| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
9. д̇од̣̇зяяамаан̣авасуд̇д̇анид̣̇д̣̇зсаван̣н̣анаа
9. Todeyyamāṇavasuttaniddesavaṇṇanā
57. навамз д̇од̣̇зяяасуд̇д̇з – вимогко д̇асса гийд̣̇исод̇и д̇асса гийд̣̇исо вимогко ижчид̇аб̣б̣од̇и бужчад̇и.
57. Navame todeyyasutte – vimokkho tassa kīdisoti tassa kīdiso vimokkho icchitabboti pucchati.
58. ид̣̇аанисса ан̃н̃авимогкаабхаавам̣ д̣̇ассзнд̇о бхаг̇аваа д̣̇уд̇ияам̣ г̇аат̇амааха. д̇ад̇т̇а вимогко д̇асса наабарод̇и д̇асса ан̃н̃о вимогко над̇т̇и.
58. Idānissa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
59. звам̣ ‘‘д̇ан̣хагкаяо зва вимогко’’д̇и вуд̇д̇зби д̇амад̇т̇ам̣ асаллагкзнд̇о ‘‘нираасасо со уд̣̇а аасасаано’’д̇и буна бужчад̇и. д̇ад̇т̇а уд̣̇а бан̃н̃агаббийд̇и уд̣̇ааху самаабад̇д̇ин̃аан̣аад̣̇инаа н̃аан̣зна д̇ан̣хаагаббам̣ ваа д̣̇идтигаббам̣ ваа габбаяад̇и.
59. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati.
60. ат̇асса бхаг̇аваа д̇ам̣ аажигканд̇о жад̇уд̇т̇ам̣ г̇аат̇амааха. д̇ад̇т̇а гаамабхавзд̇и гаамз жа бхавз жа.
60. Athassa bhagavā taṃ ācikkhanto catutthaṃ gāthamāha. Tattha kāmabhaveti kāme ca bhave ca.
руубз наасийсад̇ийд̇и жад̇усамудтаанигз руубаарамман̣з чанд̣̇арааг̇авасзна на бад̇т̇зд̇и. сад̣̇д̇хаад̣̇ийсуби зсзва наяо. балиб̣од̇хадтзна рааг̇о зва гин̃жанам̣ рааг̇агин̃жанам̣ мад̣̇анадтзна ваа. д̣̇осагин̃жанаад̣̇ийсуби зсзва наяо. сзсам̣ саб̣б̣ад̇т̇а баагадамзва.
Rūpe nāsīsatīti catusamuṭṭhānike rūpārammaṇe chandarāgavasena na pattheti. Saddhādīsupi eseva nayo. Palibodhaṭṭhena rāgo eva kiñcanaṃ rāgakiñcanaṃ madanaṭṭhena vā. Dosakiñcanādīsupi eseva nayo. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
д̇од̣̇зяяамаан̣авасуд̇д̇анид̣̇д̣̇зсаван̣н̣анаа нидтид̇аа.
Todeyyamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
9. д̇од̣̇зяяамаан̣авабужчаа • 9. Todeyyamāṇavapucchā
9. д̇од̣̇зяяамаан̣авабужчаанид̣̇д̣̇зсо • 9. Todeyyamāṇavapucchāniddeso
