| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
25. துவரதா³யகவக்³கோ³
25. Tuvaradāyakavaggo
1-10. துவரதா³யகத்தே²ரஅபதா³னாதி³வண்ணனா
1-10. Tuvaradāyakattheraapadānādivaṇṇanā
1. பஞ்சவீஸதிமே வக்³கே³ பட²மாபதா³னே ப⁴ரித்வா துவரமாதா³யாதி துவரஅட்டி²ங் முக்³க³கலயஸதி³ஸங் துவரட்டி²ங் ப⁴ஜ்ஜித்வா புப்பெ²த்வா பா⁴ஜனேன ஆதா³ய ஸங்க⁴ஸ்ஸ வனமஜ்ஜோ²கா³ஹகஸ்ஸ அத³தி³ங் அதா³ஸிந்தி அத்தோ².
1. Pañcavīsatime vagge paṭhamāpadāne bharitvā tuvaramādāyāti tuvaraaṭṭhiṃ muggakalayasadisaṃ tuvaraṭṭhiṃ bhajjitvā pupphetvā bhājanena ādāya saṅghassa vanamajjhogāhakassa adadiṃ adāsinti attho.
4-5. து³தியாபதா³னே த⁴னுங் அத்³வெஜ்ஜ²ங் கத்வானாதி மிகா³தீ³னங் மாரணத்தா²ய த⁴னுங் ஸன்னய்ஹித்வா சரமானோ கேஸரங் ஓக³தங் தி³ஸ்வாதி ஸுபுப்பி²தங் கு²த்³த³கஸரங் தி³ஸ்வா பு³த்³த⁴ஸ்ஸ அபி⁴ரோபேஸிந்தி அஹங் சித்தங் பஸாதெ³த்வா வனங் ஸம்பத்தஸ்ஸ திஸ்ஸஸ்ஸ ப⁴க³வதோ அபி⁴ரோபயிங் பூஜேஸிந்தி அத்தோ².
4-5. Dutiyāpadāne dhanuṃ advejjhaṃ katvānāti migādīnaṃ māraṇatthāya dhanuṃ sannayhitvā caramāno kesaraṃ ogataṃ disvāti supupphitaṃ khuddakasaraṃ disvā buddhassa abhiropesinti ahaṃ cittaṃ pasādetvā vanaṃ sampattassa tissassa bhagavato abhiropayiṃ pūjesinti attho.
9-10. ததியாபதா³னே ஜலகுக்குடோதி ஜாதஸ்ஸரே சரமானகுக்குடோ. துண்டே³ன கேஸரிங் க³ய்ஹாதி பது³மபுப்ப²ங் முக²துண்டே³ன ட³ங்ஸித்வா ஆகாஸேன க³ச்ச²ந்தஸ்ஸ திஸ்ஸஸ்ஸ ப⁴க³வதோ அபி⁴ரோபேஸிங் பூஜேஸிந்தி அத்தோ².
9-10. Tatiyāpadāne jalakukkuṭoti jātassare caramānakukkuṭo. Tuṇḍena kesariṃ gayhāti padumapupphaṃ mukhatuṇḍena ḍaṃsitvā ākāsena gacchantassa tissassa bhagavato abhiropesiṃ pūjesinti attho.
14. சதுத்தா²பதா³னே விரவபுப்ப²மாதா³யாதி விவித⁴ங் ரவதி ஸத்³த³ங் கரோதீதி விரவங், ஸத்³த³கரணவேலாயங் விகஸனதோ ‘‘விரவ’’ந்தி லத்³த⁴னாமங் புப்ப²ஸமூஹங் ஆதா³ய க³ஹெத்வா ஸித்³த⁴த்த²ஸ்ஸ பு³த்³த⁴ஸ்ஸ அபி⁴ரோபயிங் பூஜேஸிந்தி அத்தோ².
14. Catutthāpadāne viravapupphamādāyāti vividhaṃ ravati saddaṃ karotīti viravaṃ, saddakaraṇavelāyaṃ vikasanato ‘‘virava’’nti laddhanāmaṃ pupphasamūhaṃ ādāya gahetvā siddhatthassa buddhassa abhiropayiṃ pūjesinti attho.
