Ubaldo Mazzini

En beo sumio

(dal Tanfucio)

Sta note ho fato ’n sumio, e me paeva
Da tanto beo ch’i ea, de sumiae:
S’aveva e ae tüti dui, s’aveva,
E a svuavimo ’nseme surve ar mae.

Ente miae ’nte l’aigua se vedeva
Coali, perle e tante cose rae,
E ’n derfin ch’i parlava e ch’i dizeva:
A ’n voré? e vegnìvene a piae!

Te te me favi: lassa stae! ma me
A t’ho dito: a ’n pio solo na manà:
Enfin di conti poi, che mao la gh’è?

A sporzo a man per piane na brancà...
A me svegio... posti esse! ’ndoviné?!
A me la trevo drento de l’oinà!