਸਮ੍ਬਹੁਲੇਹਿ ਥੇਰੇਹਿ ਅਧਿਕਰਣਂ વੂਪਸਮਿਤਂ, ਯਥਾ ਤੀਹਿ ਥੇਰੇਹਿ ਅਧਿਕਰਣਂ વੂਪਸਮਿਤਂ, ਯਥਾ ਦ੍વੀਹਿ ਥੇਰੇਹਿ ਅਧਿਕਰਣਂ વੂਪਸਮਿਤਂ, ਤਥਾ ਸੁવੂਪਸਨ੍ਤਨ੍ਤਿ – ਤਥਾ ਤਂ ਅਧਿਕਰਣਂ વੂਪਸਮੇਸਿ।
Atha kho te bhikkhū – asantuṭṭhā sāvatthiyā saṅghassa adhikaraṇavūpasamanena, asantuṭṭhā sambahulānaṃ therānaṃ adhikaraṇavūpasamanena – assosuṃ kho amukasmiṃ kira āvāse tayo therā viharanti…pe… dve therā viharanti…pe… eko thero viharati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo. So ce thero imaṃ adhikaraṇaṃ vūpasameyya dhammena vinayena satthusāsanena, evamidaṃ adhikaraṇaṃ suvūpasantaṃ assāti. Atha kho te bhikkhū taṃ āvāsaṃ gantvā taṃ theraṃ etadavocuṃ – ‘‘idaṃ, bhante, adhikaraṇaṃ evaṃ jātaṃ, evaṃ samuppannaṃ. Sādhu, bhante, thero imaṃ adhikaraṇaṃ vūpasametu dhammena vinayena satthusāsanena, yathayidaṃ adhikaraṇaṃ suvūpasantaṃ assā’’ti. Atha kho so thero – yathā sāvatthiyā saṅghena adhikaraṇaṃ vūpasamitaṃ, yathā sambahulehi therehi adhikaraṇaṃ vūpasamitaṃ, yathā tīhi therehi adhikaraṇaṃ vūpasamitaṃ, yathā dvīhi therehi adhikaraṇaṃ vūpasamitaṃ, tathā suvūpasantanti – tathā taṃ adhikaraṇaṃ vūpasamesi.
ਅਥ ਖੋ ਤੇ ਭਿਕ੍ਖੂ ਅਸਨ੍ਤੁਟ੍ਠਾ ਸਾવਤ੍ਥਿਯਾ ਸਙ੍ਘਸ੍ਸ ਅਧਿਕਰਣવੂਪਸਮਨੇਨ, ਅਸਨ੍ਤੁਟ੍ਠਾ ਸਮ੍ਬਹੁਲਾਨਂ ਥੇਰਾਨਂ ਅਧਿਕਰਣવੂਪਸਮਨੇਨ, ਅਸਨ੍ਤੁਟ੍ਠਾ ਤਿਣ੍ਣਂ ਥੇਰਾਨਂ ਅਧਿਕਰਣવੂਪਸਮਨੇਨ, ਅਸਨ੍ਤੁਟ੍ਠਾ ਦ੍વਿਨ੍ਨਂ ਥੇਰਾਨਂ ਅਧਿਕਰਣવੂਪਸਮਨੇਨ, ਅਸਨ੍ਤੁਟ੍ਠਾ ਏਕਸ੍ਸ ਥੇਰਸ੍ਸ ਅਧਿਕਰਣવੂਪਸਮਨੇਨ, ਯੇਨ ਭਗવਾ ਤੇਨੁਪਸਙ੍ਕਮਿਂਸੁ, ਉਪਸਙ੍ਕਮਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਨਿਹਤਮੇਤਂ, ਭਿਕ੍ਖવੇ, ਅਧਿਕਰਣਂ ਸਨ੍ਤਂ વੂਪਸਨ੍ਤਂ ਸੁવੂਪਸਨ੍ਤਂ। ਅਨੁਜਾਨਾਮਿ, ਭਿਕ੍ਖવੇ, ਤੇਸਂ ਭਿਕ੍ਖੂਨਂ ਸਞ੍ਞਤ੍ਤਿਯਾ ਤਯੋ ਸਲਾਕਗ੍ਗਾਹੇ – ਗੂਲ਼੍ਹਕਂ, ਸਕਣ੍ਣਜਪ੍ਪਕਂ, વਿવਟਕਂ।
Atha kho te bhikkhū asantuṭṭhā sāvatthiyā saṅghassa adhikaraṇavūpasamanena, asantuṭṭhā sambahulānaṃ therānaṃ adhikaraṇavūpasamanena, asantuṭṭhā tiṇṇaṃ therānaṃ adhikaraṇavūpasamanena, asantuṭṭhā dvinnaṃ therānaṃ adhikaraṇavūpasamanena, asantuṭṭhā ekassa therassa adhikaraṇavūpasamanena, yena bhagavā tenupasaṅkamiṃsu, upasaṅkamitvā bhagavato etamatthaṃ ārocesuṃ…pe… ‘‘nihatametaṃ, bhikkhave, adhikaraṇaṃ santaṃ vūpasantaṃ suvūpasantaṃ. Anujānāmi, bhikkhave, tesaṃ bhikkhūnaṃ saññattiyā tayo salākaggāhe – gūḷhakaṃ, sakaṇṇajappakaṃ, vivaṭakaṃ.
