| Library / Tipiṭaka / ਤਿਪਿਟਕ • Tipiṭaka / ਚੂਲ਼ਨਿਦ੍ਦੇਸ-ਅਟ੍ਠਕਥਾ • Cūḷaniddesa-aṭṭhakathā |
੯. ਤੋਦੇਯ੍ਯਮਾਣવਸੁਤ੍ਤਨਿਦ੍ਦੇਸવਣ੍ਣਨਾ
9. Todeyyamāṇavasuttaniddesavaṇṇanā
੫੭. ਨવਮੇ ਤੋਦੇਯ੍ਯਸੁਤ੍ਤੇ – વਿਮੋਕ੍ਖੋ ਤਸ੍ਸ ਕੀਦਿਸੋਤਿ ਤਸ੍ਸ ਕੀਦਿਸੋ વਿਮੋਕ੍ਖੋ ਇਚ੍ਛਿਤਬ੍ਬੋਤਿ ਪੁਚ੍ਛਤਿ।
57. Navame todeyyasutte – vimokkho tassa kīdisoti tassa kīdiso vimokkho icchitabboti pucchati.
੫੮. ਇਦਾਨਿਸ੍ਸ ਅਞ੍ਞવਿਮੋਕ੍ਖਾਭਾવਂ ਦਸ੍ਸੇਨ੍ਤੋ ਭਗવਾ ਦੁਤਿਯਂ ਗਾਥਮਾਹ। ਤਤ੍ਥ વਿਮੋਕ੍ਖੋ ਤਸ੍ਸ ਨਾਪਰੋਤਿ ਤਸ੍ਸ ਅਞ੍ਞੋ વਿਮੋਕ੍ਖੋ ਨਤ੍ਥਿ।
58. Idānissa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
੫੯. ਏવਂ ‘‘ਤਣ੍ਹਕ੍ਖਯੋ ਏવ વਿਮੋਕ੍ਖੋ’’ਤਿ વੁਤ੍ਤੇਪਿ ਤਮਤ੍ਥਂ ਅਸਲ੍ਲਕ੍ਖੇਨ੍ਤੋ ‘‘ਨਿਰਾਸਸੋ ਸੋ ਉਦ ਆਸਸਾਨੋ’’ਤਿ ਪੁਨ ਪੁਚ੍ਛਤਿ। ਤਤ੍ਥ ਉਦ ਪਞ੍ਞਕਪ੍ਪੀਤਿ ਉਦਾਹੁ ਸਮਾਪਤ੍ਤਿਞਾਣਾਦਿਨਾ ਞਾਣੇਨ ਤਣ੍ਹਾਕਪ੍ਪਂ વਾ ਦਿਟ੍ਠਿਕਪ੍ਪਂ વਾ ਕਪ੍ਪਯਤਿ।
59. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati.
੬੦. ਅਥਸ੍ਸ ਭਗવਾ ਤਂ ਆਚਿਕ੍ਖਨ੍ਤੋ ਚਤੁਤ੍ਥਂ ਗਾਥਮਾਹ। ਤਤ੍ਥ ਕਾਮਭવੇਤਿ ਕਾਮੇ ਚ ਭવੇ ਚ।
60. Athassa bhagavā taṃ ācikkhanto catutthaṃ gāthamāha. Tattha kāmabhaveti kāme ca bhave ca.
ਰੂਪੇ ਨਾਸੀਸਤੀਤਿ ਚਤੁਸਮੁਟ੍ਠਾਨਿਕੇ ਰੂਪਾਰਮ੍ਮਣੇ ਛਨ੍ਦਰਾਗવਸੇਨ ਨ ਪਤ੍ਥੇਤਿ। ਸਦ੍ਧਾਦੀਸੁਪਿ ਏਸੇવ ਨਯੋ। ਪਲਿਬੋਧਟ੍ਠੇਨ ਰਾਗੋ ਏવ ਕਿਞ੍ਚਨਂ ਰਾਗਕਿਞ੍ਚਨਂ ਮਦਨਟ੍ਠੇਨ વਾ। ਦੋਸਕਿਞ੍ਚਨਾਦੀਸੁਪਿ ਏਸੇવ ਨਯੋ। ਸੇਸਂ ਸਬ੍ਬਤ੍ਥ ਪਾਕਟਮੇવ।
Rūpe nāsīsatīti catusamuṭṭhānike rūpārammaṇe chandarāgavasena na pattheti. Saddhādīsupi eseva nayo. Palibodhaṭṭhena rāgo eva kiñcanaṃ rāgakiñcanaṃ madanaṭṭhena vā. Dosakiñcanādīsupi eseva nayo. Sesaṃ sabbattha pākaṭameva.
ਏવਂ ਭਗવਾ ਇਦਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ, ਦੇਸਨਾਪਰਿਯੋਸਾਨੇ ਚ ਪੁਬ੍ਬਸਦਿਸੋ ਏવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
ਸਦ੍ਧਮ੍ਮਪ੍ਪਜ੍ਜੋਤਿਕਾਯ ਚੂਲ਼ਨਿਦ੍ਦੇਸ-ਅਟ੍ਠਕਥਾਯ
Saddhammappajjotikāya cūḷaniddesa-aṭṭhakathāya
ਤੋਦੇਯ੍ਯਮਾਣવਸੁਤ੍ਤਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Todeyyamāṇavasuttaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਚੂਲ਼ਨਿਦ੍ਦੇਸਪਾਲ਼ਿ • Cūḷaniddesapāḷi
੯. ਤੋਦੇਯ੍ਯਮਾਣવਪੁਚ੍ਛਾ • 9. Todeyyamāṇavapucchā
੯. ਤੋਦੇਯ੍ਯਮਾਣવਪੁਚ੍ਛਾਨਿਦ੍ਦੇਸੋ • 9. Todeyyamāṇavapucchāniddeso
