| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೨೫. ತುವರದಾಯಕವಗ್ಗೋ
25. Tuvaradāyakavaggo
೧-೧೦. ತುವರದಾಯಕತ್ಥೇರಅಪದಾನಾದಿವಣ್ಣನಾ
1-10. Tuvaradāyakattheraapadānādivaṇṇanā
೧. ಪಞ್ಚವೀಸತಿಮೇ ವಗ್ಗೇ ಪಠಮಾಪದಾನೇ ಭರಿತ್ವಾ ತುವರಮಾದಾಯಾತಿ ತುವರಅಟ್ಠಿಂ ಮುಗ್ಗಕಲಯಸದಿಸಂ ತುವರಟ್ಠಿಂ ಭಜ್ಜಿತ್ವಾ ಪುಪ್ಫೇತ್ವಾ ಭಾಜನೇನ ಆದಾಯ ಸಙ್ಘಸ್ಸ ವನಮಜ್ಝೋಗಾಹಕಸ್ಸ ಅದದಿಂ ಅದಾಸಿನ್ತಿ ಅತ್ಥೋ।
1. Pañcavīsatime vagge paṭhamāpadāne bharitvā tuvaramādāyāti tuvaraaṭṭhiṃ muggakalayasadisaṃ tuvaraṭṭhiṃ bhajjitvā pupphetvā bhājanena ādāya saṅghassa vanamajjhogāhakassa adadiṃ adāsinti attho.
೪-೫. ದುತಿಯಾಪದಾನೇ ಧನುಂ ಅದ್ವೇಜ್ಝಂ ಕತ್ವಾನಾತಿ ಮಿಗಾದೀನಂ ಮಾರಣತ್ಥಾಯ ಧನುಂ ಸನ್ನಯ್ಹಿತ್ವಾ ಚರಮಾನೋ ಕೇಸರಂ ಓಗತಂ ದಿಸ್ವಾತಿ ಸುಪುಪ್ಫಿತಂ ಖುದ್ದಕಸರಂ ದಿಸ್ವಾ ಬುದ್ಧಸ್ಸ ಅಭಿರೋಪೇಸಿನ್ತಿ ಅಹಂ ಚಿತ್ತಂ ಪಸಾದೇತ್ವಾ ವನಂ ಸಮ್ಪತ್ತಸ್ಸ ತಿಸ್ಸಸ್ಸ ಭಗವತೋ ಅಭಿರೋಪಯಿಂ ಪೂಜೇಸಿನ್ತಿ ಅತ್ಥೋ।
4-5. Dutiyāpadāne dhanuṃ advejjhaṃ katvānāti migādīnaṃ māraṇatthāya dhanuṃ sannayhitvā caramāno kesaraṃ ogataṃ disvāti supupphitaṃ khuddakasaraṃ disvā buddhassa abhiropesinti ahaṃ cittaṃ pasādetvā vanaṃ sampattassa tissassa bhagavato abhiropayiṃ pūjesinti attho.
೯-೧೦. ತತಿಯಾಪದಾನೇ ಜಲಕುಕ್ಕುಟೋತಿ ಜಾತಸ್ಸರೇ ಚರಮಾನಕುಕ್ಕುಟೋ। ತುಣ್ಡೇನ ಕೇಸರಿಂ ಗಯ್ಹಾತಿ ಪದುಮಪುಪ್ಫಂ ಮುಖತುಣ್ಡೇನ ಡಂಸಿತ್ವಾ ಆಕಾಸೇನ ಗಚ್ಛನ್ತಸ್ಸ ತಿಸ್ಸಸ್ಸ ಭಗವತೋ ಅಭಿರೋಪೇಸಿಂ ಪೂಜೇಸಿನ್ತಿ ಅತ್ಥೋ।
9-10. Tatiyāpadāne jalakukkuṭoti jātassare caramānakukkuṭo. Tuṇḍena kesariṃ gayhāti padumapupphaṃ mukhatuṇḍena ḍaṃsitvā ākāsena gacchantassa tissassa bhagavato abhiropesiṃ pūjesinti attho.
೧೪. ಚತುತ್ಥಾಪದಾನೇ ವಿರವಪುಪ್ಫಮಾದಾಯಾತಿ ವಿವಿಧಂ ರವತಿ ಸದ್ದಂ ಕರೋತೀತಿ ವಿರವಂ, ಸದ್ದಕರಣವೇಲಾಯಂ ವಿಕಸನತೋ ‘‘ವಿರವ’’ನ್ತಿ ಲದ್ಧನಾಮಂ ಪುಪ್ಫಸಮೂಹಂ ಆದಾಯ ಗಹೇತ್ವಾ ಸಿದ್ಧತ್ಥಸ್ಸ ಬುದ್ಧಸ್ಸ ಅಭಿರೋಪಯಿಂ ಪೂಜೇಸಿನ್ತಿ ಅತ್ಥೋ।
14. Catutthāpadāne viravapupphamādāyāti vividhaṃ ravati saddaṃ karotīti viravaṃ, saddakaraṇavelāyaṃ vikasanato ‘‘virava’’nti laddhanāmaṃ pupphasamūhaṃ ādāya gahetvā siddhatthassa buddhassa abhiropayiṃ pūjesinti attho.
