| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਉਬ੍ਬਾਹਿਕਾਸੁਤ੍ਤવਣ੍ਣਨਾ
3. Ubbāhikāsuttavaṇṇanā
੩੩. ਤਤਿਯੇ ਉਬ੍ਬਾਹਿਕਾਯਾਤਿ ਸਮ੍ਪਤ੍ਤਅਧਿਕਰਣਂ વੂਪਸਮੇਤੁਂ ਸਙ੍ਘਤੋ ਉਬ੍ਬਾਹਿਤ੍વਾ ਉਦ੍ਧਰਿਤ੍વਾ ਗਹਣਤ੍ਥਾਯ। વਿਨਯੇ ਖੋ ਪਨ ਠਿਤੋ ਹੋਤੀਤਿ વਿਨਯਲਕ੍ਖਣੇ ਪਤਿਟ੍ਠਿਤੋ ਹੋਤਿ। ਅਸਂਹੀਰੋਤਿ ਨ ਅਞ੍ਞਸ੍ਸ વਚਨਮਤ੍ਤੇਨੇવ ਅਤ੍ਤਨੋ ਲਦ੍ਧਿਂ વਿਸ੍ਸਜ੍ਜੇਤਿ। ਪਟਿਬਲੋਤਿ ਕਾਯਬਲੇਨਪਿ ਞਾਣਬਲੇਨਪਿ ਸਮਨ੍ਨਾਗਤੋ। ਸਞ੍ਞਾਪੇਤੁਨ੍ਤਿ ਜਾਨਾਪੇਤੁਂ। ਪਞ੍ਞਾਪੇਤੁਨ੍ਤਿ ਸਮ੍ਪਜਾਨਾਪੇਤੁਂ। ਨਿਜ੍ਝਾਪੇਤੁਨ੍ਤਿ ਓਲੋਕਾਪੇਤੁਂ। ਪੇਕ੍ਖਤੁਨ੍ਤਿ ਪਸ੍ਸਾਪੇਤੁਂ। ਪਸਾਦੇਤੁਨ੍ਤਿ ਸਞ੍ਜਾਤਪਸਾਦਂ ਕਾਤੁਂ। ਅਧਿਕਰਣਨ੍ਤਿ વਿવਾਦਾਧਿਕਰਣਾਦਿਚਤੁਬ੍ਬਿਧਂ। ਅਧਿਕਰਣਸਮੁਦਯਨ੍ਤਿ વਿવਾਦਮੂਲਾਦਿਕਂ ਅਧਿਕਰਣਕਾਰਕਂ। ਅਧਿਕਰਣਨਿਰੋਧਨ੍ਤਿ ਅਧਿਕਰਣਾਨਂ વੂਪਸਮਂ। ਅਧਿਕਰਣਨਿਰੋਧਗਾਮਿਨਿਂ ਪਟਿਪਦਨ੍ਤਿ ਸਤ੍ਤવਿਧਅਧਿਕਰਣਸਮਥਂ।
33. Tatiye ubbāhikāyāti sampattaadhikaraṇaṃ vūpasametuṃ saṅghato ubbāhitvā uddharitvā gahaṇatthāya. Vinaye kho pana ṭhito hotīti vinayalakkhaṇe patiṭṭhito hoti. Asaṃhīroti na aññassa vacanamatteneva attano laddhiṃ vissajjeti. Paṭibaloti kāyabalenapi ñāṇabalenapi samannāgato. Saññāpetunti jānāpetuṃ. Paññāpetunti sampajānāpetuṃ. Nijjhāpetunti olokāpetuṃ. Pekkhatunti passāpetuṃ. Pasādetunti sañjātapasādaṃ kātuṃ. Adhikaraṇanti vivādādhikaraṇādicatubbidhaṃ. Adhikaraṇasamudayanti vivādamūlādikaṃ adhikaraṇakārakaṃ. Adhikaraṇanirodhanti adhikaraṇānaṃ vūpasamaṃ. Adhikaraṇanirodhagāminiṃ paṭipadanti sattavidhaadhikaraṇasamathaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਉਬ੍ਬਾਹਿਕਾਸੁਤ੍ਤਂ • 3. Ubbāhikāsuttaṃ