‘‘ਕਥਞ੍ਚ , ਭਿਕ੍ਖવੇ, ਗੂਲ਼੍ਹਕੋ ਸਲਾਕਗ੍ਗਾਹੋ ਹੋਤਿ? ਤੇਨ ਸਲਾਕਗ੍ਗਾਹਾਪਕੇਨ ਭਿਕ੍ਖੁਨਾ ਸਲਾਕਾਯੋ વਣ੍ਣਾવਣ੍ਣਾਯੋ ਕਤ੍વਾ ਏਕਮੇਕੋ ਭਿਕ੍ਖੁ ਉਪਸਙ੍ਕਮਿਤ੍વਾ ਏવਮਸ੍ਸ વਚਨੀਯੋ – ‘ਅਯਂ ਏવਂવਾਦਿਸ੍ਸ ਸਲਾਕਾ, ਅਯਂ ਏવਂવਾਦਿਸ੍ਸ ਸਲਾਕਾ। ਯਂ ਇਚ੍ਛਸਿ ਤਂ ਗਣ੍ਹਾਹੀ’ਤਿ। ਗਹਿਤੇ વਤ੍ਤਬ੍ਬੋ – ‘ਮਾ ਚ ਕਸ੍ਸਚਿ ਦਸ੍ਸੇਹੀ’ਤਿ। ਸਚੇ ਜਾਨਾਤਿ – ਅਧਮ੍ਮવਾਦੀ ਬਹੁਤਰਾਤਿ, ਦੁਗ੍ਗਹੋਤਿ, ਪਚ੍ਚੁਕ੍ਕਡ੍ਢਿਤਬ੍ਬਂ। ਸਚੇ ਜਾਨਾਤਿ – ਧਮ੍ਮવਾਦੀ ਬਹੁਤਰਾਤਿ, ਸੁਗ੍ਗਹੋਤਿ, ਸਾવੇਤਬ੍ਬਂ। ਏવਂ ਖੋ, ਭਿਕ੍ਖવੇ, ਗੂਲ਼੍ਹਕੋ ਸਲਾਕਗ੍ਗਾਹੋ ਹੋਤਿ।
‘‘Kathañca , bhikkhave, gūḷhako salākaggāho hoti? Tena salākaggāhāpakena bhikkhunā salākāyo vaṇṇāvaṇṇāyo katvā ekameko bhikkhu upasaṅkamitvā evamassa vacanīyo – ‘ayaṃ evaṃvādissa salākā, ayaṃ evaṃvādissa salākā. Yaṃ icchasi taṃ gaṇhāhī’ti. Gahite vattabbo – ‘mā ca kassaci dassehī’ti. Sace jānāti – adhammavādī bahutarāti, duggahoti, paccukkaḍḍhitabbaṃ. Sace jānāti – dhammavādī bahutarāti, suggahoti, sāvetabbaṃ. Evaṃ kho, bhikkhave, gūḷhako salākaggāho hoti.
