| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
уб̣б̣аахигааяавуубасаманам̣
Ubbāhikāyavūpasamanaṃ
231. ‘‘д̇зхи жз, бхигкавз, бхигкуухи д̇асмим̣ ад̇хигаран̣з винижчияамаанз ананд̇аани 1 жзва бхассаани ж̇ааяанд̇и, на жзгасса 2 бхаасид̇асса ад̇т̇о вин̃н̃ааяад̇и, ануж̇аанаами, бхигкавз, зваруубам̣ ад̇хигаран̣ам̣ уб̣б̣аахигааяа вуубасамзд̇ум̣. ‘‘д̣̇асахан̇г̇зхи саманнааг̇ад̇о бхигку уб̣б̣аахигааяа самманнид̇аб̣б̣о – сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу; б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубасса д̇хаммаа б̣ахуссуд̇аа хонд̇и, д̇хаад̇аа 3 важасаа барижид̇аа манасаанубзгкид̇аа д̣̇идтияаа суббадивид̣̇д̇хаа; убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо ; винаяз ко бана тид̇о 4 ход̇и асам̣хийро; бадиб̣ало ход̇и убхо ад̇т̇абажжад̇т̇игз ассаасзд̇ум̣ сан̃н̃аабзд̇ум̣ ниж̇жхаабзд̇ум̣ бзгкзд̇ум̣ басаад̣̇зд̇ум̣; ад̇хигаран̣асамуббаад̣̇авуубасаманагусало ход̇и; ад̇хигаран̣ам̣ ж̇аанаад̇и; ад̇хигаран̣асамуд̣̇аяам̣ ж̇аанаад̇и; ад̇хигаран̣анирод̇хам̣ ж̇аанаад̇и; ад̇хигаран̣анирод̇хаг̇ааминибадибад̣̇ам̣ ж̇аанаад̇и. ануж̇аанаами, бхигкавз, имзхи д̣̇асахан̇г̇зхи саманнааг̇ад̇ам̣ бхигкум̣ уб̣б̣аахигааяа самманнид̇ум̣. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о, яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
231. ‘‘Tehi ce, bhikkhave, bhikkhūhi tasmiṃ adhikaraṇe vinicchiyamāne anantāni 5 ceva bhassāni jāyanti, na cekassa 6 bhāsitassa attho viññāyati, anujānāmi, bhikkhave, evarūpaṃ adhikaraṇaṃ ubbāhikāya vūpasametuṃ. ‘‘Dasahaṅgehi samannāgato bhikkhu ubbāhikāya sammannitabbo – sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpassa dhammā bahussutā honti, dhātā 7 vacasā paricitā manasānupekkhitā diṭṭhiyā suppaṭividdhā; ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso ; vinaye kho pana ṭhito 8 hoti asaṃhīro; paṭibalo hoti ubho atthapaccatthike assāsetuṃ saññāpetuṃ nijjhāpetuṃ pekkhetuṃ pasādetuṃ; adhikaraṇasamuppādavūpasamanakusalo hoti; adhikaraṇaṃ jānāti; adhikaraṇasamudayaṃ jānāti; adhikaraṇanirodhaṃ jānāti; adhikaraṇanirodhagāminipaṭipadaṃ jānāti. Anujānāmi, bhikkhave, imehi dasahaṅgehi samannāgataṃ bhikkhuṃ ubbāhikāya sammannituṃ. Evañca pana, bhikkhave, sammannitabbo. Paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
232. ‘‘сун̣аад̇у мз, бханд̇з, сан̇гхо. амхаагам̣ имасмим̣ ад̇хигаран̣з винижчияамаанз ананд̇аани жзва бхассаани ж̇ааяанд̇и, на жзгасса бхаасид̇асса ад̇т̇о вин̃н̃ааяад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннааман̃жа ид̇т̇аннааман̃жа бхигкум̣ самманнзяяа уб̣б̣аахигааяа имам̣ ад̇хигаран̣ам̣ вуубасамзд̇ум̣. зсаа н̃ад̇д̇и.
232. ‘‘Suṇātu me, bhante, saṅgho. Amhākaṃ imasmiṃ adhikaraṇe vinicchiyamāne anantāni ceva bhassāni jāyanti, na cekassa bhāsitassa attho viññāyati. Yadi saṅghassa pattakallaṃ, saṅgho itthannāmañca itthannāmañca bhikkhuṃ sammanneyya ubbāhikāya imaṃ adhikaraṇaṃ vūpasametuṃ. Esā ñatti.
