| Library / Tipiṭaka / ติปิฎก • Tipiṭaka / สุตฺตนิปาต-อฎฺฐกถา • Suttanipāta-aṭṭhakathā |
๙. โตเทยฺยสุตฺตวณฺณนา
9. Todeyyasuttavaṇṇanā
๑๐๙๕. ยสฺมิํ กามาติ โตเทยฺยสุตฺตํฯ ตตฺถ วิโมโกฺข ตสฺส กีทิโสติ ตสฺส กีทิโส วิโมโกฺข อิจฺฉิตโพฺพติ ปุจฺฉติ ฯ อิทานิ ตสฺส อญฺญวิโมกฺขาภาวํ ทเสฺสโนฺต ภควา ทุติยํ คาถมาหฯ ตตฺถ วิโมโกฺข ตสฺส นาปโรติ ตสฺส อโญฺญ วิโมโกฺข นตฺถิฯ
1095.Yasmiṃkāmāti todeyyasuttaṃ. Tattha vimokkho tassa kīdisoti tassa kīdiso vimokkho icchitabboti pucchati . Idāni tassa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
๑๐๙๗-๘. เอวํ ‘‘ตณฺหกฺขโย เอว วิโมโกฺข’’ติ วุเตฺตปิ ตมตฺถํ อสลฺลเกฺขโนฺต ‘‘นิราสโส โส อุท อาสสาโน’’ติ ปุน ปุจฺฉติฯ ตตฺถ อุท ปญฺญกปฺปีติ อุทาหุ สมาปตฺติญาณาทินา ญาเณน ตณฺหากปฺปํ วา ทิฎฺฐิกปฺปํ วา กปฺปยติฯ อถสฺส ภควา ตํ อาจิกฺขโนฺต ทุติยํ คาถมาหฯ ตตฺถ กามภเวติ กาเม จ ภเว จฯ เสสํ สพฺพตฺถ ปากฎเมวฯ
1097-8. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati. Athassa bhagavā taṃ ācikkhanto dutiyaṃ gāthamāha. Tattha kāmabhaveti kāme ca bhave ca. Sesaṃ sabbattha pākaṭameva.
เอวํ ภควา อิมมฺปิ สุตฺตํ อรหตฺตนิกูเฎเนว เทเสสิฯ เทสนาปริโยสาเน จ ปุพฺพสทิโส เอว ธมฺมาภิสมโย อโหสีติฯ
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
ปรมตฺถโชติกาย ขุทฺทก-อฎฺฐกถาย
Paramatthajotikāya khuddaka-aṭṭhakathāya
สุตฺตนิปาต-อฎฺฐกถาย โตเทยฺยสุตฺตวณฺณนา นิฎฺฐิตาฯ
Suttanipāta-aṭṭhakathāya todeyyasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / สุตฺตนิปาตปาฬิ • Suttanipātapāḷi / ๙. โตเทยฺยมาณวปุจฺฉา • 9. Todeyyamāṇavapucchā
