| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
4. д̇уваддаваг̇г̇о
4. Tuvaṭṭavaggo
1. згаман̃жад̇увадданасигкаабад̣̇аван̣н̣анаа
1. Ekamañcatuvaṭṭanasikkhāpadavaṇṇanā
д̇уваддаваг̇г̇асса батамз д̇уваддзяяунд̇и нибаж̇ж̇зяяум̣. д̇аасу бана згааяа ваа нибаннааяа абараа нибаж̇ж̇ад̇у, д̣̇взби ваа сахзва нибаж̇ж̇анд̇у, д̣̇виннамби баажид̇д̇ияам̣.
Tuvaṭṭavaggassa paṭhame tuvaṭṭeyyunti nipajjeyyuṃ. Tāsu pana ekāya vā nipannāya aparā nipajjatu, dvepi vā saheva nipajjantu, dvinnampi pācittiyaṃ.
саавад̇т̇ияам̣ самб̣ахулаа бхигкунияо аараб̣бха д̣̇виннам̣ згаман̃жз д̇увадданавад̇т̇усмим̣ бан̃н̃ад̇д̇ам̣, сажз бана згааяа нибаннааяа згаа нисийд̣̇ад̇и, убхо ваа нисийд̣̇анд̇и, д̇аасам̣, уммад̇д̇игаад̣̇ийнан̃жа анаабад̇д̇и. згаман̃жад̇аа, д̣̇виннам̣ д̇уваддананд̇и имаанзд̇т̇а д̣̇вз ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ sambahulā bhikkhuniyo ārabbha dvinnaṃ ekamañce tuvaṭṭanavatthusmiṃ paññattaṃ, sace pana ekāya nipannāya ekā nisīdati, ubho vā nisīdanti, tāsaṃ, ummattikādīnañca anāpatti. Ekamañcatā, dvinnaṃ tuvaṭṭananti imānettha dve aṅgāni. Samuṭṭhānādīni eḷakalomasadisānīti.
згаман̃жад̇увадданасигкаабад̣̇аван̣н̣анаа нидтид̇аа.
Ekamañcatuvaṭṭanasikkhāpadavaṇṇanā niṭṭhitā.
2. згад̇т̇аран̣ад̇увадданасигкаабад̣̇аван̣н̣анаа
2. Ekattharaṇatuvaṭṭanasikkhāpadavaṇṇanā
д̣̇уд̇ияз згам̣ ад̇т̇аран̣ан̃жзва баавуран̣ан̃жа зд̇аасанд̇и згад̇т̇аран̣абаавуран̣аа, сам̣хааримаанам̣ бааваарад̇т̇аран̣агадасаарагаад̣̇ийнам̣ згам̣ анд̇ам̣ ад̇т̇арид̇ваа згам̣ баарубид̇ваа д̇уваддзнд̇ийнамзд̇ам̣ ад̇хиважанам̣. баажид̇д̇ияанд̇и д̇ам̣язва ад̇т̇арид̇ваа д̇ам̣ баарубид̇ваа нибаж̇ж̇анд̇ийнам̣ баажид̇д̇ияам̣.
Dutiye ekaṃ attharaṇañceva pāvuraṇañca etāsanti ekattharaṇapāvuraṇā, saṃhārimānaṃ pāvārattharaṇakaṭasārakādīnaṃ ekaṃ antaṃ attharitvā ekaṃ pārupitvā tuvaṭṭentīnametaṃ adhivacanaṃ. Pācittiyanti taṃyeva attharitvā taṃ pārupitvā nipajjantīnaṃ pācittiyaṃ.
саавад̇т̇ияам̣ самб̣ахулаа бхигкунияо аараб̣бха звам̣ д̇увадданавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, ад̇т̇аран̣з ваа баавуран̣з ваа згасмим̣ д̣̇уггадам̣, наанад̇т̇аран̣абаавуран̣з д̣̇вигад̣̇уггадам̣. д̇асмим̣ бана наанад̇т̇аран̣абаавуран̣асан̃н̃ааяа, вавад̇т̇аанам̣ д̣̇ассзд̇ваа нибаж̇ж̇анд̇ияаа, уммад̇д̇игаад̣̇ийнан̃жа анаабад̇д̇и. сзсам̣ батамасад̣̇исамзваад̇и.
Sāvatthiyaṃ sambahulā bhikkhuniyo ārabbha evaṃ tuvaṭṭanavatthusmiṃ paññattaṃ, tikapācittiyaṃ, attharaṇe vā pāvuraṇe vā ekasmiṃ dukkaṭaṃ, nānattharaṇapāvuraṇe dvikadukkaṭaṃ. Tasmiṃ pana nānattharaṇapāvuraṇasaññāya, vavatthānaṃ dassetvā nipajjantiyā, ummattikādīnañca anāpatti. Sesaṃ paṭhamasadisamevāti.
згад̇т̇аран̣ад̇увадданасигкаабад̣̇аван̣н̣анаа нидтид̇аа.
Ekattharaṇatuvaṭṭanasikkhāpadavaṇṇanā niṭṭhitā.
3. апаасугаран̣асигкаабад̣̇аван̣н̣анаа
3. Aphāsukaraṇasikkhāpadavaṇṇanā
д̇ад̇ияз апаасунд̇и ‘‘иминаа имиссаа апаасу бхависсад̇ий’’д̇и анаабужчаа бурад̇о жан̇гаманадтаананиссаж̇ж̇аад̣̇аяо ваа уд̣̇д̣̇исауд̣̇д̣̇исаабанабарибужчанасаж̇жхааяам̣ ваа гаронд̇ияаа жан̇гаманз нивад̇д̇анаг̇ан̣анааяа, таанаад̣̇ийсу баяог̇аг̇ан̣анааяа, уд̣̇д̣̇зсаад̣̇ийсу бад̣̇аг̇ан̣анааяа баажид̇д̇ияам̣.
Tatiye aphāsunti ‘‘iminā imissā aphāsu bhavissatī’’ti anāpucchā purato caṅkamanaṭṭhānanissajjādayo vā uddisauddisāpanaparipucchanasajjhāyaṃ vā karontiyā caṅkamane nivattanagaṇanāya, ṭhānādīsu payogagaṇanāya, uddesādīsu padagaṇanāya pācittiyaṃ.
саавад̇т̇ияам̣ т̇уллананд̣̇ам̣ аараб̣бха сан̃жижжа апаасугаран̣авад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, анубасамбаннааяа д̇игад̣̇уггадам̣, на апаасугаамад̇ааяа, аабужчаа бурад̇о жан̇гаманаад̣̇ийни гаронд̇ияаа, уммад̇д̇игаад̣̇ийнан̃жа анаабад̇д̇и. убасамбаннад̇аа, апаасугаамад̇аа, апаасугаран̣ам̣, анаабужчананд̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана гирияаагирияам̣, д̣̇угкавзд̣̇ананд̇и.
Sāvatthiyaṃ thullanandaṃ ārabbha sañcicca aphāsukaraṇavatthusmiṃ paññattaṃ, tikapācittiyaṃ, anupasampannāya tikadukkaṭaṃ, na aphāsukāmatāya, āpucchā purato caṅkamanādīni karontiyā, ummattikādīnañca anāpatti. Upasampannatā, aphāsukāmatā, aphāsukaraṇaṃ, anāpucchananti imānettha cattāri aṅgāni. Samuṭṭhānādīni adinnādānasadisāni, idaṃ pana kiriyākiriyaṃ, dukkhavedananti.
апаасугаран̣асигкаабад̣̇аван̣н̣анаа нидтид̇аа.
Aphāsukaraṇasikkhāpadavaṇṇanā niṭṭhitā.
4. наубадтаабанасигкаабад̣̇аван̣н̣анаа
4. Naupaṭṭhāpanasikkhāpadavaṇṇanā
жад̇уд̇т̇з д̣̇угкид̇анд̇и г̇илаанам̣. сахаж̇ийвининд̇и сад̣̇д̇хивихаариним̣. нзва убадтахзяяаад̇и д̇ассаа убадтаанам̣ саяам̣ ваа агаронд̇ияаа, барзхи ваа агаарзнд̇ияаа д̇хурам̣ нигкид̇д̇амад̇д̇з баажид̇д̇ияам̣.
Catutthe dukkhitanti gilānaṃ. Sahajīvininti saddhivihāriniṃ. Neva upaṭṭhaheyyāti tassā upaṭṭhānaṃ sayaṃ vā akarontiyā, parehi vā akārentiyā dhuraṃ nikkhittamatte pācittiyaṃ.
