| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
уб̣б̣аахигаваг̇г̇аван̣н̣анаа
Ubbāhikavaggavaṇṇanā
455. уб̣б̣аахигаваг̇г̇з – на ад̇т̇агусалод̇и на адтагат̇аагусало; ад̇т̇уд̣̇д̇хаарз чзго на ход̇и. на д̇хаммагусалод̇и аажарияамукад̇о ануг̇г̇ахид̇ад̇д̇аа баал̣ияам̣ на гусало, на баал̣исууро. на нируд̇д̇игусалод̇и бхаасанд̇аравохаарз на гусало. на б̣яан̃ж̇анагусалод̇и сит̇илад̇ханид̇аад̣̇ивасзна бариман̣д̣алаб̣яан̃ж̇анааробанз гусало на ход̇и; на агкарабарижчзд̣̇з нибун̣од̇и ад̇т̇о. на буб̣б̣аабарагусалод̇и ад̇т̇абуб̣б̣аабарз д̇хаммабуб̣б̣аабарз нируд̇д̇ибуб̣б̣аабарз б̣яан̃ж̇анабуб̣б̣аабарз бурзгат̇аабажчаагат̇аасу жа на гусало ход̇и.
455. Ubbāhikavagge – na atthakusaloti na aṭṭhakathākusalo; atthuddhāre cheko na hoti. Na dhammakusaloti ācariyamukhato anuggahitattā pāḷiyaṃ na kusalo, na pāḷisūro. Naniruttikusaloti bhāsantaravohāre na kusalo. Na byañjanakusaloti sithiladhanitādivasena parimaṇḍalabyañjanāropane kusalo na hoti; na akkharaparicchede nipuṇoti attho. Na pubbāparakusaloti atthapubbāpare dhammapubbāpare niruttipubbāpare byañjanapubbāpare purekathāpacchākathāsu ca na kusalo hoti.
год̇ханод̇иаад̣̇ийни яасмаа год̇хаад̣̇ийхи абхибхууд̇о гааран̣аагааран̣ам̣ на ж̇аанаад̇и, винижчид̇ум̣ на саггод̇и, д̇асмаа вуд̇д̇аани. басаарзд̇аа ход̇и но саарзд̇аад̇и мохзд̇аа ход̇и, на сад̇иуббаад̣̇зд̇аа; жод̣̇агажуд̣̇ид̇агаанам̣ гат̇ам̣ мохзд̇и бид̣̇ахад̇и на саарзд̇ийд̇и ад̇т̇о. сзсамзд̇т̇а уб̣б̣аахигаваг̇г̇з уд̇д̇аанамзваад̇и.
Kodhanotiādīni yasmā kodhādīhi abhibhūto kāraṇākāraṇaṃ na jānāti, vinicchituṃ na sakkoti, tasmā vuttāni. Pasāretā hotino sāretāti mohetā hoti, na satiuppādetā; codakacuditakānaṃ kathaṃ moheti pidahati na sāretīti attho. Sesamettha ubbāhikavagge uttānamevāti.
уб̣б̣аахигаваг̇г̇аван̣н̣анаа нидтид̇аа.
Ubbāhikavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 9. уб̣б̣аахигаваг̇г̇о • 9. Ubbāhikavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / уб̣б̣аахигаваг̇г̇аван̣н̣анаа • Ubbāhikavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / уб̣б̣аахигаваг̇г̇аван̣н̣анаа • Ubbāhikavaggavaṇṇanā
