Ubaldo Mazzini

Er mezadro

(dialetto della campagna)

Anguano, sior patron, l’è ’n gramo afae!
E oive i n’han brica, e ’nquanto a l’üa,
A voreai sbagiame, ma ho paüa
Ch’a südeemo pogo a vendegnae!

Der granon la ne gh’è manco ciü a püa,
E castagne s’i n’han, posti crepae,
E ’nca de ciü la m’è ’nca morta a müa,
E a vaca la ne posse ’ngravedae.

Donca siché, ’oi die, Ussignoia
’Nta che la se daga ’n po’ passensia
Se anguano ne ghe toca n’assidente.

Donca a me ’n vago, adio. -Ma dame odensia:
Come te fè a campae se ne gh’è gnente?
-Per me ghe n’è; bongiorno signoia!