| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๘๘. ตุณฺฑิลชาตกํ (๖-๒-๓)
388. Tuṇḍilajātakaṃ (6-2-3)
๘๘.
88.
พหุเก ชเน ปาสปาณิเก, โน จ โข เม ปฎิภาติ ภุญฺชิตุํฯ
Bahuke jane pāsapāṇike, no ca kho me paṭibhāti bhuñjituṃ.
๘๙.
89.
ตสสิ ภมสิ เลณมิจฺฉสิ, อตฺตาโณสิ กุหิํ คมิสฺสสิ;
Tasasi bhamasi leṇamicchasi, attāṇosi kuhiṃ gamissasi;
อโปฺปสฺสุโกฺก ภุญฺช ตุณฺฑิล, มํสตฺถาย หิ โปสิตามฺหเส 5ฯ
Appossukko bhuñja tuṇḍila, maṃsatthāya hi positāmhase 6.
๙๐.
90.
โอคห รหทํ อกทฺทมํ, สพฺพํ เสทมลํ ปวาหย;
Ogaha rahadaṃ akaddamaṃ, sabbaṃ sedamalaṃ pavāhaya;
คณฺหาหิ นวํ วิเลปนํ, ยสฺส คโนฺธ น กทาจิ ฉิชฺชติฯ
Gaṇhāhi navaṃ vilepanaṃ, yassa gandho na kadāci chijjati.
๙๑.
91.
กตโม รหโท อกทฺทโม, กิํสุ เสทมลนฺติ วุจฺจติ;
Katamo rahado akaddamo, kiṃsu sedamalanti vuccati;
กตมญฺจ นวํ วิเลปนํ, ยสฺส คโนฺธ น กทาจิ ฉิชฺชติฯ
Katamañca navaṃ vilepanaṃ, yassa gandho na kadāci chijjati.
๙๒.
92.
ธโมฺม รหโท อกทฺทโม, ปาปํ เสทมลนฺติ วุจฺจติ;
Dhammo rahado akaddamo, pāpaṃ sedamalanti vuccati;
สีลญฺจ นวํ วิเลปนํ, ตสฺส คโนฺธ น กทาจิ ฉิชฺชติฯ
Sīlañca navaṃ vilepanaṃ, tassa gandho na kadāci chijjati.
๙๓.
93.
นนฺทนฺติ สรีรฆาติโน, น จ นนฺทนฺติ สรีรธาริโน;
Nandanti sarīraghātino, na ca nandanti sarīradhārino;
ปุณฺณาย จ ปุณฺณมาสิยา, รมมานาว ชหนฺติ ชีวิตนฺติฯ
Puṇṇāya ca puṇṇamāsiyā, ramamānāva jahanti jīvitanti.
ตุณฺฑิลชาตกํ ตติยํฯ
Tuṇḍilajātakaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๘๘] ๓. ตุณฺฑิลชาตกวณฺณนา • [388] 3. Tuṇḍilajātakavaṇṇanā