೧೭. ಪಞ್ಚಮಾಪದಾನೇ ಕುಟಿಗೋಪಕೋತಿ ಸೇನಾಸನಪಾಲಕೋ। ಕಾಲೇನ ಕಾಲಂ ಧೂಪೇಸಿನ್ತಿ ಸಮ್ಪತ್ತಸಮ್ಪತ್ತಕಾಲಾನುಕಾಲೇ ಧೂಪೇಸಿಂ, ಧೂಪೇನ ಸುಗನ್ಧಂ ಅಕಾಸಿನ್ತಿ ಅತ್ಥೋ। ಸಿದ್ಧತ್ಥಸ್ಸ ಭಗವತೋ ಗನ್ಧಕುಟಿಕಾಲಾನುಸಾರಿಧೂಪೇನ ಧೂಪೇಸಿಂ ವಾಸೇಸಿನ್ತಿ ಅತ್ಥೋ।
17. Pañcamāpadāne kuṭigopakoti senāsanapālako. Kālena kālaṃ dhūpesinti sampattasampattakālānukāle dhūpesiṃ, dhūpena sugandhaṃ akāsinti attho. Siddhatthassa bhagavato gandhakuṭikālānusāridhūpena dhūpesiṃ vāsesinti attho.
ಛಟ್ಠಸತ್ತಮಾಪದಾನಾನಿ ಉತ್ತಾನತ್ಥಾನೇವ।
Chaṭṭhasattamāpadānāni uttānatthāneva.
೨೭. ಅಟ್ಠಮಾಪದಾನೇ ಸತ್ತ ಸತ್ತಲಿಪುಪ್ಫಾನೀತಿ ಸತ್ತಲಿಸಙ್ಖಾತಾನಿ, ಸತ್ತ ಪುಪ್ಫಾನಿ ಸೀಸೇನಾದಾಯ ವೇಸ್ಸಭುಸ್ಸ ಭಗವತೋ ಅಭಿರೋಪೇಸಿಂ ಪೂಜೇಸಿನ್ತಿ ಅತ್ಥೋ।
27. Aṭṭhamāpadāne satta sattalipupphānīti sattalisaṅkhātāni, satta pupphāni sīsenādāya vessabhussa bhagavato abhiropesiṃ pūjesinti attho.
೩೧. ನವಮಾಪದಾನೇ ಬಿಮ್ಬಿಜಾಲಕಪುಪ್ಫಾನೀತಿ ರತ್ತಙ್ಕುರವಕಪುಪ್ಫಾನಿ ಸಿದ್ಧತ್ಥಸ್ಸ ಭಗವತೋ ಪೂಜೇಸಿನ್ತಿ ಅತ್ಥೋ।
31. Navamāpadāne bimbijālakapupphānīti rattaṅkuravakapupphāni siddhatthassa bhagavato pūjesinti attho.
೩೫. ದಸಮಾಪದಾನೇ ಉದ್ದಾಲಕಂ ಗಹೇತ್ವಾನಾತಿ ಜಾತಸ್ಸರೇ ವಿಹಙ್ಗಸೋಬ್ಭೇ ಜಾತಂ ಉದ್ದಾಲಕಪುಪ್ಫಂ ಓಚಿನಿತ್ವಾ ಕಕುಸನ್ಧಸ್ಸ ಭಗವತೋ ಪೂಜೇಸಿನ್ತಿ ಅತ್ಥೋ। ಸೇಸಂ ಸುವಿಞ್ಞೇಯ್ಯಮೇವಾತಿ।
35. Dasamāpadāne uddālakaṃ gahetvānāti jātassare vihaṅgasobbhe jātaṃ uddālakapupphaṃ ocinitvā kakusandhassa bhagavato pūjesinti attho. Sesaṃ suviññeyyamevāti.
ಪಞ್ಚವೀಸತಿಮವಗ್ಗವಣ್ಣನಾ ಸಮತ್ತಾ।
Pañcavīsatimavaggavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi
೧. ತುವರದಾಯಕತ್ಥೇರಅಪದಾನಂ • 1. Tuvaradāyakattheraapadānaṃ
೨. ನಾಗಕೇಸರಿಯತ್ಥೇರಅಪದಾನಂ • 2. Nāgakesariyattheraapadānaṃ
೩. ನಳಿನಕೇಸರಿಯತ್ಥೇರಅಪದಾನಂ • 3. Naḷinakesariyattheraapadānaṃ
೪. ವಿರವಪುಪ್ಫಿಯತ್ಥೇರಅಪದಾನಂ • 4. Viravapupphiyattheraapadānaṃ
೫. ಕುಟಿಧೂಪಕತ್ಥೇರಅಪದಾನಂ • 5. Kuṭidhūpakattheraapadānaṃ
೮. ಸತ್ತಲಿಪುಪ್ಫಪೂಜಕತ್ಥೇರಅಪದಾನಂ • 8. Sattalipupphapūjakattheraapadānaṃ
೯. ಬಿಮ್ಬಿಜಾಲಿಯತ್ಥೇರಅಪದಾನಂ • 9. Bimbijāliyattheraapadānaṃ
೧೦. ಉದ್ದಾಲಕದಾಯಕತ್ಥೇರಅಪದಾನಂ • 10. Uddālakadāyakattheraapadānaṃ
