| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
4. තුවට්‌ටවග්‌ගො
4. Tuvaṭṭavaggo
221. ද්‌වින්‌නං භික්‌ඛුනීනං එකමඤ්‌චෙ තුවට්‌ටෙන්‌තීනං පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො ද්‌වෙ එකමඤ්‌චෙ තුවට්‌ටෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං ද්‌වීහි සමුට්‌ඨානෙහි සමුට්‌ඨාති – එළකලොමකෙ…පෙ.….
221. Dvinnaṃ bhikkhunīnaṃ ekamañce tuvaṭṭentīnaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo dve ekamañce tuvaṭṭesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – eḷakalomake…pe….
ද්‌වින්‌නං භික්‌ඛුනීනං එකත්‌ථරණපාවුරණෙ තුවට්‌ටෙන්‌තීනං පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො ද්‌වෙ එකත්‌ථරණපාවුරණා තුවට්‌ටෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං ද්‌වීහි සමුට්‌ඨානෙහි සමුට්‌ඨාති – එළකලොමකෙ…පෙ.….
Dvinnaṃ bhikkhunīnaṃ ekattharaṇapāvuraṇe tuvaṭṭentīnaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo dve ekattharaṇapāvuraṇā tuvaṭṭesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – eḷakalomake…pe….
භික්‌ඛුනියා සඤ්‌චිච්‌ච අඵාසුං කරොන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? ථුල්‌ලනන්‌දං භික්‌ඛුනිං ආරබ්‌භ. කිස්‌මිං වත්‌ථුස්‌මින්‌ති? ථුල්‌ලනන්‌දා භික්‌ඛුනී භික්‌ඛුනියා සඤ්‌චිච්‌ච අඵාසුං අකාසි, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Bhikkhuniyā sañcicca aphāsuṃ karontiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī bhikkhuniyā sañcicca aphāsuṃ akāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
දුක්‌ඛිතං සහජීවිනිං නෙව උපට්‌ඨෙන්‌තියා න උපට්‌ඨාපනාය උස්‌සුක්‌කං කරොන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? ථුල්‌ලනන්‌දං භික්‌ඛුනිං ආරබ්‌භ. කිස්‌මිං වත්‌ථුස්‌මින්‌ති? ථුල්‌ලනන්‌දා භික්‌ඛුනී දුක්‌ඛිතං සහජීවිනිං නෙව උපට්‌ඨෙසි න උපට්‌ඨාපනාය උස්‌සුක්‌කං අකාසි, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං එකෙන සමුට්‌ඨානෙන සමුට්‌ඨාති – ධුරනික්‌ඛෙපෙ…පෙ.….
Dukkhitaṃ sahajīviniṃ neva upaṭṭhentiyā na upaṭṭhāpanāya ussukkaṃ karontiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī dukkhitaṃ sahajīviniṃ neva upaṭṭhesi na upaṭṭhāpanāya ussukkaṃ akāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
භික්‌ඛුනියා උපස්‌සයං දත්‌වා කුපිතාය අනත්‌තමනාය නික්‌කඩ්‌ඪන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? ථුල්‌ලනන්‌දං භික්‌ඛුනිං ආරබ්‌භ. කිස්‌මිං වත්‌ථුස්‌මින්‌ති? ථුල්‌ලනන්‌දා භික්‌ඛුනී භික්‌ඛුනියා උපස්‌සයං දත්‌වා කුපිතා අනත්‌තමනා නික්‌කඩ්‌ඪි, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Bhikkhuniyā upassayaṃ datvā kupitāya anattamanāya nikkaḍḍhantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī bhikkhuniyā upassayaṃ datvā kupitā anattamanā nikkaḍḍhi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
සංසට්‌ඨාය භික්‌ඛුනියා යාවතතියං සමනුභාසනාය න පටිනිස්‌සජ්‌ජන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? චණ්‌ඩකාළිං භික්‌ඛුනිං ආරබ්‌භ. කිස්‌මිං වත්‌ථුස්‌මින්‌ති? චණ්‌ඩකාළී භික්‌ඛුනී සංසට්‌ඨා විහරි, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං එකෙන සමුට්‌ඨානෙන සමුට්‌ඨාති – ධුරනික්‌ඛෙපෙ…පෙ.….
