| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੪. ਤੁવਟ੍ਟવਗ੍ਗੋ
4. Tuvaṭṭavaggo
੧. ਏਕਮਞ੍ਚਤੁવਟ੍ਟਨਸਿਕ੍ਖਾਪਦવਣ੍ਣਨਾ
1. Ekamañcatuvaṭṭanasikkhāpadavaṇṇanā
ਤੁવਟ੍ਟવਗ੍ਗਸ੍ਸ ਪਠਮੇ ਤੁવਟ੍ਟੇਯ੍ਯੁਨ੍ਤਿ ਨਿਪਜ੍ਜੇਯ੍ਯੁਂ। ਤਾਸੁ ਪਨ ਏਕਾਯ વਾ ਨਿਪਨ੍ਨਾਯ ਅਪਰਾ ਨਿਪਜ੍ਜਤੁ, ਦ੍વੇਪਿ વਾ ਸਹੇવ ਨਿਪਜ੍ਜਨ੍ਤੁ, ਦ੍વਿਨ੍ਨਮ੍ਪਿ ਪਾਚਿਤ੍ਤਿਯਂ।
Tuvaṭṭavaggassa paṭhame tuvaṭṭeyyunti nipajjeyyuṃ. Tāsu pana ekāya vā nipannāya aparā nipajjatu, dvepi vā saheva nipajjantu, dvinnampi pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਦ੍વਿਨ੍ਨਂ ਏਕਮਞ੍ਚੇ ਤੁવਟ੍ਟਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਚੇ ਪਨ ਏਕਾਯ ਨਿਪਨ੍ਨਾਯ ਏਕਾ ਨਿਸੀਦਤਿ, ਉਭੋ વਾ ਨਿਸੀਦਨ੍ਤਿ, ਤਾਸਂ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਏਕਮਞ੍ਚਤਾ, ਦ੍વਿਨ੍ਨਂ ਤੁવਟ੍ਟਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ sambahulā bhikkhuniyo ārabbha dvinnaṃ ekamañce tuvaṭṭanavatthusmiṃ paññattaṃ, sace pana ekāya nipannāya ekā nisīdati, ubho vā nisīdanti, tāsaṃ, ummattikādīnañca anāpatti. Ekamañcatā, dvinnaṃ tuvaṭṭananti imānettha dve aṅgāni. Samuṭṭhānādīni eḷakalomasadisānīti.
ਏਕਮਞ੍ਚਤੁવਟ੍ਟਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ekamañcatuvaṭṭanasikkhāpadavaṇṇanā niṭṭhitā.
੨. ਏਕਤ੍ਥਰਣਤੁવਟ੍ਟਨਸਿਕ੍ਖਾਪਦવਣ੍ਣਨਾ
2. Ekattharaṇatuvaṭṭanasikkhāpadavaṇṇanā
ਦੁਤਿਯੇ ਏਕਂ ਅਤ੍ਥਰਣਞ੍ਚੇવ ਪਾવੁਰਣਞ੍ਚ ਏਤਾਸਨ੍ਤਿ ਏਕਤ੍ਥਰਣਪਾવੁਰਣਾ, ਸਂਹਾਰਿਮਾਨਂ ਪਾવਾਰਤ੍ਥਰਣਕਟਸਾਰਕਾਦੀਨਂ ਏਕਂ ਅਨ੍ਤਂ ਅਤ੍ਥਰਿਤ੍વਾ ਏਕਂ ਪਾਰੁਪਿਤ੍વਾ ਤੁવਟ੍ਟੇਨ੍ਤੀਨਮੇਤਂ ਅਧਿવਚਨਂ। ਪਾਚਿਤ੍ਤਿਯਨ੍ਤਿ ਤਂਯੇવ ਅਤ੍ਥਰਿਤ੍વਾ ਤਂ ਪਾਰੁਪਿਤ੍વਾ ਨਿਪਜ੍ਜਨ੍ਤੀਨਂ ਪਾਚਿਤ੍ਤਿਯਂ।
Dutiye ekaṃ attharaṇañceva pāvuraṇañca etāsanti ekattharaṇapāvuraṇā, saṃhārimānaṃ pāvārattharaṇakaṭasārakādīnaṃ ekaṃ antaṃ attharitvā ekaṃ pārupitvā tuvaṭṭentīnametaṃ adhivacanaṃ. Pācittiyanti taṃyeva attharitvā taṃ pārupitvā nipajjantīnaṃ pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਏવਂ ਤੁવਟ੍ਟਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਅਤ੍ਥਰਣੇ વਾ ਪਾવੁਰਣੇ વਾ ਏਕਸ੍ਮਿਂ ਦੁਕ੍ਕਟਂ, ਨਾਨਤ੍ਥਰਣਪਾવੁਰਣੇ ਦ੍વਿਕਦੁਕ੍ਕਟਂ। ਤਸ੍ਮਿਂ ਪਨ ਨਾਨਤ੍ਥਰਣਪਾવੁਰਣਸਞ੍ਞਾਯ, વવਤ੍ਥਾਨਂ ਦਸ੍ਸੇਤ੍વਾ ਨਿਪਜ੍ਜਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ ਪਠਮਸਦਿਸਮੇવਾਤਿ।
