| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៨៨. តុណ្ឌិលជាតកំ (៦-២-៣)
388. Tuṇḍilajātakaṃ (6-2-3)
៨៨.
88.
ពហុកេ ជនេ បាសបាណិកេ, នោ ច ខោ មេ បដិភាតិ ភុញ្ជិតុំ។
Bahuke jane pāsapāṇike, no ca kho me paṭibhāti bhuñjituṃ.
៨៩.
89.
តសសិ ភមសិ លេណមិច្ឆសិ, អត្តាណោសិ កុហិំ គមិស្សសិ;
Tasasi bhamasi leṇamicchasi, attāṇosi kuhiṃ gamissasi;
អប្បោស្សុក្កោ ភុញ្ជ តុណ្ឌិល, មំសត្ថាយ ហិ បោសិតាម្ហសេ 5។
Appossukko bhuñja tuṇḍila, maṃsatthāya hi positāmhase 6.
៩០.
90.
ឱគហ រហទំ អកទ្ទមំ, សព្ពំ សេទមលំ បវាហយ;
Ogaha rahadaṃ akaddamaṃ, sabbaṃ sedamalaṃ pavāhaya;
គណ្ហាហិ នវំ វិលេបនំ, យស្ស គន្ធោ ន កទាចិ ឆិជ្ជតិ។
Gaṇhāhi navaṃ vilepanaṃ, yassa gandho na kadāci chijjati.
៩១.
91.
កតមោ រហទោ អកទ្ទមោ, កិំសុ សេទមលន្តិ វុច្ចតិ;
Katamo rahado akaddamo, kiṃsu sedamalanti vuccati;
កតមញ្ច នវំ វិលេបនំ, យស្ស គន្ធោ ន កទាចិ ឆិជ្ជតិ។
Katamañca navaṃ vilepanaṃ, yassa gandho na kadāci chijjati.
៩២.
92.
ធម្មោ រហទោ អកទ្ទមោ, បាបំ សេទមលន្តិ វុច្ចតិ;
Dhammo rahado akaddamo, pāpaṃ sedamalanti vuccati;
សីលញ្ច នវំ វិលេបនំ, តស្ស គន្ធោ ន កទាចិ ឆិជ្ជតិ។
Sīlañca navaṃ vilepanaṃ, tassa gandho na kadāci chijjati.
៩៣.
93.
នន្ទន្តិ សរីរឃាតិនោ, ន ច នន្ទន្តិ សរីរធារិនោ;
Nandanti sarīraghātino, na ca nandanti sarīradhārino;
បុណ្ណាយ ច បុណ្ណមាសិយា, រមមានាវ ជហន្តិ ជីវិតន្តិ។
Puṇṇāya ca puṇṇamāsiyā, ramamānāva jahanti jīvitanti.
តុណ្ឌិលជាតកំ តតិយំ។
Tuṇḍilajātakaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៨៨] ៣. តុណ្ឌិលជាតកវណ្ណនា • [388] 3. Tuṇḍilajātakavaṇṇanā
