| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. д̇урууб̣рахмасуд̇д̇аван̣н̣анаа
9. Turūbrahmasuttavaṇṇanā
180. навамз ааб̣аад̇хигод̇и ‘‘саасабамад̇д̇ийхи бийл̣агаахий’’д̇иаад̣̇инаа наязна ананд̇арасуд̇д̇з ааг̇ад̇зна ааб̣аад̇хзна ааб̣аад̇хиго. б̣аал̣хаг̇илаанод̇и ад̇химад̇д̇аг̇илаано. д̇урууд̇и гогаалигасса убаж̇жхааяо д̇уруд̇т̇зро наама анааг̇аамипалам̣ бад̇ваа б̣рахмалогз ниб̣б̣ад̇д̇о. со бхуумадтагад̣̇звад̇аа аад̣̇им̣ гад̇ваа, ‘‘аяуд̇д̇ам̣ гогаалигзна гад̇ам̣ аг̇г̇асаавагз анд̇имавад̇т̇унаа аб̣бхаажигканд̇знаа’’д̇и барамбарааяа б̣рахмалогасамбад̇д̇ам̣ гогаалигасса баабагаммам̣ суд̇ваа – ‘‘маа маяхам̣ бассанд̇ассзва варааго насси, овад̣̇иссаами нам̣ т̇зрзсу жид̇д̇абасаад̣̇ад̇т̇ааяаа’’д̇и ааг̇анд̇ваа д̇асса бурад̇о адтааси. д̇ам̣ санд̇хааяа вуд̇д̇ам̣ ‘‘д̇уруу бажжзгаб̣рахмаа’’д̇и. бзсалаад̇и бияасийлаа. госи д̇вам̣, аавусод̇и нибаннагова габ̣арагкийни уммийлзд̇ваа звамааха. басса яааван̃жа д̇зд̇и басса яад̇д̇агам̣ д̇аяаа абарад̣̇д̇хам̣, ад̇д̇ано налаадз махааг̇ан̣д̣ам̣ абассанд̇о саасабамад̇д̇ааяа бийл̣агааяа мам̣ жод̣̇зд̇аб̣б̣ам̣ ман̃н̃асийд̇и ааха.
180. Navame ābādhikoti ‘‘sāsapamattīhi pīḷakāhī’’tiādinā nayena anantarasutte āgatena ābādhena ābādhiko. Bāḷhagilānoti adhimattagilāno. Turūti kokālikassa upajjhāyo turutthero nāma anāgāmiphalaṃ patvā brahmaloke nibbatto. So bhūmaṭṭhakadevatā ādiṃ katvā, ‘‘ayuttaṃ kokālikena kataṃ aggasāvake antimavatthunā abbhācikkhantenā’’ti paramparāya brahmalokasampattaṃ kokālikassa pāpakammaṃ sutvā – ‘‘mā mayhaṃ passantasseva varāko nassi, ovadissāmi naṃ theresu cittapasādatthāyā’’ti āgantvā tassa purato aṭṭhāsi. Taṃ sandhāya vuttaṃ ‘‘turū paccekabrahmā’’ti. Pesalāti piyasīlā. Kosi tvaṃ, āvusoti nipannakova kabarakkhīni ummīletvā evamāha. Passa yāvañca teti passa yattakaṃ tayā aparaddhaṃ, attano nalāṭe mahāgaṇḍaṃ apassanto sāsapamattāya pīḷakāya maṃ codetabbaṃ maññasīti āha.
ат̇а нам̣ ‘‘ад̣̇идтиббад̇д̇о аяам̣ варааго, г̇илависо вияа гассажи важанам̣ на гариссад̇ий’’д̇и н̃ад̇ваа бурисасса хийд̇иаад̣̇имааха. д̇ад̇т̇а гутаарийд̇и гутаарисад̣̇исаа парусаа ваажаа. чинд̣̇ад̇ийд̇и гусаламууласан̇каад̇з муулзязва ниганд̇ад̇и. нинд̣̇ияанд̇и нинд̣̇ид̇аб̣б̣ам̣ д̣̇уссийлабуг̇г̇алам̣. басам̣сад̇ийд̇и уд̇д̇амад̇т̇з самбхаавзд̇ваа кийн̣аасавод̇и вад̣̇ад̇и. д̇ам̣ ваа нинд̣̇ад̇и яо басам̣сияод̇и , яо ваа басам̣сид̇аб̣б̣о кийн̣аасаво, д̇ам̣ анд̇имавад̇т̇унаа жод̣̇знд̇о ‘‘д̣̇уссийло аяа’’нд̇и вад̣̇ад̇и. важинаад̇и мукзна со галинд̇и, со д̇ам̣ абараад̇хам̣ мукзна вижинаад̇и наама. галинаа д̇знаад̇и д̇зна абараад̇хзна сукам̣ на винд̣̇ад̇и. нинд̣̇ияабасам̣сааяа хи басам̣сияанинд̣̇ааяа жа самагова вибааго.