‘‘сун̣аад̇у мз, бханд̇з, сан̇гхо. амхаагам̣ имасмим̣ ад̇хигаран̣з винижчияамаанз ананд̇аани жзва бхассаани ж̇ааяанд̇и, на жзгасса бхаасид̇асса ад̇т̇о вин̃н̃ааяад̇и. сан̇гхо ид̇т̇аннааман̃жа ид̇т̇аннааман̃жа бхигкум̣ самманнад̇и уб̣б̣аахигааяа имам̣ ад̇хигаран̣ам̣ вуубасамзд̇ум̣. яассааяасмад̇о камад̇и ид̇т̇аннаамасса жа ид̇т̇аннаамасса жа бхигкуно саммуд̇и уб̣б̣аахигааяа имам̣ ад̇хигаран̣ам̣ вуубасамзд̇ум̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Amhākaṃ imasmiṃ adhikaraṇe vinicchiyamāne anantāni ceva bhassāni jāyanti, na cekassa bhāsitassa attho viññāyati. Saṅgho itthannāmañca itthannāmañca bhikkhuṃ sammannati ubbāhikāya imaṃ adhikaraṇaṃ vūpasametuṃ. Yassāyasmato khamati itthannāmassa ca itthannāmassa ca bhikkhuno sammuti ubbāhikāya imaṃ adhikaraṇaṃ vūpasametuṃ, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо жа ид̇т̇аннаамо жа бхигку уб̣б̣аахигааяа имам̣ ад̇хигаран̣ам̣ вуубасамзд̇ум̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo ca itthannāmo ca bhikkhu ubbāhikāya imaṃ adhikaraṇaṃ vūpasametuṃ. Khamati saṅghassa, tasmā tuṇhī, evametaṃ dhārayāmī’’ti.
‘‘д̇з жз, бхигкавз, бхигкуу саггонд̇и д̇ам̣ ад̇хигаран̣ам̣ уб̣б̣аахигааяа вуубасамзд̇ум̣, ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна. гин̃жа д̇ад̇т̇а саммукаавинаяасмим̣? д̇хаммасаммукад̇аа, винаяасаммукад̇аа, буг̇г̇аласаммукад̇аа…бз… звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣.
‘‘Te ce, bhikkhave, bhikkhū sakkonti taṃ adhikaraṇaṃ ubbāhikāya vūpasametuṃ, idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena. Kiñca tattha sammukhāvinayasmiṃ? Dhammasammukhatā, vinayasammukhatā, puggalasammukhatā…pe… evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ.
233. ‘‘д̇зхи жз, бхигкавз, бхигкуухи д̇асмим̣ ад̇хигаран̣з винижчияамаанз д̇ад̇раасса бхигку д̇хаммагат̇иго, д̇асса нзва суд̇д̇ам̣ ааг̇ад̇ам̣ ход̇и, но суд̇д̇авибхан̇г̇о, со ад̇т̇ам̣ асаллагкзнд̇о б̣яан̃ж̇анажчааяааяа ад̇т̇ам̣ бадиб̣аахад̇и, б̣яад̇д̇зна бхигкунаа бадиб̣алзна д̇з бхигкуу н̃аабзд̇аб̣б̣аа –
233. ‘‘Tehi ce, bhikkhave, bhikkhūhi tasmiṃ adhikaraṇe vinicchiyamāne tatrāssa bhikkhu dhammakathiko, tassa neva suttaṃ āgataṃ hoti, no suttavibhaṅgo, so atthaṃ asallakkhento byañjanacchāyāya atthaṃ paṭibāhati, byattena bhikkhunā paṭibalena te bhikkhū ñāpetabbā –
‘‘сун̣анд̇у мз ааяасманд̇аа. аяам̣ ид̇т̇аннаамо бхигку д̇хаммагат̇иго. имасса нзва суд̇д̇ам̣ ааг̇ад̇ам̣ ход̇и, но суд̇д̇авибхан̇г̇о. со ад̇т̇ам̣ асаллагкзнд̇о б̣яан̃ж̇анажчааяааяа ад̇т̇ам̣ бадиб̣аахад̇и. яад̣̇ааяасманд̇аанам̣ бад̇д̇агаллам̣ , ид̇т̇аннаамам̣ бхигкум̣ вудтаабзд̇ваа авасзсаа имам̣ ад̇хигаран̣ам̣ вуубасамзяяаамаад̇и.
