| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
උබ්‌බාහිකවග්‌ගවණ්‌ණනා
Ubbāhikavaggavaṇṇanā
455. උබ්‌බාහිකවග්‌ගෙ අත්‌ථකුසලොතිආදිපදානං භෙදනිස්‌සිතසමාසං දස්‌සෙන්‌තො ආහ ‘‘අට්‌ඨකථාකුසලො’’තිආදි. ආචරියමුඛතොති ආචරියවදනතො, ආචරියසම්‌මුඛෙ වා, සිථිලධනිතාදීති ආදිසද්‌දෙන දීඝරස්‌සාදීනි (පරි. අට්‌ඨ. 485; වි. සඞ්‌ග. අට්‌ඨ. 252) සඞ්‌ගණ්‌හාති. අක්‌ඛරපරිච්‌ඡෙදෙති එත්‌තකො සිථිලො, එත්‌තකො ධනිතොතිආදිනා අක්‌ඛරපරිච්‌ඡෙදෙ. ඉමිනා බ්‍යඤ්‌ජනකුසලොති එත්‌ථ බ්‍යඤ්‌ජනසද්‌දො අක්‌ඛරපරියායොති දස්‌සෙති. න පුබ්‌බාපරකුසලොති එත්‌ථ පුබ්‌බාපරො නාම පුරිමානං චතුන්‌නඤ්‌චෙව කථාය ච පුබ්‌බාපරොති ආහ ‘‘අත්‌ථපුබ්‌බාපරෙ’’තිආදි.
455. Ubbāhikavagge atthakusalotiādipadānaṃ bhedanissitasamāsaṃ dassento āha ‘‘aṭṭhakathākusalo’’tiādi. Ācariyamukhatoti ācariyavadanato, ācariyasammukhe vā, sithiladhanitādīti ādisaddena dīgharassādīni (pari. aṭṭha. 485; vi. saṅga. aṭṭha. 252) saṅgaṇhāti. Akkharaparicchedeti ettako sithilo, ettako dhanitotiādinā akkharaparicchede. Iminā byañjanakusaloti ettha byañjanasaddo akkharapariyāyoti dasseti. Na pubbāparakusaloti ettha pubbāparo nāma purimānaṃ catunnañceva kathāya ca pubbāparoti āha ‘‘atthapubbāpare’’tiādi.
කොධනොතිආදීනි වුත්‌තානීති සම්‌බන්‌ධො. යස්‌මා න සක්‌කොතීති යොජනා. පසාරෙතාති එත්‌ථ සරධාතු උපසග්‌ගවසෙන වෙචිත්‌තවාචකොති ආහ ‘‘මොහෙතා’’ති.
Kodhanotiādīni vuttānīti sambandho. Yasmā na sakkotīti yojanā. Pasāretāti ettha saradhātu upasaggavasena vecittavācakoti āha ‘‘mohetā’’ti.
ඉති උබ්‌බාහිකවග්‌ගවණ්‌ණනාය යොජනා සමත්‌තා.
Iti ubbāhikavaggavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 9. උබ්‌බාහිකවග්‌ගො • 9. Ubbāhikavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / උබ්‌බාහිකවග්‌ගවණ්‌ණනා • Ubbāhikavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / උබ්‌බාහිකවග්‌ගවණ්‌ණනා • Ubbāhikavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / වොහාරවග්‌ගාදිවණ්‌ණනා • Vohāravaggādivaṇṇanā