Saṃsaṭṭhāya bhikkhuniyā yāvatatiyaṃ samanubhāsanāya na paṭinissajjantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Caṇḍakāḷiṃ bhikkhuniṃ ārabbha. Kismiṃ vatthusminti? Caṇḍakāḷī bhikkhunī saṃsaṭṭhā vihari, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
අන්‌තොරට්‌ඨෙ සාසඞ්‌කසම්‌මතෙ සප්‌පටිභයෙ අසත්‌ථිකාය චාරිකං චරන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො අන්‌තොරට්‌ඨෙ සාසඞ්‌කසම්‌මතෙ සප්‌පටිභයෙ අසත්‌ථිකායො චාරිකං චරිංසු, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං ද්‌වීහි සමුට්‌ඨානෙහි සමුට්‌ඨාති – එළකලොමකෙ…පෙ.….
Antoraṭṭhe sāsaṅkasammate sappaṭibhaye asatthikāya cārikaṃ carantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo antoraṭṭhe sāsaṅkasammate sappaṭibhaye asatthikāyo cārikaṃ cariṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – eḷakalomake…pe….
තිරොරට්‌ඨෙ සාසඞ්‌කසම්‌මතෙ සප්‌පටිභයෙ අසත්‌ථිකාය චාරිකං චරන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො තිරොරට්‌ඨෙ සාසඞ්‌කසම්‌මතෙ සප්‌පටිභයෙ අසත්‌ථිකායො චාරිකං චරිංසු, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං ද්‌වීහි සමුට්‌ඨානෙහි සමුට්‌ඨාති – එළකලොමකෙ…පෙ.….
Tiroraṭṭhe sāsaṅkasammate sappaṭibhaye asatthikāya cārikaṃ carantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo tiroraṭṭhe sāsaṅkasammate sappaṭibhaye asatthikāyo cārikaṃ cariṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – eḷakalomake…pe….
අන්‌තොවස්‌සං චාරිකං චරන්‌තියා පාචිත්‌තියං කත්‌ථ පඤ්‌ඤත්‌තන්‌ති? රාජගහෙ පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො අන්‌තොවස්‌සං චාරිකං චරිංසු, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං ද්‌වීහි සමුට්‌ඨානෙහි සමුට්‌ඨාති – එළකලොමකෙ…පෙ.….
Antovassaṃ cārikaṃ carantiyā pācittiyaṃ kattha paññattanti? Rājagahe paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo antovassaṃ cārikaṃ cariṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – eḷakalomake…pe….
වස්‌සංවුට්‌ඨාය 1 භික්‌ඛුනියා චාරිකං න පක්‌කමන්‌තියා පාචිත්‌තියං කත්‌ථ පඤ්‌ඤත්‌තන්‌ති? රාජගහෙ පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ . කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො වස්‌සංවුට්‌ඨා චාරිකං න පක්‌කමිංසු, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං එකෙන සමුට්‌ඨානෙන සමුට්‌ඨාති – පඨමපාරාජිකෙ…පෙ.….
Vassaṃvuṭṭhāya 2 bhikkhuniyā cārikaṃ na pakkamantiyā pācittiyaṃ kattha paññattanti? Rājagahe paññattaṃ. Kaṃ ārabbhāti? Sambahulā bhikkhuniyo ārabbha . Kismiṃ vatthusminti? Sambahulā bhikkhuniyo vassaṃvuṭṭhā cārikaṃ na pakkamiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – paṭhamapārājike…pe….
තුවට්‌ටවග්‌ගො චතුත්‌ථො.
Tuvaṭṭavaggo catuttho.
Footnotes:
