| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. ဥဗ္ဗာဟိကာသုတ္တဝဏ္ဏနာ
3. Ubbāhikāsuttavaṇṇanā
၃၃. တတိယေ ဥဗ္ဗာဟိကာယာတိ သမ္ပတ္တအဓိကရဏံ ဝူပသမေတုံ သင္ဃတော ဥဗ္ဗာဟိတ္ဝာ ဥဒ္ဓရိတ္ဝာ ဂဟဏတ္ထာယ။ ဝိနယေ ခော ပန ဌိတော ဟောတီတိ ဝိနယလက္ခဏေ ပတိဋ္ဌိတော ဟောတိ။ အသံဟီရောတိ န အညသ္သ ဝစနမတ္တေနေဝ အတ္တနော လဒ္ဓိံ ဝိသ္သဇ္ဇေတိ။ ပဋိဗလောတိ ကာယဗလေနပိ ဉာဏဗလေနပိ သမန္နာဂတော။ သညာပေတုန္တိ ဇာနာပေတုံ။ ပညာပေတုန္တိ သမ္ပဇာနာပေတုံ။ နိဇ္ဈာပေတုန္တိ ဩလောကာပေတုံ။ ပေက္ခတုန္တိ ပသ္သာပေတုံ။ ပသာဒေတုန္တိ သဉ္ဇာတပသာဒံ ကာတုံ။ အဓိကရဏန္တိ ဝိဝာဒာဓိကရဏာဒိစတုဗ္ဗိဓံ။ အဓိကရဏသမုဒယန္တိ ဝိဝာဒမူလာဒိကံ အဓိကရဏကာရကံ။ အဓိကရဏနိရောဓန္တိ အဓိကရဏာနံ ဝူပသမံ။ အဓိကရဏနိရောဓဂာမိနိံ ပဋိပဒန္တိ သတ္တဝိဓအဓိကရဏသမထံ။
33. Tatiye ubbāhikāyāti sampattaadhikaraṇaṃ vūpasametuṃ saṅghato ubbāhitvā uddharitvā gahaṇatthāya. Vinaye kho pana ṭhito hotīti vinayalakkhaṇe patiṭṭhito hoti. Asaṃhīroti na aññassa vacanamatteneva attano laddhiṃ vissajjeti. Paṭibaloti kāyabalenapi ñāṇabalenapi samannāgato. Saññāpetunti jānāpetuṃ. Paññāpetunti sampajānāpetuṃ. Nijjhāpetunti olokāpetuṃ. Pekkhatunti passāpetuṃ. Pasādetunti sañjātapasādaṃ kātuṃ. Adhikaraṇanti vivādādhikaraṇādicatubbidhaṃ. Adhikaraṇasamudayanti vivādamūlādikaṃ adhikaraṇakārakaṃ. Adhikaraṇanirodhanti adhikaraṇānaṃ vūpasamaṃ. Adhikaraṇanirodhagāminiṃ paṭipadanti sattavidhaadhikaraṇasamathaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. ဥဗ္ဗာဟိကာသုတ္တံ • 3. Ubbāhikāsuttaṃ
