Ubaldo Mazzini

Aloa e aoa

Quand'a eimo trei gati de spezin
Ciü luisi che quei de Riomazoe,
E a Speza l'ea tegnü pe' 'n cagadoe,
E e serve i ne portavo 'r capelin;

Quand'aa sea ne ziava de signoe
A cacia d'ufissiali e de lechin;
Quando s'andava ao tridoo e ae quaant'oe,
E a reze 'r Cristo e l'asta ar bardachin;

Quand'andaimo 'nt'er prado dea maina
A mete ai fisc-ci a guardia nassionale,
Dì quelo che te vè, sangue de dina!

L'ea n'autra Speza, serv'assè, Pasquale.
-Ma aloa te ne gh'andavi ogni matina,
Per no fae gnente, drento a l'arsenale!