Sāvatthiyaṃ sambahulā bhikkhuniyo ārabbha evaṃ tuvaṭṭanavatthusmiṃ paññattaṃ, tikapācittiyaṃ, attharaṇe vā pāvuraṇe vā ekasmiṃ dukkaṭaṃ, nānattharaṇapāvuraṇe dvikadukkaṭaṃ. Tasmiṃ pana nānattharaṇapāvuraṇasaññāya, vavatthānaṃ dassetvā nipajjantiyā, ummattikādīnañca anāpatti. Sesaṃ paṭhamasadisamevāti.
ਏਕਤ੍ਥਰਣਤੁવਟ੍ਟਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ekattharaṇatuvaṭṭanasikkhāpadavaṇṇanā niṭṭhitā.
੩. ਅਫਾਸੁਕਰਣਸਿਕ੍ਖਾਪਦવਣ੍ਣਨਾ
3. Aphāsukaraṇasikkhāpadavaṇṇanā
ਤਤਿਯੇ ਅਫਾਸੁਨ੍ਤਿ ‘‘ਇਮਿਨਾ ਇਮਿਸ੍ਸਾ ਅਫਾਸੁ ਭવਿਸ੍ਸਤੀ’’ਤਿ ਅਨਾਪੁਚ੍ਛਾ ਪੁਰਤੋ ਚਙ੍ਕਮਨਟ੍ਠਾਨਨਿਸ੍ਸਜ੍ਜਾਦਯੋ વਾ ਉਦ੍ਦਿਸਉਦ੍ਦਿਸਾਪਨਪਰਿਪੁਚ੍ਛਨਸਜ੍ਝਾਯਂ વਾ ਕਰੋਨ੍ਤਿਯਾ ਚਙ੍ਕਮਨੇ ਨਿવਤ੍ਤਨਗਣਨਾਯ, ਠਾਨਾਦੀਸੁ ਪਯੋਗਗਣਨਾਯ, ਉਦ੍ਦੇਸਾਦੀਸੁ ਪਦਗਣਨਾਯ ਪਾਚਿਤ੍ਤਿਯਂ।
Tatiye aphāsunti ‘‘iminā imissā aphāsu bhavissatī’’ti anāpucchā purato caṅkamanaṭṭhānanissajjādayo vā uddisauddisāpanaparipucchanasajjhāyaṃ vā karontiyā caṅkamane nivattanagaṇanāya, ṭhānādīsu payogagaṇanāya, uddesādīsu padagaṇanāya pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਸਞ੍ਚਿਚ੍ਚ ਅਫਾਸੁਕਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨਾਯ ਤਿਕਦੁਕ੍ਕਟਂ, ਨ ਅਫਾਸੁਕਾਮਤਾਯ, ਆਪੁਚ੍ਛਾ ਪੁਰਤੋ ਚਙ੍ਕਮਨਾਦੀਨਿ ਕਰੋਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਤਾ, ਅਫਾਸੁਕਾਮਤਾ, ਅਫਾਸੁਕਰਣਂ, ਅਨਾਪੁਚ੍ਛਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਂ, ਦੁਕ੍ਖવੇਦਨਨ੍ਤਿ।
Sāvatthiyaṃ thullanandaṃ ārabbha sañcicca aphāsukaraṇavatthusmiṃ paññattaṃ, tikapācittiyaṃ, anupasampannāya tikadukkaṭaṃ, na aphāsukāmatāya, āpucchā purato caṅkamanādīni karontiyā, ummattikādīnañca anāpatti. Upasampannatā, aphāsukāmatā, aphāsukaraṇaṃ, anāpucchananti imānettha cattāri aṅgāni. Samuṭṭhānādīni adinnādānasadisāni, idaṃ pana kiriyākiriyaṃ, dukkhavedananti.
ਅਫਾਸੁਕਰਣਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Aphāsukaraṇasikkhāpadavaṇṇanā niṭṭhitā.
੪. ਨਉਪਟ੍ਠਾਪਨਸਿਕ੍ਖਾਪਦવਣ੍ਣਨਾ
4. Naupaṭṭhāpanasikkhāpadavaṇṇanā
ਚਤੁਤ੍ਥੇ ਦੁਕ੍ਖਿਤਨ੍ਤਿ ਗਿਲਾਨਂ। ਸਹਜੀવਿਨਿਨ੍ਤਿ ਸਦ੍ਧਿવਿਹਾਰਿਨਿਂ। ਨੇવ ਉਪਟ੍ਠਹੇਯ੍ਯਾਤਿ ਤਸ੍ਸਾ ਉਪਟ੍ਠਾਨਂ ਸਯਂ વਾ ਅਕਰੋਨ੍ਤਿਯਾ, ਪਰੇਹਿ વਾ ਅਕਾਰੇਨ੍ਤਿਯਾ ਧੁਰਂ ਨਿਕ੍ਖਿਤ੍ਤਮਤ੍ਤੇ ਪਾਚਿਤ੍ਤਿਯਂ।
Catutthe dukkhitanti gilānaṃ. Sahajīvininti saddhivihāriniṃ. Neva upaṭṭhaheyyāti tassā upaṭṭhānaṃ sayaṃ vā akarontiyā, parehi vā akārentiyā dhuraṃ nikkhittamatte pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਦੁਕ੍ਖਿਤਂ ਸਹਜੀવਿਨਿਂ ਅਨੁਪਟ੍ਠਾਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਨ੍ਤੇવਾਸਿਨਿਯਾ વਾ ਅਨੁਪਸਮ੍ਪਨ੍ਨਾਯ વਾ ਦੁਕ੍ਕਟਂ, ਦਸਸੁ ਅਞ੍ਞਤਰਨ੍ਤਰਾਯੇ ਸਤਿ ਪਰਿਯੇਸਿਤ੍વਾ ਅਲਭਨ੍ਤਿਯਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਗਿਲਾਨਤਾ, ਸਦ੍ਧਿવਿਹਾਰਿਤਾ, ਅਨੁਞ੍ਞਾਤਕਾਰਣਾਭਾવੋ, ਉਪਟ੍ਠਾਨੇ ਧੁਰਨਿਕ੍ਖੇਪੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਮਨੁਭਾਸਨਸਦਿਸਾਨੀਤਿ।
Sāvatthiyaṃ thullanandaṃ ārabbha dukkhitaṃ sahajīviniṃ anupaṭṭhānavatthusmiṃ paññattaṃ, antevāsiniyā vā anupasampannāya vā dukkaṭaṃ, dasasu aññatarantarāye sati pariyesitvā alabhantiyā, gilānāya, āpadāsu, ummattikādīnañca anāpatti. Gilānatā, saddhivihāritā, anuññātakāraṇābhāvo, upaṭṭhāne dhuranikkhepoti imānettha cattāri aṅgāni. Samuṭṭhānādīni samanubhāsanasadisānīti.
ਨਉਪਟ੍ਠਾਪਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Naupaṭṭhāpanasikkhāpadavaṇṇanā niṭṭhitā.
੫. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ
5. Nikkaḍḍhanasikkhāpadavaṇṇanā
ਪਞ੍ਚਮੇ ਉਪਸ੍ਸਯਂ ਦਤ੍વਾਤਿ ਸਕવਾਟਬਦ੍ਧਂ ਅਤ੍ਤਨੋ ਪੁਗ੍ਗਲਿਕવਿਹਾਰਂ ਦਤ੍વਾ। ਨਿਕ੍ਕਡ੍ਢੇਯ੍ਯਾਤਿ ਬਹੂਨਿਪਿ ਦ੍વਾਰਾਨਿ ਏਕਪ੍ਪਯੋਗੇਨ ਨਿਕ੍ਕਡ੍ਢੇਨ੍ਤਿਯਾ ਏਕਾ ਆਪਤ੍ਤਿ, ਨਾਨਾਪਯੋਗੇਹਿ ਪਯੋਗਗਣਨਾਯ ਆਪਤ੍ਤਿਯੋ, ਆਣਤ੍ਤਿਯਮ੍ਪਿ ਏਸੇવ ਨਯੋ। ਸਚੇ ਪਨ ‘‘ਇਮਞ੍ਚਿਮਞ੍ਚ ਦ੍વਾਰਂ ਅਤਿਕ੍ਕਾਮੇਹੀ’’ਤਿ ਆਣਾਪੇਤਿ, ਏਕਾਯ ਆਣਤ੍ਤਿਯਾ ਏવ ਦ੍વਾਰਗਣਨਾਯ ਆਪਤ੍ਤਿਯੋ।
Pañcame upassayaṃ datvāti sakavāṭabaddhaṃ attano puggalikavihāraṃ datvā. Nikkaḍḍheyyāti bahūnipi dvārāni ekappayogena nikkaḍḍhentiyā ekā āpatti, nānāpayogehi payogagaṇanāya āpattiyo, āṇattiyampi eseva nayo. Sace pana ‘‘imañcimañca dvāraṃ atikkāmehī’’ti āṇāpeti, ekāya āṇattiyā eva dvāragaṇanāya āpattiyo.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਏਤਾਦਿਸੇ વਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਅਕવਾਟਬਦ੍ਧਤੋ ਦੁਕ੍ਕਟਂ, ਅਨੁਪਸਮ੍ਪਨ੍ਨਾਯ ਤਿਕਦੁਕ੍ਕਟਂ, ਸਕવਾਟਬਦ੍ਧਤੋ વਾ ਅਕવਾਟਬਦ੍ਧਤੋ વਾ ਉਭਿਨ੍ਨਮ੍ਪਿ ਪਰਿਕ੍ਖਾਰਨਿਕ੍ਕਡ੍ਢਨੇ ਦੁਕ੍ਕਟਮੇવ, ਸੇਸਂ ਸਙ੍ਘਿਕવਿਹਾਰਨਿਕ੍ਕਡ੍ਢਨਸਿਕ੍ਖਾਪਦੇ વੁਤ੍ਤਨਯਮੇવਾਤਿ।
Sāvatthiyaṃ thullanandaṃ ārabbha etādise vatthusmiṃ paññattaṃ, tikapācittiyaṃ, akavāṭabaddhato dukkaṭaṃ, anupasampannāya tikadukkaṭaṃ, sakavāṭabaddhato vā akavāṭabaddhato vā ubhinnampi parikkhāranikkaḍḍhane dukkaṭameva, sesaṃ saṅghikavihāranikkaḍḍhanasikkhāpade vuttanayamevāti.
ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nikkaḍḍhanasikkhāpadavaṇṇanā niṭṭhitā.
੬. ਸਂਸਟ੍ਠਸਿਕ੍ਖਾਪਦવਣ੍ਣਨਾ
6. Saṃsaṭṭhasikkhāpadavaṇṇanā
ਛਟ੍ਠਂ ਉਤ੍ਤਾਨਪਦਤ੍ਥਮੇવ। ਸਾવਤ੍ਥਿਯਂ ਚਣ੍ਡਕਾਲ਼ਿਂ ਆਰਬ੍ਭ ਸਂਸਟ੍ਠવਿਹਾਰવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਪਠਮਅਰਿਟ੍ਠਸਿਕ੍ਖਾਪਦੇ વੁਤ੍ਤવਿਨਿਚ੍ਛਯਸਦਿਸਮੇવਾਤਿ।
Chaṭṭhaṃ uttānapadatthameva. Sāvatthiyaṃ caṇḍakāḷiṃ ārabbha saṃsaṭṭhavihāravatthusmiṃ paññattaṃ, sesamettha paṭhamaariṭṭhasikkhāpade vuttavinicchayasadisamevāti.
ਸਂਸਟ੍ਠਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Saṃsaṭṭhasikkhāpadavaṇṇanā niṭṭhitā.
