| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. д̇улаагуудасуд̇д̇аван̣н̣анаа
4. Tulākūṭasuttavaṇṇanā
1164. руубагуудам̣ саруубзна сад̣̇исзна чалавохааро. ан̇г̇агуудам̣ ад̇д̇ано хад̇т̇аад̣̇инаа ан̇г̇аанам̣ чалагаран̣ам̣ . г̇ахан̣агуудам̣ маанзсу г̇ахан̣авасзна. бадижчаннагуудам̣ аяажун̣н̣аад̣̇инаа бадижчаннзна чалагаран̣ам̣. махад̇ияаа д̇улааяа. бажчаабхааг̇зд̇и д̇улааяа бажчимабхааг̇з. хад̇т̇знаад̇и хад̇т̇абад̣̇зсзна. аггамад̇ийд̇и удтаад̇ум̣ ад̣̇знд̇о г̇ан̣хаад̇и. д̣̇ад̣̇анд̇о буб̣б̣абхааг̇зд̇и барзсам̣ д̣̇ад̣̇анд̇о буб̣б̣абхааг̇з хад̇т̇зна д̇улам̣ аггамад̇и. д̇анд̇и аяажун̣н̣ам̣.
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
лохабаад̇ияод̇и д̇амб̣алохабаад̇ияо. суван̣н̣аван̣н̣аа гаронд̇ийд̇и асаникаад̣̇асуван̣н̣аганагалимбид̇аа суван̣н̣аван̣н̣аа гаронд̇и. маанабхааж̇анасса хад̣̇аяабхууд̇асса аб̣бханд̇арасса бхиннам̣ хад̣̇аяабхзд̣̇о. нимияамаанасса д̇илад̇ан̣д̣улаад̣̇игасса сикааяа аг̇г̇агодияаа бхиннам̣ сикаабхзд̣̇о. кзд̇д̇аад̣̇ийнам̣ минанараж̇ж̇уяаа ан̃н̃ат̇аагаран̣ам̣ раж̇ж̇убхзд̣̇о. раж̇ж̇уг̇ахан̣знзва жзд̇т̇а д̣̇ан̣д̣агасса г̇ахан̣ам̣ гад̇амзваад̇и д̣̇адтаб̣б̣ам̣.
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. д̇улаагуудасуд̇д̇ам̣ • 4. Tulākūṭasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̇улаагуудасуд̇д̇аван̣н̣анаа • 4. Tulākūṭasuttavaṇṇanā