Atha naṃ ‘‘adiṭṭhippatto ayaṃ varāko, gilaviso viya kassaci vacanaṃ na karissatī’’ti ñatvā purisassa hītiādimāha. Tattha kuṭhārīti kuṭhārisadisā pharusā vācā. Chindatīti kusalamūlasaṅkhāte mūleyeva nikantati. Nindiyanti ninditabbaṃ dussīlapuggalaṃ. Pasaṃsatīti uttamatthe sambhāvetvā khīṇāsavoti vadati. Taṃ vā nindati yo pasaṃsiyoti , yo vā pasaṃsitabbo khīṇāsavo, taṃ antimavatthunā codento ‘‘dussīlo aya’’nti vadati. Vacināti mukhena so kalinti, so taṃ aparādhaṃ mukhena vicināti nāma. Kalinā tenāti tena aparādhena sukhaṃ na vindati. Nindiyapasaṃsāya hi pasaṃsiyanindāya ca samakova vipāko.
саб̣б̣ассааби сахааби ад̇д̇анаад̇и саб̣б̣зна сагзнаби ад̇д̇анааби сад̣̇д̇хим̣ яо агкзсу д̇ханабарааж̇аяо наама, аяам̣ аббамад̇д̇аго абараад̇хо. яо суг̇ад̇зсууд̇и яо бана саммаг̇г̇ад̇зсу буг̇г̇алзсу жид̇д̇ам̣ бад̣̇уссзяяа, аяам̣ жид̇д̇абад̣̇осова д̇ад̇о галид̇о маханд̇ад̇аро гали.
Sabbassāpisahāpi attanāti sabbena sakenapi attanāpi saddhiṃ yo akkhesu dhanaparājayo nāma, ayaṃ appamattako aparādho. Yosugatesūti yo pana sammaggatesu puggalesu cittaṃ padusseyya, ayaṃ cittapadosova tato kalito mahantataro kali.
ид̣̇аани д̇асса маханд̇ад̇арабхаавам̣ д̣̇ассзнд̇о сад̇ам̣ сахассаананд̇иаад̣̇имааха. д̇ад̇т̇а сад̇ам̣ сахассаананд̇и нираб̣б̣уд̣̇аг̇ан̣анааяа сад̇асахассам̣. чад̇д̇им̣сад̇ийд̇и абараани чад̇д̇им̣сад̇и нираб̣б̣уд̣̇аани. бан̃жа жаад̇и аб̣б̣уд̣̇аг̇ан̣анааяа бан̃жа аб̣б̣уд̣̇аани. яамарияаг̇арахийд̇и яам̣ арияз г̇араханд̇о нираяам̣ убабаж̇ж̇ад̇и, д̇ад̇т̇а зд̇д̇агам̣ ааяуббамаан̣анд̇и. навамам̣.
Idāni tassa mahantatarabhāvaṃ dassento sataṃ sahassānantiādimāha. Tattha sataṃ sahassānanti nirabbudagaṇanāya satasahassaṃ. Chattiṃsatīti aparāni chattiṃsati nirabbudāni. Pañca cāti abbudagaṇanāya pañca abbudāni. Yamariyagarahīti yaṃ ariye garahanto nirayaṃ upapajjati, tattha ettakaṃ āyuppamāṇanti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. д̇урууб̣рахмасуд̇д̇ам̣ • 9. Turūbrahmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. д̇урууб̣рахмасуд̇д̇аван̣н̣анаа • 9. Turūbrahmasuttavaṇṇanā
