| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
25. д̇уварад̣̇ааяагаваг̇г̇о
25. Tuvaradāyakavaggo
1-10. д̇уварад̣̇ааяагад̇т̇зраабад̣̇аанаад̣̇иван̣н̣анаа
1-10. Tuvaradāyakattheraapadānādivaṇṇanā
1. бан̃жавийсад̇имз ваг̇г̇з батамаабад̣̇аанз бхарид̇ваа д̇уварамаад̣̇ааяаад̇и д̇увараадтим̣ муг̇г̇агалаяасад̣̇исам̣ д̇уварадтим̣ бхаж̇ж̇ид̇ваа бубпзд̇ваа бхааж̇анзна аад̣̇ааяа сан̇гхасса ванамаж̇жхог̇аахагасса ад̣̇ад̣̇им̣ ад̣̇аасинд̇и ад̇т̇о.
1. Pañcavīsatime vagge paṭhamāpadāne bharitvā tuvaramādāyāti tuvaraaṭṭhiṃ muggakalayasadisaṃ tuvaraṭṭhiṃ bhajjitvā pupphetvā bhājanena ādāya saṅghassa vanamajjhogāhakassa adadiṃ adāsinti attho.
4-5. д̣̇уд̇ияаабад̣̇аанз д̇ханум̣ ад̣̇взж̇жхам̣ гад̇ваанаад̇и миг̇аад̣̇ийнам̣ мааран̣ад̇т̇ааяа д̇ханум̣ саннаяхид̇ваа жарамаано гзсарам̣ ог̇ад̇ам̣ д̣̇исваад̇и субубпид̇ам̣ куд̣̇д̣̇агасарам̣ д̣̇исваа б̣уд̣̇д̇хасса абхиробзсинд̇и ахам̣ жид̇д̇ам̣ басаад̣̇зд̇ваа ванам̣ самбад̇д̇асса д̇иссасса бхаг̇авад̇о абхиробаяим̣ бууж̇зсинд̇и ад̇т̇о.
4-5. Dutiyāpadāne dhanuṃ advejjhaṃ katvānāti migādīnaṃ māraṇatthāya dhanuṃ sannayhitvā caramāno kesaraṃ ogataṃ disvāti supupphitaṃ khuddakasaraṃ disvā buddhassa abhiropesinti ahaṃ cittaṃ pasādetvā vanaṃ sampattassa tissassa bhagavato abhiropayiṃ pūjesinti attho.
9-10. д̇ад̇ияаабад̣̇аанз ж̇алагуггудод̇и ж̇аад̇ассарз жарамаанагуггудо. д̇ун̣д̣зна гзсарим̣ г̇аяхаад̇и бад̣̇умабубпам̣ мукад̇ун̣д̣зна д̣ам̣сид̇ваа аагаасзна г̇ажчанд̇асса д̇иссасса бхаг̇авад̇о абхиробзсим̣ бууж̇зсинд̇и ад̇т̇о.
9-10. Tatiyāpadāne jalakukkuṭoti jātassare caramānakukkuṭo. Tuṇḍena kesariṃ gayhāti padumapupphaṃ mukhatuṇḍena ḍaṃsitvā ākāsena gacchantassa tissassa bhagavato abhiropesiṃ pūjesinti attho.
14. жад̇уд̇т̇аабад̣̇аанз виравабубпамаад̣̇ааяаад̇и вивид̇хам̣ равад̇и сад̣̇д̣̇ам̣ гарод̇ийд̇и виравам̣, сад̣̇д̣̇агаран̣авзлааяам̣ вигасанад̇о ‘‘вирава’’нд̇и лад̣̇д̇ханаамам̣ бубпасамуухам̣ аад̣̇ааяа г̇ахзд̇ваа сид̣̇д̇хад̇т̇асса б̣уд̣̇д̇хасса абхиробаяим̣ бууж̇зсинд̇и ад̇т̇о.
14. Catutthāpadāne viravapupphamādāyāti vividhaṃ ravati saddaṃ karotīti viravaṃ, saddakaraṇavelāyaṃ vikasanato ‘‘virava’’nti laddhanāmaṃ pupphasamūhaṃ ādāya gahetvā siddhatthassa buddhassa abhiropayiṃ pūjesinti attho.
