| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਤੁਰੂਬ੍ਰਹ੍ਮਸੁਤ੍ਤવਣ੍ਣਨਾ
9. Turūbrahmasuttavaṇṇanā
੧੮੦. ਆਬਾਧੋ ਏਤਸ੍ਸ ਅਤ੍ਥੀਤਿ ਆਬਾਧਿਕੋ। ਅਨਨ੍ਤਰਸੁਤ੍ਤੇਤਿ ਅਨਾਗਤਾਨਨ੍ਤਰੇ ਸੁਤ੍ਤੇ। વਰਾਕੋਤਿ ਅਨੁਗ੍ਗਹવਚਨਮੇવ, ਨ ਨਿਪ੍ਪਰਿਯਾਯੇਨ વੁਤ੍ਤવਚਨਂ। ਪਿਯਸੀਲਾਤਿ ਇਮਿਨਾ ਏਤਸ੍ਮਿਂ ਅਤ੍ਥੇ ਨਿਰੁਤ੍ਤਿਨਯੇਨ ‘‘ਪੇਸਲਾ’’ਤਿ ਪਦਸਿਦ੍ਧੀਤਿ ਦਸ੍ਸੇਤਿ। ਕਬਰਕ੍ਖੀਨੀਤਿ ਬ੍ਯਾਧਿਬਲੇਨ ਪਰਿਭਿਨ੍ਨવਣ੍ਣਤਾਯ ਕਬਰਭੂਤਾਨਿ ਅਕ੍ਖੀਨਿ। ਯਤ੍ਤਕਨ੍ਤਿ ਯਂ ਤ੍વਂ ਭਗવਤੋ વਚਨਂ ਅਞ੍ਞਥਾ ਕਰੋਸਿ, ਤਤ੍ਤਕਂ ਤਯਾ ਅਪਰਦ੍ਧਂ, ਤਸ੍ਸ ਪਮਾਣਂ ਨਤ੍ਥੀਤਿ ਅਤ੍ਥੋ। ਯਸ੍ਮਾ ਅਨਾਗਾਮਿਨੋ ਨਾਮ ਕਾਮਚ੍ਛਨ੍ਦਬ੍ਯਾਪਾਦਾ ਪਹੀਨਾ ਹੋਨ੍ਤਿ, ਤ੍વਞ੍ਚ ਦਿਟ੍ਠੋ ਕਾਮਚ੍ਛਨ੍ਦਬ੍ਯਾਪਾਦવਸੇਨ ਇਧਾਗਤੋ, ਤਸ੍ਮਾ ਯਾવ ਤੇ ਇਦਂ ਅਪਰਦ੍ਧਨ੍ਤਿ ਅਯਮੇવੇਤ੍ਥ ਅਤ੍ਥੋ ਦਟ੍ਠਬ੍ਬੋ।
180. Ābādho etassa atthīti ābādhiko. Anantarasutteti anāgatānantare sutte. Varākoti anuggahavacanameva, na nippariyāyena vuttavacanaṃ. Piyasīlāti iminā etasmiṃ atthe niruttinayena ‘‘pesalā’’ti padasiddhīti dasseti. Kabarakkhīnīti byādhibalena paribhinnavaṇṇatāya kabarabhūtāni akkhīni. Yattakanti yaṃ tvaṃ bhagavato vacanaṃ aññathā karosi, tattakaṃ tayā aparaddhaṃ, tassa pamāṇaṃ natthīti attho. Yasmā anāgāmino nāma kāmacchandabyāpādā pahīnā honti, tvañca diṭṭho kāmacchandabyāpādavasena idhāgato, tasmā yāva te idaṃ aparaddhanti ayamevettha attho daṭṭhabbo.
ਅਦਿਟ੍ਠਿਪ੍ਪਤ੍ਤੋਤਿ ਅਪ੍ਪਤ੍ਤਦਿਟ੍ਠਿਨਿਮਿਤ੍ਤੋ। ਗਿਲવਿਸੋ વਿਯ વਿਸਂ ਗਿਲਿਤ੍વਾ ਠਿਤੋ વਿਯ। ਕੁਠਾਰਿਸਦਿਸਾ ਮੂਲਪਚ੍ਛਿਨ੍ਦਨਟ੍ਠੇਨ। ਉਤ੍ਤਮਤ੍ਥੇਤਿ ਅਰਹਤ੍ਤੇ। ਖੀਣਾਸવੋਤਿ વਦਤਿ ਸੁਨਕ੍ਖਤ੍ਤੋ વਿਯ ਅਚੇਲਂ ਕੋਰਕ੍ਖਤ੍ਤਿਯਂ। ਯੋ ਅਗ੍ਗਸਾવਕੋ વਿਯ ਪਸਂਸਿਤਬ੍ਬੋ ਖੀਣਾਸવੋ, ਤਂ ‘‘ਦੁਸ੍ਸੀਲੋ ਅਯ’’ਨ੍ਤਿ ਯੋ વਾ વਦਤਿ। ਸਮਕੋવ વਿਪਾਕੋਤਿ ਪਸਂਸਿਯਨਿਨ੍ਦਾ વਿਜ੍ਜਮਾਨਗੁਣਪਰਿਧਂਸਨવਸੇਨ ਪવਤ੍ਤਾ ਯਾવ ਮਹਾਸਾવਜ੍ਜਤਾਯ ਕਟੁਕਤਰવਿਪਾਕਾ, ਤਾવ ਨਿਨ੍ਦਿਯਪਸਂਸਾਪਿ ਮਹਾਸਾવਜ੍ਜਤਾਯ ਸਮવਿਪਾਕਾ ਤਤ੍ਥ ਅવਿਜ੍ਜਮਾਨਗੁਣਸਮਾਰੋਪਨੇਨ ਅਤ੍ਤਨੋ ਪਰੇਸਂ ਮਿਚ੍ਛਾਪਟਿਪਤ੍ਤਿਹੇਤੁਭਾવਤੋ ਪਸਂਸਿਯੇਨ ਤਸ੍ਸ ਸਮਭਾવਕਰਣਤੋ ਚ। ਲੋਕੇਪਿ ਹਿ ਅਯਂ ਪੁਰੇ ਸਮਣਗਾਰਯ੍ਹੋ ਹੋਤਿ, ਪਗੇવ ਦੁਪ੍ਪਟਿਪਨ੍ਨਦੁਪ੍ਪਟਿਪਨ੍ਨੋਤਿ ਸਮਂ ਕਰੋਨ੍ਤੀਤਿ।