‘‘ਕਥਞ੍ਚ, ਭਿਕ੍ਖવੇ, ਸਕਣ੍ਣਜਪ੍ਪਕੋ ਸਲਾਕਗ੍ਗਾਹੋ ਹੋਤਿ? ਤੇਨ ਸਲਾਕਗ੍ਗਾਹਾਪਕੇਨ ਭਿਕ੍ਖੁਨਾ ਏਕਮੇਕਸ੍ਸ ਭਿਕ੍ਖੁਨੋ ਉਪਕਣ੍ਣਕੇ ਆਰੋਚੇਤਬ੍ਬਂ – ‘ਅਯਂ ਏવਂવਾਦਿਸ੍ਸ ਸਲਾਕਾ, ਅਯਂ ਏવਂવਾਦਿਸ੍ਸ ਸਲਾਕਾ। ਯਂ ਇਚ੍ਛਸਿ ਤਂ ਗਣ੍ਹਾਹੀ’ਤਿ। ਗਹਿਤੇ વਤ੍ਤਬ੍ਬੋ – ‘ਮਾ ਚ ਕਸ੍ਸਚਿ ਆਰੋਚੇਹੀ’ਤਿ। ਸਚੇ ਜਾਨਾਤਿ – ਅਧਮ੍ਮવਾਦੀ ਬਹੁਤਰਾਤਿ, ਦੁਗ੍ਗਹੋਤਿ, ਪਚ੍ਚੁਕ੍ਕਡ੍ਢਿਤਬ੍ਬਂ। ਸਚੇ ਜਾਨਾਤਿ – ਧਮ੍ਮવਾਦੀ ਬਹੁਤਰਾਤਿ, ਸੁਗ੍ਗਹੋਤਿ, ਸਾવੇਤਬ੍ਬਂ। ਏવਂ ਖੋ, ਭਿਕ੍ਖવੇ, ਸਕਣ੍ਣਜਪ੍ਪਕੋ ਸਲਾਕਗ੍ਗਾਹੋ ਹੋਤਿ।
‘‘Kathañca, bhikkhave, sakaṇṇajappako salākaggāho hoti? Tena salākaggāhāpakena bhikkhunā ekamekassa bhikkhuno upakaṇṇake ārocetabbaṃ – ‘ayaṃ evaṃvādissa salākā, ayaṃ evaṃvādissa salākā. Yaṃ icchasi taṃ gaṇhāhī’ti. Gahite vattabbo – ‘mā ca kassaci ārocehī’ti. Sace jānāti – adhammavādī bahutarāti, duggahoti, paccukkaḍḍhitabbaṃ. Sace jānāti – dhammavādī bahutarāti, suggahoti, sāvetabbaṃ. Evaṃ kho, bhikkhave, sakaṇṇajappako salākaggāho hoti.
‘‘ਕਥਞ੍ਚ, ਭਿਕ੍ਖવੇ, વਿવਟਕੋ ਸਲਾਕਗ੍ਗਾਹੋ ਹੋਤਿ? ਸਚੇ ਜਾਨਾਤਿ – ਧਮ੍ਮવਾਦੀ ਬਹੁਤਰਾਤਿ, વਿਸ੍ਸਟ੍ਠੇਨੇવ વਿવਟੇਨ ਗਾਹੇਤਬ੍ਬੋ । ਏવਂ ਖੋ, ਭਿਕ੍ਖવੇ, વਿવਟਕੋ ਸਲਾਕਗ੍ਗਾਹੋ ਹੋਤਿ। ਇਮੇ ਖੋ, ਭਿਕ੍ਖવੇ, ਤਯੋ ਸਲਾਕਗ੍ਗਾਹਾ’’ਤਿ।
‘‘Kathañca, bhikkhave, vivaṭako salākaggāho hoti? Sace jānāti – dhammavādī bahutarāti, vissaṭṭheneva vivaṭena gāhetabbo . Evaṃ kho, bhikkhave, vivaṭako salākaggāho hoti. Ime kho, bhikkhave, tayo salākaggāhā’’ti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਤਿવਿਧਸਲਾਕਗ੍ਗਾਹਕਥਾ • Tividhasalākaggāhakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਿਕਰਣવੂਪਸਮਨਸਮਥਕਥਾਦਿવਣ੍ਣਨਾ • Adhikaraṇavūpasamanasamathakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਤਿવਿਧਸਲਾਕਗ੍ਗਾਹਕਥਾ • Tividhasalākaggāhakathā