੭. ਅਨ੍ਤੋਰਟ੍ਠਸਿਕ੍ਖਾਪਦવਣ੍ਣਨਾ
7. Antoraṭṭhasikkhāpadavaṇṇanā
ਸਤ੍ਤਮੇ ਅਨ੍ਤੋਰਟ੍ਠੇਤਿ ਯਸ੍ਸ વਿਜਿਤੇ વਿਹਰਤਿ, ਤਸ੍ਸ ਰਟ੍ਠੇ। ਅਸਤ੍ਥਿਕਾ ਚਾਰਿਕਨ੍ਤਿ વਿਨਾ ਸਤ੍ਥੇਨ ਗਚ੍ਛਨ੍ਤਿਯਾ, ਗਾਮਨ੍ਤਰਗਣਨਾਯ, ਅਗਾਮਕੇ ਅਰਞ੍ਞੇ ਅਦ੍ਧਯੋਜਨਗਣਨਾਯ ਪਾਚਿਤ੍ਤਿਯਂ।
Sattame antoraṭṭheti yassa vijite viharati, tassa raṭṭhe. Asatthikā cārikanti vinā satthena gacchantiyā, gāmantaragaṇanāya, agāmake araññe addhayojanagaṇanāya pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ વੁਤ੍ਤਨਯੇਨੇવ ਦੇਸਚਾਰਿਕਂ ਪਕ੍ਕਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਸਤ੍ਥੇਨ ਸਹ ਗਚ੍ਛਨ੍ਤਿਯਾ, ਖੇਮੇ ਅਪ੍ਪਟਿਭਯੇ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਨ੍ਤੋਰਟ੍ਠਤਾ, ਅਖੇਮਤਾ, ਅਨੁਞ੍ਞਾਤਕਾਰਣਾਭਾવੋ, ਚਾਰਿਕਂ ਪਕ੍ਕਮਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ sambahulā bhikkhuniyo ārabbha vuttanayeneva desacārikaṃ pakkamanavatthusmiṃ paññattaṃ. Satthena saha gacchantiyā, kheme appaṭibhaye, āpadāsu, ummattikādīnañca anāpatti. Antoraṭṭhatā, akhematā, anuññātakāraṇābhāvo, cārikaṃ pakkamananti imānettha cattāri aṅgāni. Samuṭṭhānādīni eḷakalomasadisānīti.
ਅਨ੍ਤੋਰਟ੍ਠਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Antoraṭṭhasikkhāpadavaṇṇanā niṭṭhitā.
੮. ਤਿਰੋਰਟ੍ਠਸਿਕ੍ਖਾਪਦવਣ੍ਣਨਾ
8. Tiroraṭṭhasikkhāpadavaṇṇanā
ਅਟ੍ਠਮੇ ਤਿਰੋਰਟ੍ਠੇਤਿ ਯਸ੍ਸ વਿਜਿਤੇ વਿਹਰਤਿ, ਤਂ ਠਪੇਤ੍વਾ ਅਞ੍ਞਸ੍ਸ ਰਟ੍ਠੇ। ਸੇਸਂ ਸਤ੍ਤਮੇ વੁਤ੍ਤਨਯੇਨੇવ વੇਦਿਤਬ੍ਬਂ, ਨਗਰਂ ਪਨੇਤ੍ਥ ਰਾਜਗਹਨ੍ਤਿ।
Aṭṭhame tiroraṭṭheti yassa vijite viharati, taṃ ṭhapetvā aññassa raṭṭhe. Sesaṃ sattame vuttanayeneva veditabbaṃ, nagaraṃ panettha rājagahanti.
ਤਿਰੋਰਟ੍ਠਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tiroraṭṭhasikkhāpadavaṇṇanā niṭṭhitā.
੯. ਅਨ੍ਤੋવਸ੍ਸਸਿਕ੍ਖਾਪਦવਣ੍ਣਨਾ
9. Antovassasikkhāpadavaṇṇanā
ਨવਮੇ ਅਨ੍ਤੋવਸ੍ਸਨ੍ਤਿ ਪੁਰਿਮਂ વਾ ਤੇਮਾਸਂ, ਪਚ੍ਛਿਮਂ વਾ ਤੇਮਾਸਂ ਅવਸਿਤ੍વਾ ਤਸ੍ਸ વਸ੍ਸਸ੍ਸ ਅਨ੍ਤੋਯੇવ। ਇਧ ਸਤ੍ਤਾਹਕਰਣੀਯੇਨ વਾ ਕੇਨਚਿ ਉਬ੍ਬਲ਼੍ਹਾਯ વਾ ਆਪਦਾਸੁ વਾ ਗਚ੍ਛਨ੍ਤਿਯਾ ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ ਅਟ੍ਠਮਸਦਿਸਮੇવਾਤਿ।
Navame antovassanti purimaṃ vā temāsaṃ, pacchimaṃ vā temāsaṃ avasitvā tassa vassassa antoyeva. Idha sattāhakaraṇīyena vā kenaci ubbaḷhāya vā āpadāsu vā gacchantiyā ummattikādīnañca anāpatti. Sesaṃ aṭṭhamasadisamevāti.