Adiṭṭhippattoti appattadiṭṭhinimitto. Gilaviso viya visaṃ gilitvā ṭhito viya. Kuṭhārisadisā mūlapacchindanaṭṭhena. Uttamattheti arahatte. Khīṇāsavoti vadati sunakkhatto viya acelaṃ korakkhattiyaṃ. Yo aggasāvako viya pasaṃsitabbo khīṇāsavo, taṃ ‘‘dussīlo aya’’nti yo vā vadati. Samakova vipākoti pasaṃsiyanindā vijjamānaguṇaparidhaṃsanavasena pavattā yāva mahāsāvajjatāya kaṭukataravipākā, tāva nindiyapasaṃsāpi mahāsāvajjatāya samavipākā tattha avijjamānaguṇasamāropanena attano paresaṃ micchāpaṭipattihetubhāvato pasaṃsiyena tassa samabhāvakaraṇato ca. Lokepi hi ayaṃ pure samaṇagārayho hoti, pageva duppaṭipannaduppaṭipannoti samaṃ karontīti.
ਸਕੇਨਾਤਿ ਅਤ੍ਤਨੋ ਸਾਪਤੇਯ੍ਯੇਨ। ਅਯਂ ਅਪ੍ਪਮਤ੍ਤਕੋ ਅਪਰਾਧੋ ਦਿਟ੍ਠਧਮ੍ਮਿਕਤ੍ਤਾ ਸਪ੍ਪਤਿਕਾਰਤ੍ਤਾ ਚ ਤਸ੍ਸ। ਅਯਂ ਮਹਨ੍ਤਤਰੋ ਕਲਿ ਕਤੂਪਚਿਤਸ੍ਸ ਸਮ੍ਪਰਾਯਿਕਤ੍ਤਾ ਅਪ੍ਪਤਿਕਾਰਤ੍ਤਾ ਚ।
Sakenāti attano sāpateyyena. Ayaṃ appamattako aparādho diṭṭhadhammikattā sappatikārattā ca tassa. Ayaṃ mahantataro kali katūpacitassa samparāyikattā appatikārattā ca.
‘‘ਨਿਰਬ੍ਬੁਦੋ’’ਤਿ ਗਣਨਾવਿਸੇਸੋ ਏਕੋਤਿ ਆਹ ‘‘ਨਿਰਬ੍ਬੁਦਗਣਨਾਯਾ’’ਤਿ, ਸਤਸਹਸ੍ਸਂ ਨਿਰਬ੍ਬੁਦਾਨਨ੍ਤਿ ਅਤ੍ਥੋ। ਨਿਰਬ੍ਬੁਦਪਰਿਗਣਨਂ ਪਨ ਹੇਟ੍ਠਾ વੁਤ੍ਤਮੇવ। ਯਮਰਿਯਗਰਹੀ ਨਿਰਯਂ ਉਪੇਤੀਤਿ ਏਤ੍ਥ ਯਥਾવੁਤ੍ਤਂ ਆਯੁਪ੍ਪਮਾਣਂ ਪਾਕਤਿਕੇਨ ਅਰਿਯੂਪવਾਦਿਨਾ વੁਤ੍ਤਨ੍ਤਿ વੇਦਿਤਬ੍ਬਂ। ‘‘ਅਗ੍ਗਸਾવਕਾਨਂ ਪਨ ਗੁਣਮਹਨ੍ਤਤਾਯ ਤਤੋਪਿ ਅਤਿવਿਯ ਮਹਨ੍ਤਤਰਾ ਏવਾ’’ਤਿ વਦਨ੍ਤਿ।
‘‘Nirabbudo’’ti gaṇanāviseso ekoti āha ‘‘nirabbudagaṇanāyā’’ti, satasahassaṃ nirabbudānanti attho. Nirabbudaparigaṇanaṃ pana heṭṭhā vuttameva. Yamariyagarahī nirayaṃ upetīti ettha yathāvuttaṃ āyuppamāṇaṃ pākatikena ariyūpavādinā vuttanti veditabbaṃ. ‘‘Aggasāvakānaṃ pana guṇamahantatāya tatopi ativiya mahantatarā evā’’ti vadanti.
ਤੁਰੂਬ੍ਰਹ੍ਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Turūbrahmasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਤੁਰੂਬ੍ਰਹ੍ਮਸੁਤ੍ਤਂ • 9. Turūbrahmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਤੁਰੂਬ੍ਰਹ੍ਮਸੁਤ੍ਤવਣ੍ਣਨਾ • 9. Turūbrahmasuttavaṇṇanā
