| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. д̇урууб̣рахмасуд̇д̇аван̣н̣анаа
9. Turūbrahmasuttavaṇṇanā
180. ааб̣аад̇хо зд̇асса ад̇т̇ийд̇и ааб̣аад̇хиго. ананд̇арасуд̇д̇зд̇и анааг̇ад̇аананд̇арз суд̇д̇з. вараагод̇и ануг̇г̇ахаважанамзва, на ниббарияааязна вуд̇д̇аважанам̣. бияасийлаад̇и иминаа зд̇асмим̣ ад̇т̇з нируд̇д̇инаязна ‘‘бзсалаа’’д̇и бад̣̇асид̣̇д̇хийд̇и д̣̇ассзд̇и. габ̣арагкийнийд̇и б̣яаад̇хиб̣алзна барибхиннаван̣н̣ад̇ааяа габ̣арабхууд̇аани агкийни. яад̇д̇аганд̇и яам̣ д̇вам̣ бхаг̇авад̇о важанам̣ ан̃н̃ат̇аа гароси, д̇ад̇д̇агам̣ д̇аяаа абарад̣̇д̇хам̣, д̇асса бамаан̣ам̣ над̇т̇ийд̇и ад̇т̇о. яасмаа анааг̇аамино наама гаамажчанд̣̇аб̣яаабаад̣̇аа бахийнаа хонд̇и, д̇ван̃жа д̣̇идто гаамажчанд̣̇аб̣яаабаад̣̇авасзна ид̇хааг̇ад̇о, д̇асмаа яаава д̇з ид̣̇ам̣ абарад̣̇д̇ханд̇и аяамзвзд̇т̇а ад̇т̇о д̣̇адтаб̣б̣о.
180. Ābādho etassa atthīti ābādhiko. Anantarasutteti anāgatānantare sutte. Varākoti anuggahavacanameva, na nippariyāyena vuttavacanaṃ. Piyasīlāti iminā etasmiṃ atthe niruttinayena ‘‘pesalā’’ti padasiddhīti dasseti. Kabarakkhīnīti byādhibalena paribhinnavaṇṇatāya kabarabhūtāni akkhīni. Yattakanti yaṃ tvaṃ bhagavato vacanaṃ aññathā karosi, tattakaṃ tayā aparaddhaṃ, tassa pamāṇaṃ natthīti attho. Yasmā anāgāmino nāma kāmacchandabyāpādā pahīnā honti, tvañca diṭṭho kāmacchandabyāpādavasena idhāgato, tasmā yāva te idaṃ aparaddhanti ayamevettha attho daṭṭhabbo.
ад̣̇идтиббад̇д̇од̇и аббад̇д̇ад̣̇идтинимид̇д̇о. г̇илависо вияа висам̣ г̇илид̇ваа тид̇о вияа. гутаарисад̣̇исаа муулабажчинд̣̇анадтзна. уд̇д̇амад̇т̇зд̇и арахад̇д̇з. кийн̣аасавод̇и вад̣̇ад̇и сунагкад̇д̇о вияа ажзлам̣ горагкад̇д̇ияам̣. яо аг̇г̇асааваго вияа басам̣сид̇аб̣б̣о кийн̣аасаво, д̇ам̣ ‘‘д̣̇уссийло аяа’’нд̇и яо ваа вад̣̇ад̇и. самагова вибаагод̇и басам̣сияанинд̣̇аа виж̇ж̇амаанаг̇ун̣абарид̇хам̣санавасзна бавад̇д̇аа яаава махаасааваж̇ж̇ад̇ааяа гадугад̇аравибаагаа, д̇аава нинд̣̇ияабасам̣сааби махаасааваж̇ж̇ад̇ааяа самавибаагаа д̇ад̇т̇а авиж̇ж̇амаанаг̇ун̣асамааробанзна ад̇д̇ано барзсам̣ мижчаабадибад̇д̇ихзд̇убхаавад̇о басам̣сиязна д̇асса самабхаавагаран̣ад̇о жа. логзби хи аяам̣ бурз саман̣аг̇аараяхо ход̇и, баг̇зва д̣̇уббадибаннад̣̇уббадибаннод̇и самам̣ гаронд̇ийд̇и.
Adiṭṭhippattoti appattadiṭṭhinimitto. Gilaviso viya visaṃ gilitvā ṭhito viya. Kuṭhārisadisā mūlapacchindanaṭṭhena. Uttamattheti arahatte. Khīṇāsavoti vadati sunakkhatto viya acelaṃ korakkhattiyaṃ. Yo aggasāvako viya pasaṃsitabbo khīṇāsavo, taṃ ‘‘dussīlo aya’’nti yo vā vadati. Samakova vipākoti pasaṃsiyanindā vijjamānaguṇaparidhaṃsanavasena pavattā yāva mahāsāvajjatāya kaṭukataravipākā, tāva nindiyapasaṃsāpi mahāsāvajjatāya samavipākā tattha avijjamānaguṇasamāropanena attano paresaṃ micchāpaṭipattihetubhāvato pasaṃsiyena tassa samabhāvakaraṇato ca. Lokepi hi ayaṃ pure samaṇagārayho hoti, pageva duppaṭipannaduppaṭipannoti samaṃ karontīti.
сагзнаад̇и ад̇д̇ано саабад̇зяязна. аяам̣ аббамад̇д̇аго абараад̇хо д̣̇идтад̇хаммигад̇д̇аа саббад̇игаарад̇д̇аа жа д̇асса. аяам̣ маханд̇ад̇аро гали гад̇уубажид̇асса самбарааяигад̇д̇аа аббад̇игаарад̇д̇аа жа.
Sakenāti attano sāpateyyena. Ayaṃ appamattako aparādho diṭṭhadhammikattā sappatikārattā ca tassa. Ayaṃ mahantataro kali katūpacitassa samparāyikattā appatikārattā ca.
‘‘нираб̣б̣уд̣̇о’’д̇и г̇ан̣анаависзсо згод̇и ааха ‘‘нираб̣б̣уд̣̇аг̇ан̣анааяаа’’д̇и, сад̇асахассам̣ нираб̣б̣уд̣̇аананд̇и ад̇т̇о. нираб̣б̣уд̣̇абариг̇ан̣анам̣ бана хздтаа вуд̇д̇амзва. яамарияаг̇арахий нираяам̣ убзд̇ийд̇и зд̇т̇а яат̇аавуд̇д̇ам̣ ааяуббамаан̣ам̣ баагад̇игзна арияуубаваад̣̇инаа вуд̇д̇анд̇и взд̣̇ид̇аб̣б̣ам̣. ‘‘аг̇г̇асаавагаанам̣ бана г̇ун̣амаханд̇ад̇ааяа д̇ад̇оби ад̇ивияа маханд̇ад̇араа зваа’’д̇и вад̣̇анд̇и.
‘‘Nirabbudo’’ti gaṇanāviseso ekoti āha ‘‘nirabbudagaṇanāyā’’ti, satasahassaṃ nirabbudānanti attho. Nirabbudaparigaṇanaṃ pana heṭṭhā vuttameva. Yamariyagarahī nirayaṃ upetīti ettha yathāvuttaṃ āyuppamāṇaṃ pākatikena ariyūpavādinā vuttanti veditabbaṃ. ‘‘Aggasāvakānaṃ pana guṇamahantatāya tatopi ativiya mahantatarā evā’’ti vadanti.
д̇урууб̣рахмасуд̇д̇аван̣н̣анаа нидтид̇аа.
Turūbrahmasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. д̇урууб̣рахмасуд̇д̇ам̣ • 9. Turūbrahmasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. д̇урууб̣рахмасуд̇д̇аван̣н̣анаа • 9. Turūbrahmasuttavaṇṇanā