ਅਨ੍ਤੋવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Antovassasikkhāpadavaṇṇanā niṭṭhitā.
੧੦. ਚਾਰਿਕਨਪਕ੍ਕਮਨਸਿਕ੍ਖਾਪਦવਣ੍ਣਨਾ
10. Cārikanapakkamanasikkhāpadavaṇṇanā
ਦਸਮੇ વਸ੍ਸਂવੁਟ੍ਠਾਤਿ ਪੁਰਿਮਂ વਾ ਤੇਮਾਸਂ, ਪਚ੍ਛਿਮਂ વਾ ਤੇਮਾਸਂ વੁਟ੍ਠਾ। ਛਪ੍ਪਞ੍ਚਯੋਜਨਾਨੀਤਿ ਏਤ੍ਥ ਪવਾਰੇਤ੍વਾ ਪਞ੍ਚ ਯੋਜਨਾਨਿ ਗਨ੍ਤੁਮ੍ਪਿ વਟ੍ਟਤਿ, ਛਸੁ વਤ੍ਤਬ੍ਬਮੇવ ਨਤ੍ਥਿ। ਸਚੇ ਪਨ ਤੀਣਿ ਗਨ੍ਤ੍વਾ ਤੇਨੇવ ਮਗ੍ਗੇਨ ਪਚ੍ਚਾਗਚ੍ਛਤਿ, ਨ વਟ੍ਟਤਿ, ਅਞ੍ਞੇਨ ਆਗਨ੍ਤੁਂ વਟ੍ਟਤਿ। ‘‘વੁਤ੍ਤਪ੍ਪਮਾਣਂ ਅਦ੍ਧਾਨਂ ਨ ਗਚ੍ਛਿਸ੍ਸਾਮੀ’’ਤਿ ਧੁਰੇ ਨਿਕ੍ਖਿਤ੍ਤਮਤ੍ਤੇ ਪਾਚਿਤ੍ਤਿਯਂ।
Dasame vassaṃvuṭṭhāti purimaṃ vā temāsaṃ, pacchimaṃ vā temāsaṃ vuṭṭhā. Chappañcayojanānīti ettha pavāretvā pañca yojanāni gantumpi vaṭṭati, chasu vattabbameva natthi. Sace pana tīṇi gantvā teneva maggena paccāgacchati, na vaṭṭati, aññena āgantuṃ vaṭṭati. ‘‘Vuttappamāṇaṃ addhānaṃ na gacchissāmī’’ti dhure nikkhittamatte pācittiyaṃ.
ਰਾਜਗਹੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ વਸ੍ਸਂ વਸਿਤ੍વਾ ਚਾਰਿਕਂ ਅਪਕ੍ਕਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਅਨ੍ਤਰਾਯੇ ਸਤਿ, ਪਰਿਯੇਸਿਤ੍વਾ ਦੁਤਿਯਿਕਂ ਭਿਕ੍ਖੁਨਿਂ ਅਲਭਨ੍ਤਿਯਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। વਸ੍ਸਂવੁਟ੍ਠਤਾ, ਅਨੁਞ੍ਞਾਤਕਾਰਣਾਭਾવੋ, ਪਞ੍ਚਯੋਜਨਾਨਤਿਕ੍ਕਮੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕਸਦਿਸਾਨਿ, ਇਦਂ ਪਨ ਅਕਿਰਿਯਂ, ਦੁਕ੍ਖવੇਦਨਨ੍ਤਿ।
Rājagahe sambahulā bhikkhuniyo ārabbha vassaṃ vasitvā cārikaṃ apakkamanavatthusmiṃ paññattaṃ. Antarāye sati, pariyesitvā dutiyikaṃ bhikkhuniṃ alabhantiyā, gilānāya, āpadāsu, ummattikādīnañca anāpatti. Vassaṃvuṭṭhatā, anuññātakāraṇābhāvo, pañcayojanānatikkamoti imānettha tīṇi aṅgāni. Samuṭṭhānādīni paṭhamapārājikasadisāni, idaṃ pana akiriyaṃ, dukkhavedananti.
ਚਾਰਿਕਨਪਕ੍ਕਮਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Cārikanapakkamanasikkhāpadavaṇṇanā niṭṭhitā.
ਤੁવਟ੍ਟવਗ੍ਗੋ ਚਤੁਤ੍ਥੋ।
Tuvaṭṭavaggo catuttho.