саавад̇т̇ияам̣ т̇уллананд̣̇ам̣ аараб̣бха д̣̇угкид̇ам̣ сахаж̇ийвиним̣ анубадтаанавад̇т̇усмим̣ бан̃н̃ад̇д̇ам̣, анд̇зваасинияаа ваа анубасамбаннааяа ваа д̣̇уггадам̣, д̣̇асасу ан̃н̃ад̇аранд̇арааяз сад̇и бариязсид̇ваа алабханд̇ияаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. г̇илаанад̇аа, сад̣̇д̇хивихаарид̇аа, анун̃н̃аад̇агааран̣аабхааво, убадтаанз д̇хуранигкзбод̇и имаанзд̇т̇а жад̇д̇аари ан̇г̇аани. самудтаанаад̣̇ийни саманубхаасанасад̣̇исаанийд̇и.
Sāvatthiyaṃ thullanandaṃ ārabbha dukkhitaṃ sahajīviniṃ anupaṭṭhānavatthusmiṃ paññattaṃ, antevāsiniyā vā anupasampannāya vā dukkaṭaṃ, dasasu aññatarantarāye sati pariyesitvā alabhantiyā, gilānāya, āpadāsu, ummattikādīnañca anāpatti. Gilānatā, saddhivihāritā, anuññātakāraṇābhāvo, upaṭṭhāne dhuranikkhepoti imānettha cattāri aṅgāni. Samuṭṭhānādīni samanubhāsanasadisānīti.
наубадтаабанасигкаабад̣̇аван̣н̣анаа нидтид̇аа.
Naupaṭṭhāpanasikkhāpadavaṇṇanā niṭṭhitā.
5. ниггад̣дханасигкаабад̣̇аван̣н̣анаа
5. Nikkaḍḍhanasikkhāpadavaṇṇanā
бан̃жамз убассаяам̣ д̣̇ад̇ваад̇и сагаваадаб̣ад̣̇д̇хам̣ ад̇д̇ано буг̇г̇алигавихаарам̣ д̣̇ад̇ваа. ниггад̣дхзяяаад̇и б̣ахууниби д̣̇ваараани згаббаяог̇зна ниггад̣дхзнд̇ияаа згаа аабад̇д̇и, наанаабаяог̇зхи баяог̇аг̇ан̣анааяа аабад̇д̇ияо, аан̣ад̇д̇ияамби зсзва наяо. сажз бана ‘‘иман̃жиман̃жа д̣̇ваарам̣ ад̇иггаамзхий’’д̇и аан̣аабзд̇и, згааяа аан̣ад̇д̇ияаа зва д̣̇ваараг̇ан̣анааяа аабад̇д̇ияо.
Pañcame upassayaṃ datvāti sakavāṭabaddhaṃ attano puggalikavihāraṃ datvā. Nikkaḍḍheyyāti bahūnipi dvārāni ekappayogena nikkaḍḍhentiyā ekā āpatti, nānāpayogehi payogagaṇanāya āpattiyo, āṇattiyampi eseva nayo. Sace pana ‘‘imañcimañca dvāraṃ atikkāmehī’’ti āṇāpeti, ekāya āṇattiyā eva dvāragaṇanāya āpattiyo.
саавад̇т̇ияам̣ т̇уллананд̣̇ам̣ аараб̣бха зд̇аад̣̇исз вад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, агаваадаб̣ад̣̇д̇хад̇о д̣̇уггадам̣, анубасамбаннааяа д̇игад̣̇уггадам̣, сагаваадаб̣ад̣̇д̇хад̇о ваа агаваадаб̣ад̣̇д̇хад̇о ваа убхиннамби баригкаараниггад̣дханз д̣̇уггадамзва, сзсам̣ сан̇гхигавихаараниггад̣дханасигкаабад̣̇з вуд̇д̇анаяамзваад̇и.
Sāvatthiyaṃ thullanandaṃ ārabbha etādise vatthusmiṃ paññattaṃ, tikapācittiyaṃ, akavāṭabaddhato dukkaṭaṃ, anupasampannāya tikadukkaṭaṃ, sakavāṭabaddhato vā akavāṭabaddhato vā ubhinnampi parikkhāranikkaḍḍhane dukkaṭameva, sesaṃ saṅghikavihāranikkaḍḍhanasikkhāpade vuttanayamevāti.
ниггад̣дханасигкаабад̣̇аван̣н̣анаа нидтид̇аа.
Nikkaḍḍhanasikkhāpadavaṇṇanā niṭṭhitā.
6. сам̣садтасигкаабад̣̇аван̣н̣анаа
6. Saṃsaṭṭhasikkhāpadavaṇṇanā
чадтам̣ уд̇д̇аанабад̣̇ад̇т̇амзва. саавад̇т̇ияам̣ жан̣д̣агаал̣им̣ аараб̣бха сам̣садтавихааравад̇т̇усмим̣ бан̃н̃ад̇д̇ам̣, сзсамзд̇т̇а батамааридтасигкаабад̣̇з вуд̇д̇авинижчаяасад̣̇исамзваад̇и.
Chaṭṭhaṃ uttānapadatthameva. Sāvatthiyaṃ caṇḍakāḷiṃ ārabbha saṃsaṭṭhavihāravatthusmiṃ paññattaṃ, sesamettha paṭhamaariṭṭhasikkhāpade vuttavinicchayasadisamevāti.
сам̣садтасигкаабад̣̇аван̣н̣анаа нидтид̇аа.
Saṃsaṭṭhasikkhāpadavaṇṇanā niṭṭhitā.
7. анд̇орадтасигкаабад̣̇аван̣н̣анаа
7. Antoraṭṭhasikkhāpadavaṇṇanā
сад̇д̇амз анд̇орадтзд̇и яасса виж̇ид̇з вихарад̇и, д̇асса радтз. асад̇т̇игаа жаариганд̇и винаа сад̇т̇зна г̇ажчанд̇ияаа, г̇ааманд̇араг̇ан̣анааяа, аг̇аамагз аран̃н̃з ад̣̇д̇хаяож̇анаг̇ан̣анааяа баажид̇д̇ияам̣.
Sattame antoraṭṭheti yassa vijite viharati, tassa raṭṭhe. Asatthikā cārikanti vinā satthena gacchantiyā, gāmantaragaṇanāya, agāmake araññe addhayojanagaṇanāya pācittiyaṃ.
саавад̇т̇ияам̣ самб̣ахулаа бхигкунияо аараб̣бха вуд̇д̇анаязнзва д̣̇зсажааригам̣ баггаманавад̇т̇усмим̣ бан̃н̃ад̇д̇ам̣. сад̇т̇зна саха г̇ажчанд̇ияаа, кзмз аббадибхаяз, аабад̣̇аасу, уммад̇д̇игаад̣̇ийнан̃жа анаабад̇д̇и. анд̇орадтад̇аа, акзмад̇аа, анун̃н̃аад̇агааран̣аабхааво, жааригам̣ баггамананд̇и имаанзд̇т̇а жад̇д̇аари ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ sambahulā bhikkhuniyo ārabbha vuttanayeneva desacārikaṃ pakkamanavatthusmiṃ paññattaṃ. Satthena saha gacchantiyā, kheme appaṭibhaye, āpadāsu, ummattikādīnañca anāpatti. Antoraṭṭhatā, akhematā, anuññātakāraṇābhāvo, cārikaṃ pakkamananti imānettha cattāri aṅgāni. Samuṭṭhānādīni eḷakalomasadisānīti.
анд̇орадтасигкаабад̣̇аван̣н̣анаа нидтид̇аа.
Antoraṭṭhasikkhāpadavaṇṇanā niṭṭhitā.
8. д̇ирорадтасигкаабад̣̇аван̣н̣анаа
8. Tiroraṭṭhasikkhāpadavaṇṇanā
адтамз д̇ирорадтзд̇и яасса виж̇ид̇з вихарад̇и, д̇ам̣ табзд̇ваа ан̃н̃асса радтз. сзсам̣ сад̇д̇амз вуд̇д̇анаязнзва взд̣̇ид̇аб̣б̣ам̣, наг̇арам̣ банзд̇т̇а рааж̇аг̇аханд̇и.
Aṭṭhame tiroraṭṭheti yassa vijite viharati, taṃ ṭhapetvā aññassa raṭṭhe. Sesaṃ sattame vuttanayeneva veditabbaṃ, nagaraṃ panettha rājagahanti.
д̇ирорадтасигкаабад̣̇аван̣н̣анаа нидтид̇аа.
Tiroraṭṭhasikkhāpadavaṇṇanā niṭṭhitā.
9. анд̇овассасигкаабад̣̇аван̣н̣анаа
9. Antovassasikkhāpadavaṇṇanā
навамз анд̇овассанд̇и буримам̣ ваа д̇змаасам̣, бажчимам̣ ваа д̇змаасам̣ авасид̇ваа д̇асса вассасса анд̇оязва. ид̇ха сад̇д̇аахагаран̣ийязна ваа гзнажи уб̣б̣ал̣хааяа ваа аабад̣̇аасу ваа г̇ажчанд̇ияаа уммад̇д̇игаад̣̇ийнан̃жа анаабад̇д̇и. сзсам̣ адтамасад̣̇исамзваад̇и.
Navame antovassanti purimaṃ vā temāsaṃ, pacchimaṃ vā temāsaṃ avasitvā tassa vassassa antoyeva. Idha sattāhakaraṇīyena vā kenaci ubbaḷhāya vā āpadāsu vā gacchantiyā ummattikādīnañca anāpatti. Sesaṃ aṭṭhamasadisamevāti.
анд̇овассасигкаабад̣̇аван̣н̣анаа нидтид̇аа.
Antovassasikkhāpadavaṇṇanā niṭṭhitā.
10. жаариганабаггаманасигкаабад̣̇аван̣н̣анаа
10. Cārikanapakkamanasikkhāpadavaṇṇanā
д̣̇асамз вассам̣вудтаад̇и буримам̣ ваа д̇змаасам̣, бажчимам̣ ваа д̇змаасам̣ вудтаа. чаббан̃жаяож̇анаанийд̇и зд̇т̇а баваарзд̇ваа бан̃жа яож̇анаани г̇анд̇умби ваддад̇и, часу вад̇д̇аб̣б̣амзва над̇т̇и. сажз бана д̇ийн̣и г̇анд̇ваа д̇знзва маг̇г̇зна бажжааг̇ажчад̇и, на ваддад̇и, ан̃н̃зна ааг̇анд̇ум̣ ваддад̇и. ‘‘вуд̇д̇аббамаан̣ам̣ ад̣̇д̇хаанам̣ на г̇ажчиссаамий’’д̇и д̇хурз нигкид̇д̇амад̇д̇з баажид̇д̇ияам̣.
Dasame vassaṃvuṭṭhāti purimaṃ vā temāsaṃ, pacchimaṃ vā temāsaṃ vuṭṭhā. Chappañcayojanānīti ettha pavāretvā pañca yojanāni gantumpi vaṭṭati, chasu vattabbameva natthi. Sace pana tīṇi gantvā teneva maggena paccāgacchati, na vaṭṭati, aññena āgantuṃ vaṭṭati. ‘‘Vuttappamāṇaṃ addhānaṃ na gacchissāmī’’ti dhure nikkhittamatte pācittiyaṃ.
рааж̇аг̇ахз самб̣ахулаа бхигкунияо аараб̣бха вассам̣ васид̇ваа жааригам̣ абаггаманавад̇т̇усмим̣ бан̃н̃ад̇д̇ам̣. анд̇арааяз сад̇и, бариязсид̇ваа д̣̇уд̇ияигам̣ бхигкуним̣ алабханд̇ияаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. вассам̣вудтад̇аа, анун̃н̃аад̇агааран̣аабхааво, бан̃жаяож̇анаанад̇иггамод̇и имаанзд̇т̇а д̇ийн̣и ан̇г̇аани. самудтаанаад̣̇ийни батамабаарааж̇игасад̣̇исаани, ид̣̇ам̣ бана агирияам̣, д̣̇угкавзд̣̇ананд̇и.
Rājagahe sambahulā bhikkhuniyo ārabbha vassaṃ vasitvā cārikaṃ apakkamanavatthusmiṃ paññattaṃ. Antarāye sati, pariyesitvā dutiyikaṃ bhikkhuniṃ alabhantiyā, gilānāya, āpadāsu, ummattikādīnañca anāpatti. Vassaṃvuṭṭhatā, anuññātakāraṇābhāvo, pañcayojanānatikkamoti imānettha tīṇi aṅgāni. Samuṭṭhānādīni paṭhamapārājikasadisāni, idaṃ pana akiriyaṃ, dukkhavedananti.
жаариганабаггаманасигкаабад̣̇аван̣н̣анаа нидтид̇аа.
Cārikanapakkamanasikkhāpadavaṇṇanā niṭṭhitā.
д̇уваддаваг̇г̇о жад̇уд̇т̇о.
Tuvaṭṭavaggo catuttho.