17. பஞ்சமாபதா³னே குடிகோ³பகோதி ஸேனாஸனபாலகோ. காலேன காலங் தூ⁴பேஸிந்தி ஸம்பத்தஸம்பத்தகாலானுகாலே தூ⁴பேஸிங், தூ⁴பேன ஸுக³ந்த⁴ங் அகாஸிந்தி அத்தோ². ஸித்³த⁴த்த²ஸ்ஸ ப⁴க³வதோ க³ந்த⁴குடிகாலானுஸாரிதூ⁴பேன தூ⁴பேஸிங் வாஸேஸிந்தி அத்தோ².
17. Pañcamāpadāne kuṭigopakoti senāsanapālako. Kālena kālaṃ dhūpesinti sampattasampattakālānukāle dhūpesiṃ, dhūpena sugandhaṃ akāsinti attho. Siddhatthassa bhagavato gandhakuṭikālānusāridhūpena dhūpesiṃ vāsesinti attho.
ச²ட்ட²ஸத்தமாபதா³னானி உத்தானத்தா²னேவ.
Chaṭṭhasattamāpadānāni uttānatthāneva.
27. அட்ட²மாபதா³னே ஸத்த ஸத்தலிபுப்பா²னீதி ஸத்தலிஸங்கா²தானி, ஸத்த புப்பா²னி ஸீஸேனாதா³ய வெஸ்ஸபு⁴ஸ்ஸ ப⁴க³வதோ அபி⁴ரோபேஸிங் பூஜேஸிந்தி அத்தோ².
27. Aṭṭhamāpadāne satta sattalipupphānīti sattalisaṅkhātāni, satta pupphāni sīsenādāya vessabhussa bhagavato abhiropesiṃ pūjesinti attho.
31. நவமாபதா³னே பி³ம்பி³ஜாலகபுப்பா²னீதி ரத்தங்குரவகபுப்பா²னி ஸித்³த⁴த்த²ஸ்ஸ ப⁴க³வதோ பூஜேஸிந்தி அத்தோ².
31. Navamāpadāne bimbijālakapupphānīti rattaṅkuravakapupphāni siddhatthassa bhagavato pūjesinti attho.
35. த³ஸமாபதா³னே உத்³தா³லகங் க³ஹெத்வானாதி ஜாதஸ்ஸரே விஹங்க³ஸொப்³பே⁴ ஜாதங் உத்³தா³லகபுப்ப²ங் ஓசினித்வா ககுஸந்த⁴ஸ்ஸ ப⁴க³வதோ பூஜேஸிந்தி அத்தோ². ஸேஸங் ஸுவிஞ்ஞெய்யமேவாதி.
35. Dasamāpadāne uddālakaṃ gahetvānāti jātassare vihaṅgasobbhe jātaṃ uddālakapupphaṃ ocinitvā kakusandhassa bhagavato pūjesinti attho. Sesaṃ suviññeyyamevāti.
பஞ்சவீஸதிமவக்³க³வண்ணனா ஸமத்தா.
Pañcavīsatimavaggavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi
1. துவரதா³யகத்தே²ரஅபதா³னங் • 1. Tuvaradāyakattheraapadānaṃ
2. நாக³கேஸரியத்தே²ரஅபதா³னங் • 2. Nāgakesariyattheraapadānaṃ
3. நளினகேஸரியத்தே²ரஅபதா³னங் • 3. Naḷinakesariyattheraapadānaṃ
4. விரவபுப்பி²யத்தே²ரஅபதா³னங் • 4. Viravapupphiyattheraapadānaṃ
5. குடிதூ⁴பகத்தே²ரஅபதா³னங் • 5. Kuṭidhūpakattheraapadānaṃ
8. ஸத்தலிபுப்ப²பூஜகத்தே²ரஅபதா³னங் • 8. Sattalipupphapūjakattheraapadānaṃ
9. பி³ம்பி³ஜாலியத்தே²ரஅபதா³னங் • 9. Bimbijāliyattheraapadānaṃ
10. உத்³தா³லகதா³யகத்தே²ரஅபதா³னங் • 10. Uddālakadāyakattheraapadānaṃ
