| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
ഉബ്ബാഹികവഗ്ഗവണ്ണനാ
Ubbāhikavaggavaṇṇanā
൪൫൫. ഉബ്ബാഹികവഗ്ഗേ അത്ഥകുസലോതിആദിപദാനം ഭേദനിസ്സിതസമാസം ദസ്സേന്തോ ആഹ ‘‘അട്ഠകഥാകുസലോ’’തിആദി. ആചരിയമുഖതോതി ആചരിയവദനതോ, ആചരിയസമ്മുഖേ വാ, സിഥിലധനിതാദീതി ആദിസദ്ദേന ദീഘരസ്സാദീനി (പരി॰ അട്ഠ॰ ൪൮൫; വി॰ സങ്ഗ॰ അട്ഠ॰ ൨൫൨) സങ്ഗണ്ഹാതി. അക്ഖരപരിച്ഛേദേതി ഏത്തകോ സിഥിലോ, ഏത്തകോ ധനിതോതിആദിനാ അക്ഖരപരിച്ഛേദേ. ഇമിനാ ബ്യഞ്ജനകുസലോതി ഏത്ഥ ബ്യഞ്ജനസദ്ദോ അക്ഖരപരിയായോതി ദസ്സേതി. ന പുബ്ബാപരകുസലോതി ഏത്ഥ പുബ്ബാപരോ നാമ പുരിമാനം ചതുന്നഞ്ചേവ കഥായ ച പുബ്ബാപരോതി ആഹ ‘‘അത്ഥപുബ്ബാപരേ’’തിആദി.
455. Ubbāhikavagge atthakusalotiādipadānaṃ bhedanissitasamāsaṃ dassento āha ‘‘aṭṭhakathākusalo’’tiādi. Ācariyamukhatoti ācariyavadanato, ācariyasammukhe vā, sithiladhanitādīti ādisaddena dīgharassādīni (pari. aṭṭha. 485; vi. saṅga. aṭṭha. 252) saṅgaṇhāti. Akkharaparicchedeti ettako sithilo, ettako dhanitotiādinā akkharaparicchede. Iminā byañjanakusaloti ettha byañjanasaddo akkharapariyāyoti dasseti. Na pubbāparakusaloti ettha pubbāparo nāma purimānaṃ catunnañceva kathāya ca pubbāparoti āha ‘‘atthapubbāpare’’tiādi.
കോധനോതിആദീനി വുത്താനീതി സമ്ബന്ധോ. യസ്മാ ന സക്കോതീതി യോജനാ. പസാരേതാതി ഏത്ഥ സരധാതു ഉപസഗ്ഗവസേന വേചിത്തവാചകോതി ആഹ ‘‘മോഹേതാ’’തി.
Kodhanotiādīni vuttānīti sambandho. Yasmā na sakkotīti yojanā. Pasāretāti ettha saradhātu upasaggavasena vecittavācakoti āha ‘‘mohetā’’ti.
ഇതി ഉബ്ബാഹികവഗ്ഗവണ്ണനായ യോജനാ സമത്താ.
Iti ubbāhikavaggavaṇṇanāya yojanā samattā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൯. ഉബ്ബാഹികവഗ്ഗോ • 9. Ubbāhikavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / ഉബ്ബാഹികവഗ്ഗവണ്ണനാ • Ubbāhikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ഉബ്ബാഹികവഗ്ഗവണ്ണനാ • Ubbāhikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / വോഹാരവഗ്ഗാദിവണ്ണനാ • Vohāravaggādivaṇṇanā
