| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ဥဗ္ဗာဟိကဝဂ္ဂဝဏ္ဏနာ
Ubbāhikavaggavaṇṇanā
၄၅၅. ဥဗ္ဗာဟိကဝဂ္ဂေ အတ္ထကုသလောတိအာဒိပဒာနံ ဘေဒနိသ္သိတသမာသံ ဒသ္သေန္တော အာဟ ‘‘အဋ္ဌကထာကုသလော’’တိအာဒိ။ အာစရိယမုခတောတိ အာစရိယဝဒနတော, အာစရိယသမ္မုခေ ဝာ, သိထိလဓနိတာဒီတိ အာဒိသဒ္ဒေန ဒီဃရသ္သာဒီနိ (ပရိ. အဋ္ဌ. ၄၈၅; ဝိ. သင္ဂ. အဋ္ဌ. ၂၅၂) သင္ဂဏ္ဟာတိ။ အက္ခရပရိစ္ဆေဒေတိ ဧတ္တကော သိထိလော, ဧတ္တကော ဓနိတောတိအာဒိနာ အက္ခရပရိစ္ဆေဒေ။ ဣမိနာ ဗ္ယဉ္ဇနကုသလောတိ ဧတ္ထ ဗ္ယဉ္ဇနသဒ္ဒော အက္ခရပရိယာယောတိ ဒသ္သေတိ။ န ပုဗ္ဗာပရကုသလောတိ ဧတ္ထ ပုဗ္ဗာပရော နာမ ပုရိမာနံ စတုန္နဉ္စေဝ ကထာယ စ ပုဗ္ဗာပရောတိ အာဟ ‘‘အတ္ထပုဗ္ဗာပရေ’’တိအာဒိ။
455. Ubbāhikavagge atthakusalotiādipadānaṃ bhedanissitasamāsaṃ dassento āha ‘‘aṭṭhakathākusalo’’tiādi. Ācariyamukhatoti ācariyavadanato, ācariyasammukhe vā, sithiladhanitādīti ādisaddena dīgharassādīni (pari. aṭṭha. 485; vi. saṅga. aṭṭha. 252) saṅgaṇhāti. Akkharaparicchedeti ettako sithilo, ettako dhanitotiādinā akkharaparicchede. Iminā byañjanakusaloti ettha byañjanasaddo akkharapariyāyoti dasseti. Na pubbāparakusaloti ettha pubbāparo nāma purimānaṃ catunnañceva kathāya ca pubbāparoti āha ‘‘atthapubbāpare’’tiādi.
ကောဓနောတိအာဒီနိ ဝုတ္တာနီတိ သမ္ဗန္ဓော။ ယသ္မာ န သက္ကောတီတိ ယောဇနာ။ ပသာရေတာတိ ဧတ္ထ သရဓာတု ဥပသဂ္ဂဝသေန ဝေစိတ္တဝာစကောတိ အာဟ ‘‘မောဟေတာ’’တိ။
Kodhanotiādīni vuttānīti sambandho. Yasmā na sakkotīti yojanā. Pasāretāti ettha saradhātu upasaggavasena vecittavācakoti āha ‘‘mohetā’’ti.
ဣတိ ဥဗ္ဗာဟိကဝဂ္ဂဝဏ္ဏနာယ ယောဇနာ သမတ္တာ။
Iti ubbāhikavaggavaṇṇanāya yojanā samattā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၉. ဥဗ္ဗာဟိကဝဂ္ဂော • 9. Ubbāhikavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဥဗ္ဗာဟိကဝဂ္ဂဝဏ္ဏနာ • Ubbāhikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဥဗ္ဗာဟိကဝဂ္ဂဝဏ္ဏနာ • Ubbāhikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝောဟာရဝဂ္ဂာဒိဝဏ္ဏနာ • Vohāravaggādivaṇṇanā
