| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. உப்³பா³ஹிகாஸுத்தவண்ணனா
3. Ubbāhikāsuttavaṇṇanā
33. ததியே உப்³பா³ஹிகாயாதி ஸம்பத்தஅதி⁴கரணங் வூபஸமேதுங் ஸங்க⁴தோ உப்³பா³ஹித்வா உத்³த⁴ரித்வா க³ஹணத்தா²ய. வினயே கோ² பன டி²தோ ஹோதீதி வினயலக்க²ணே பதிட்டி²தோ ஹோதி. அஸங்ஹீரோதி ந அஞ்ஞஸ்ஸ வசனமத்தேனேவ அத்தனோ லத்³தி⁴ங் விஸ்ஸஜ்ஜேதி. படிப³லோதி காயப³லேனபி ஞாணப³லேனபி ஸமன்னாக³தோ. ஸஞ்ஞாபேதுந்தி ஜானாபேதுங். பஞ்ஞாபேதுந்தி ஸம்பஜானாபேதுங். நிஜ்ஜா²பேதுந்தி ஓலோகாபேதுங். பெக்க²துந்தி பஸ்ஸாபேதுங். பஸாதே³துந்தி ஸஞ்ஜாதபஸாத³ங் காதுங். அதி⁴கரணந்தி விவாதா³தி⁴கரணாதி³சதுப்³பி³த⁴ங். அதி⁴கரணஸமுத³யந்தி விவாத³மூலாதி³கங் அதி⁴கரணகாரகங். அதி⁴கரணனிரோத⁴ந்தி அதி⁴கரணானங் வூபஸமங். அதி⁴கரணனிரோத⁴கா³மினிங் படிபத³ந்தி ஸத்தவித⁴அதி⁴கரணஸமத²ங்.
33. Tatiye ubbāhikāyāti sampattaadhikaraṇaṃ vūpasametuṃ saṅghato ubbāhitvā uddharitvā gahaṇatthāya. Vinaye kho pana ṭhito hotīti vinayalakkhaṇe patiṭṭhito hoti. Asaṃhīroti na aññassa vacanamatteneva attano laddhiṃ vissajjeti. Paṭibaloti kāyabalenapi ñāṇabalenapi samannāgato. Saññāpetunti jānāpetuṃ. Paññāpetunti sampajānāpetuṃ. Nijjhāpetunti olokāpetuṃ. Pekkhatunti passāpetuṃ. Pasādetunti sañjātapasādaṃ kātuṃ. Adhikaraṇanti vivādādhikaraṇādicatubbidhaṃ. Adhikaraṇasamudayanti vivādamūlādikaṃ adhikaraṇakārakaṃ. Adhikaraṇanirodhanti adhikaraṇānaṃ vūpasamaṃ. Adhikaraṇanirodhagāminiṃ paṭipadanti sattavidhaadhikaraṇasamathaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. உப்³பா³ஹிகாஸுத்தங் • 3. Ubbāhikāsuttaṃ
