| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. তুলাকূটসুত্তৰণ্ণনা
4. Tulākūṭasuttavaṇṇanā
১১৬৪. রূপকূটং সরূপেন সদিসেন ছলৰোহারো। অঙ্গকূটং অত্তনো হত্থাদিনা অঙ্গানং ছলকরণং । গহণকূটং মানেসু গহণৰসেন। পটিচ্ছন্নকূটং অযচুণ্ণাদিনা পটিচ্ছন্নেন ছলকরণং। মহতিযা তুলায। পচ্ছাভাগেতি তুলায পচ্ছিমভাগে। হত্থেনাতি হত্থপদেসেন। অক্কমতীতি উট্ঠাতুং অদেন্তো গণ্হাতি। দদন্তো পুব্বভাগেতি পরেসং দদন্তো পুব্বভাগে হত্থেন তুলং অক্কমতি। তন্তি অযচুণ্ণং।
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
লোহপাতিযোতি তম্বলোহপাতিযো। সুৰণ্ণৰণ্ণা করোন্তীতি অসনিখাদসুৰণ্ণকনকলিম্পিতা সুৰণ্ণৰণ্ণা করোন্তি। মানভাজনস্স হদযভূতস্স অব্ভন্তরস্স ভিন্নং হদযভেদো। নিমিযমানস্স তিলতণ্ডুলাদিকস্স সিখায অগ্গকোটিযা ভিন্নং সিখাভেদো। খেত্তাদীনং মিননরজ্জুযা অঞ্ঞথাকরণং রজ্জুভেদো। রজ্জুগহণেনেৰ চেত্থ দণ্ডকস্স গহণং কতমেৰাতি দট্ঠব্বং।
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. তুলাকূটসুত্তং • 4. Tulākūṭasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. তুলাকূটসুত্তৰণ্ণনা • 4. Tulākūṭasuttavaṇṇanā
