| Library / Tipiṭaka / திபிடக • Tipiṭaka / சூளனித்³தே³ஸ-அட்ட²கதா² • Cūḷaniddesa-aṭṭhakathā |
9. தோதெ³ய்யமாணவஸுத்தனித்³தே³ஸவண்ணனா
9. Todeyyamāṇavasuttaniddesavaṇṇanā
57. நவமே தோதெ³ய்யஸுத்தே – விமொக்கோ² தஸ்ஸ கீதி³ஸோதி தஸ்ஸ கீதி³ஸோ விமொக்கோ² இச்சி²தப்³போ³தி புச்ச²தி.
57. Navame todeyyasutte – vimokkho tassa kīdisoti tassa kīdiso vimokkho icchitabboti pucchati.
58. இதா³னிஸ்ஸ அஞ்ஞவிமொக்கா²பா⁴வங் த³ஸ்ஸெந்தோ ப⁴க³வா து³தியங் கா³த²மாஹ. தத்த² விமொக்கோ² தஸ்ஸ நாபரோதி தஸ்ஸ அஞ்ஞோ விமொக்கோ² நத்தி².
58. Idānissa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
59. ஏவங் ‘‘தண்ஹக்க²யோ ஏவ விமொக்கோ²’’தி வுத்தேபி தமத்த²ங் அஸல்லக்கெ²ந்தோ ‘‘நிராஸஸோ ஸோ உத³ ஆஸஸானோ’’தி புன புச்ச²தி. தத்த² உத³ பஞ்ஞகப்பீதி உதா³ஹு ஸமாபத்திஞாணாதி³னா ஞாணேன தண்ஹாகப்பங் வா தி³ட்டி²கப்பங் வா கப்பயதி.
59. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati.
60. அத²ஸ்ஸ ப⁴க³வா தங் ஆசிக்க²ந்தோ சதுத்த²ங் கா³த²மாஹ. தத்த² காமப⁴வேதி காமே ச ப⁴வே ச.
60. Athassa bhagavā taṃ ācikkhanto catutthaṃ gāthamāha. Tattha kāmabhaveti kāme ca bhave ca.
ரூபே நாஸீஸதீதி சதுஸமுட்டா²னிகே ரூபாரம்மணே ச²ந்த³ராக³வஸேன ந பத்தே²தி. ஸத்³தா⁴தீ³ஸுபி ஏஸேவ நயோ. பலிபோ³த⁴ட்டே²ன ராகோ³ ஏவ கிஞ்சனங் ராக³கிஞ்சனங் மத³னட்டே²ன வா. தோ³ஸகிஞ்சனாதீ³ஸுபி ஏஸேவ நயோ. ஸேஸங் ஸப்³ப³த்த² பாகடமேவ.
Rūpe nāsīsatīti catusamuṭṭhānike rūpārammaṇe chandarāgavasena na pattheti. Saddhādīsupi eseva nayo. Palibodhaṭṭhena rāgo eva kiñcanaṃ rāgakiñcanaṃ madanaṭṭhena vā. Dosakiñcanādīsupi eseva nayo. Sesaṃ sabbattha pākaṭameva.
ஏவங் ப⁴க³வா இத³ம்பி ஸுத்தங் அரஹத்தனிகூடேனேவ தே³ஸேஸி, தே³ஸனாபரியோஸானே ச புப்³ப³ஸதி³ஸோ ஏவ த⁴ம்மாபி⁴ஸமயோ அஹோஸீதி.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
ஸத்³த⁴ம்மப்பஜ்ஜோதிகாய சூளனித்³தே³ஸ-அட்ட²கதா²ய
Saddhammappajjotikāya cūḷaniddesa-aṭṭhakathāya
தோதெ³ய்யமாணவஸுத்தனித்³தே³ஸவண்ணனா நிட்டி²தா.
Todeyyamāṇavasuttaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / சூளனித்³தே³ஸபாளி • Cūḷaniddesapāḷi
9. தோதெ³ய்யமாணவபுச்சா² • 9. Todeyyamāṇavapucchā
9. தோதெ³ய்யமாணவபுச்சா²னித்³தே³ஸோ • 9. Todeyyamāṇavapucchāniddeso
