| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
6. தூலோனத்³த⁴ஸிக்கா²பத³வண்ணனா
6. Tūlonaddhasikkhāpadavaṇṇanā
சிமிலிகங் பத்த²ரித்வா தூலங் பக்கி²பித்வாதி மஞ்சபீடா²னங் உபரி சிமிலிகங் பத்த²ரித்வா தஸ்ஸ உபரி தூலங் பக்கி²பித்வாதி அத்தோ². உபரி சிமிலிகாயாதி உபரிமபா⁴கே³ சிமிலிகாய.
Cimilikaṃpattharitvā tūlaṃ pakkhipitvāti mañcapīṭhānaṃ upari cimilikaṃ pattharitvā tassa upari tūlaṃ pakkhipitvāti attho. Upari cimilikāyāti uparimabhāge cimilikāya.
ஸீஸப்பமாணந்தி (சூளவ॰ அட்ட²॰ 297; ஸாரத்த²॰ டீ॰ சூளவக்³க³ 3.297) யத்த² க³லவாடகதோ பட்டா²ய ஸப்³ப³ஸீஸங் உபத³ஹந்தி, தங் ஸீஸப்பமாணங். தஞ்ச உக்கட்ட²பரிச்சே²த³தோ திரியங் முட்டி²ரதனங் ஹோதி, தீ³க⁴தோ த்³விரதனந்தி த³ஸ்ஸேதுங் ‘‘யஸ்ஸ வித்தா²ரதோ தீஸு கோணேஸூ’’திஆதி³மாஹ. த்³வின்னங் அந்தரங் வித³த்தி² சதுரங்கு³லங் ஹோதீதி த்³வின்னங் கோணானங் அந்தரங் மினியமானங் வித³த்தி² சேவ சதுரங்கு³லஞ்ச ஹோதி. மஜ்ஜே² முட்டி²ரதனந்தி பி³ப்³போ³ஹனஸ்ஸ மஜ்ஜ²ங் திரியதோ முட்டி²ரதனப்பமாணங் ஹோதி. அயஞ்ஹி ஸீஸப்பமாணஸ்ஸ உக்கட்ட²பரிச்சே²தோ³. ததோ உத்³த⁴ங் ந வட்டதி, ஹெட்டா² வட்டதி. அகி³லானஸ்ஸ ஸீஸூபதா⁴னஞ்ச பாதூ³பதா⁴னஞ்சாதி த்³வயமேவ வட்டதி. கி³லானஸ்ஸ பி³ப்³போ³ஹனானி ஸந்த²ரித்வா உபரி பச்சத்த²ரணங் த³த்வா நிபஜ்ஜிதும்பி வட்டதி.
Sīsappamāṇanti (cūḷava. aṭṭha. 297; sārattha. ṭī. cūḷavagga 3.297) yattha galavāṭakato paṭṭhāya sabbasīsaṃ upadahanti, taṃ sīsappamāṇaṃ. Tañca ukkaṭṭhaparicchedato tiriyaṃ muṭṭhiratanaṃ hoti, dīghato dviratananti dassetuṃ ‘‘yassa vitthārato tīsu koṇesū’’tiādimāha. Dvinnaṃ antaraṃ vidatthi caturaṅgulaṃ hotīti dvinnaṃ koṇānaṃ antaraṃ miniyamānaṃ vidatthi ceva caturaṅgulañca hoti. Majjhe muṭṭhiratananti bibbohanassa majjhaṃ tiriyato muṭṭhiratanappamāṇaṃ hoti. Ayañhi sīsappamāṇassa ukkaṭṭhaparicchedo. Tato uddhaṃ na vaṭṭati, heṭṭhā vaṭṭati. Agilānassa sīsūpadhānañca pādūpadhānañcāti dvayameva vaṭṭati. Gilānassa bibbohanāni santharitvā upari paccattharaṇaṃ datvā nipajjitumpi vaṭṭati.
தூலோனத்³த⁴ஸிக்கா²பத³வண்ணனா நிட்டி²தா.
Tūlonaddhasikkhāpadavaṇṇanā niṭṭhitā.