17. бан̃жамаабад̣̇аанз гудиг̇обагод̇и сзнаасанабаалаго. гаалзна гаалам̣ д̇хуубзсинд̇и самбад̇д̇асамбад̇д̇агаалаанугаалз д̇хуубзсим̣, д̇хуубзна суг̇анд̇хам̣ агаасинд̇и ад̇т̇о. сид̣̇д̇хад̇т̇асса бхаг̇авад̇о г̇анд̇хагудигаалаанусаарид̇хуубзна д̇хуубзсим̣ ваасзсинд̇и ад̇т̇о.
17. Pañcamāpadāne kuṭigopakoti senāsanapālako. Kālena kālaṃ dhūpesinti sampattasampattakālānukāle dhūpesiṃ, dhūpena sugandhaṃ akāsinti attho. Siddhatthassa bhagavato gandhakuṭikālānusāridhūpena dhūpesiṃ vāsesinti attho.
чадтасад̇д̇амаабад̣̇аанаани уд̇д̇аанад̇т̇аанзва.
Chaṭṭhasattamāpadānāni uttānatthāneva.
27. адтамаабад̣̇аанз сад̇д̇а сад̇д̇алибубпаанийд̇и сад̇д̇алисан̇каад̇аани, сад̇д̇а бубпаани сийсзнаад̣̇ааяа взссабхусса бхаг̇авад̇о абхиробзсим̣ бууж̇зсинд̇и ад̇т̇о.
27. Aṭṭhamāpadāne satta sattalipupphānīti sattalisaṅkhātāni, satta pupphāni sīsenādāya vessabhussa bhagavato abhiropesiṃ pūjesinti attho.
31. навамаабад̣̇аанз б̣имб̣иж̇аалагабубпаанийд̇и рад̇д̇ан̇гуравагабубпаани сид̣̇д̇хад̇т̇асса бхаг̇авад̇о бууж̇зсинд̇и ад̇т̇о.
31. Navamāpadāne bimbijālakapupphānīti rattaṅkuravakapupphāni siddhatthassa bhagavato pūjesinti attho.
35. д̣̇асамаабад̣̇аанз уд̣̇д̣̇аалагам̣ г̇ахзд̇ваанаад̇и ж̇аад̇ассарз вихан̇г̇асоб̣бхз ж̇аад̇ам̣ уд̣̇д̣̇аалагабубпам̣ ожинид̇ваа гагусанд̇хасса бхаг̇авад̇о бууж̇зсинд̇и ад̇т̇о. сзсам̣ сувин̃н̃зяяамзваад̇и.
35. Dasamāpadāne uddālakaṃ gahetvānāti jātassare vihaṅgasobbhe jātaṃ uddālakapupphaṃ ocinitvā kakusandhassa bhagavato pūjesinti attho. Sesaṃ suviññeyyamevāti.
бан̃жавийсад̇имаваг̇г̇аван̣н̣анаа самад̇д̇аа.
Pañcavīsatimavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
1. д̇уварад̣̇ааяагад̇т̇зраабад̣̇аанам̣ • 1. Tuvaradāyakattheraapadānaṃ
2. нааг̇агзсарияад̇т̇зраабад̣̇аанам̣ • 2. Nāgakesariyattheraapadānaṃ
3. нал̣инагзсарияад̇т̇зраабад̣̇аанам̣ • 3. Naḷinakesariyattheraapadānaṃ
4. виравабубпияад̇т̇зраабад̣̇аанам̣ • 4. Viravapupphiyattheraapadānaṃ
5. гудид̇хуубагад̇т̇зраабад̣̇аанам̣ • 5. Kuṭidhūpakattheraapadānaṃ
8. сад̇д̇алибубпабууж̇агад̇т̇зраабад̣̇аанам̣ • 8. Sattalipupphapūjakattheraapadānaṃ
9. б̣имб̣иж̇аалияад̇т̇зраабад̣̇аанам̣ • 9. Bimbijāliyattheraapadānaṃ
10. уд̣̇д̣̇аалагад̣̇ааяагад̇т̇зраабад̣̇аанам̣ • 10. Uddālakadāyakattheraapadānaṃ
