| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. ตุลากูฎสุตฺตวณฺณนา
4. Tulākūṭasuttavaṇṇanā
๑๑๖๔. รูปกูฎํ สรูเปน สทิเสน ฉลโวหาโรฯ องฺคกูฎํ อตฺตโน หตฺถาทินา องฺคานํ ฉลกรณํ ฯ คหณกูฎํ มาเนสุ คหณวเสนฯ ปฎิจฺฉนฺนกูฎํ อยจุณฺณาทินา ปฎิจฺฉเนฺนน ฉลกรณํฯ มหติยา ตุลายฯ ปจฺฉาภาเคติ ตุลาย ปจฺฉิมภาเคฯ หเตฺถนาติ หตฺถปเทเสนฯ อกฺกมตีติ อุฎฺฐาตุํ อเทโนฺต คณฺหาติฯ ททโนฺต ปุพฺพภาเคติ ปเรสํ ททโนฺต ปุพฺพภาเค หเตฺถน ตุลํ อกฺกมติฯ ตนฺติ อยจุณฺณํฯ
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
โลหปาติโยติ ตมฺพโลหปาติโยฯ สุวณฺณวณฺณา กโรนฺตีติ อสนิขาทสุวณฺณกนกลิมฺปิตา สุวณฺณวณฺณา กโรนฺติฯ มานภาชนสฺส หทยภูตสฺส อพฺภนฺตรสฺส ภินฺนํ หทยเภโทฯ นิมิยมานสฺส ติลตณฺฑุลาทิกสฺส สิขาย อคฺคโกฎิยา ภินฺนํ สิขาเภโทฯ เขตฺตาทีนํ มินนรชฺชุยา อญฺญถากรณํ รชฺชุเภโทฯ รชฺชุคหเณเนว เจตฺถ ทณฺฑกสฺส คหณํ กตเมวาติ ทฎฺฐพฺพํฯ
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. ตุลากูฎสุตฺตํ • 4. Tulākūṭasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. ตุลากูฎสุตฺตวณฺณนา • 4. Tulākūṭasuttavaṇṇanā
