| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
९. तुरूब्रह्मसुत्तं
9. Turūbrahmasuttaṃ
१८०. सावत्थिनिदानं। तेन खो पन समयेन कोकालिको भिक्खु आबाधिको होति दुक्खितो बाळ्हगिलानो। अथ खो तुरू 1 पच्चेकब्रह्मा अभिक्कन्ताय रत्तिया अभिक्कन्तवण्णो केवलकप्पं जेतवनं ओभासेत्वा येन कोकालिको भिक्खु तेनुपसङ्कमि; उपसङ्कमित्वा वेहासं ठितो कोकालिकं भिक्खुं एतदवोच – ‘‘पसादेहि, कोकालिक, सारिपुत्तमोग्गल्लानेसु चित्तं। पेसला सारिपुत्तमोग्गल्लाना’’ति। ‘‘कोसि त्वं, आवुसो’’ति? ‘‘अहं तुरू पच्चेकब्रह्मा’’ति। ‘‘ननु त्वं, आवुसो, भगवता अनागामी ब्याकतो, अथ किञ्चरहि इधागतो? पस्स, यावञ्च ते इदं अपरद्ध’’न्ति।
180. Sāvatthinidānaṃ. Tena kho pana samayena kokāliko bhikkhu ābādhiko hoti dukkhito bāḷhagilāno. Atha kho turū 2 paccekabrahmā abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena kokāliko bhikkhu tenupasaṅkami; upasaṅkamitvā vehāsaṃ ṭhito kokālikaṃ bhikkhuṃ etadavoca – ‘‘pasādehi, kokālika, sāriputtamoggallānesu cittaṃ. Pesalā sāriputtamoggallānā’’ti. ‘‘Kosi tvaṃ, āvuso’’ti? ‘‘Ahaṃ turū paccekabrahmā’’ti. ‘‘Nanu tvaṃ, āvuso, bhagavatā anāgāmī byākato, atha kiñcarahi idhāgato? Passa, yāvañca te idaṃ aparaddha’’nti.
याय छिन्दति अत्तानं, बालो दुब्भासितं भणं॥
Yāya chindati attānaṃ, bālo dubbhāsitaṃ bhaṇaṃ.
‘‘यो निन्दियं पसंसति,
‘‘Yo nindiyaṃ pasaṃsati,
तं वा निन्दति यो पसंसियो।
Taṃ vā nindati yo pasaṃsiyo;
विचिनाति मुखेन सो कलिं,
Vicināti mukhena so kaliṃ,
कलिना तेन सुखं न विन्दति॥
Kalinā tena sukhaṃ na vindati.
‘‘अप्पमत्तको अयं कलि,
‘‘Appamattako ayaṃ kali,
यो अक्खेसु धनपराजयो।
Yo akkhesu dhanaparājayo;
सब्बस्सापि सहापि अत्तना,
Sabbassāpi sahāpi attanā,
अयमेव महन्ततरो कलि।
Ayameva mahantataro kali;
यो सुगतेसु मनं पदोसये॥
Yo sugatesu manaṃ padosaye.
‘‘सतं सहस्सानं निरब्बुदानं,
‘‘Sataṃ sahassānaṃ nirabbudānaṃ,
छत्तिंसति पञ्च च अब्बुदानि।
Chattiṃsati pañca ca abbudāni;
वाचं मनञ्च पणिधाय पापक’’न्ति॥
Vācaṃ manañca paṇidhāya pāpaka’’nti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ९. तुरूब्रह्मसुत्तवण्णना • 9. Turūbrahmasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ९. तुरूब्रह्मसुत्तवण्णना • 9. Turūbrahmasuttavaṇṇanā