‘‘Suṇantu me āyasmantā. Ayaṃ itthannāmo bhikkhu dhammakathiko. Imassa neva suttaṃ āgataṃ hoti, no suttavibhaṅgo. So atthaṃ asallakkhento byañjanacchāyāya atthaṃ paṭibāhati. Yadāyasmantānaṃ pattakallaṃ , itthannāmaṃ bhikkhuṃ vuṭṭhāpetvā avasesā imaṃ adhikaraṇaṃ vūpasameyyāmāti.
‘‘д̇з жз, бхигкавз, бхигкуу д̇ам̣ бхигкум̣ вудтаабзд̇ваа саггонд̇и д̇ам̣ ад̇хигаран̣ам̣ вуубасамзд̇ум̣, ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна. гин̃жа д̇ад̇т̇а саммукаавинаяасмим̣? д̇хаммасаммукад̇аа, винаяасаммукад̇аа, буг̇г̇аласаммукад̇аа…бз… звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣.
‘‘Te ce, bhikkhave, bhikkhū taṃ bhikkhuṃ vuṭṭhāpetvā sakkonti taṃ adhikaraṇaṃ vūpasametuṃ, idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena. Kiñca tattha sammukhāvinayasmiṃ? Dhammasammukhatā, vinayasammukhatā, puggalasammukhatā…pe… evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ.
‘‘д̇зхи жз, бхигкавз, бхигкуухи д̇асмим̣ ад̇хигаран̣з винижчияамаанз д̇ад̇раасса бхигку д̇хаммагат̇иго, д̇асса суд̇д̇ан̃хи ко ааг̇ад̇ам̣ ход̇и, но суд̇д̇авибхан̇г̇о, со ад̇т̇ам̣ асаллагкзнд̇о б̣яан̃ж̇анажчааяааяа ад̇т̇ам̣ бадиб̣аахад̇и, б̣яад̇д̇зна бхигкунаа бадиб̣алзна д̇з бхигкуу н̃аабзд̇аб̣б̣аа –
‘‘Tehi ce, bhikkhave, bhikkhūhi tasmiṃ adhikaraṇe vinicchiyamāne tatrāssa bhikkhu dhammakathiko, tassa suttañhi kho āgataṃ hoti, no suttavibhaṅgo, so atthaṃ asallakkhento byañjanacchāyāya atthaṃ paṭibāhati, byattena bhikkhunā paṭibalena te bhikkhū ñāpetabbā –
‘‘сун̣анд̇у мз ааяасманд̇аа. аяам̣ ид̇т̇аннаамо бхигку д̇хаммагат̇иго. имасса суд̇д̇ан̃хи ко ааг̇ад̇ам̣ ход̇и, но суд̇д̇авибхан̇г̇о. со ад̇т̇ам̣ асаллагкзнд̇о б̣яан̃ж̇анажчааяааяа ад̇т̇ам̣ бадиб̣аахад̇и. яад̣̇ааяасманд̇аанам̣ бад̇д̇агаллам̣, ид̇т̇аннаамам̣ бхигкум̣ вудтаабзд̇ваа авасзсаа имам̣ ад̇хигаран̣ам̣ вуубасамзяяаамаад̇и.
‘‘Suṇantu me āyasmantā. Ayaṃ itthannāmo bhikkhu dhammakathiko. Imassa suttañhi kho āgataṃ hoti, no suttavibhaṅgo. So atthaṃ asallakkhento byañjanacchāyāya atthaṃ paṭibāhati. Yadāyasmantānaṃ pattakallaṃ, itthannāmaṃ bhikkhuṃ vuṭṭhāpetvā avasesā imaṃ adhikaraṇaṃ vūpasameyyāmāti.
‘‘д̇з жз, бхигкавз, бхигкуу д̇ам̣ бхигкум̣ вудтаабзд̇ваа саггонд̇и д̇ам̣ ад̇хигаран̣ам̣ вуубасамзд̇ум̣, ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна. гин̃жа д̇ад̇т̇а саммукаавинаяасмим̣? д̇хаммасаммукад̇аа, винаяасаммукад̇аа, буг̇г̇аласаммукад̇аа…бз… звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣.
‘‘Te ce, bhikkhave, bhikkhū taṃ bhikkhuṃ vuṭṭhāpetvā sakkonti taṃ adhikaraṇaṃ vūpasametuṃ, idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena. Kiñca tattha sammukhāvinayasmiṃ? Dhammasammukhatā, vinayasammukhatā, puggalasammukhatā…pe… evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇хигаран̣авуубасаманасамат̇агат̇аа • Adhikaraṇavūpasamanasamathakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасаманасамат̇агат̇ааван̣н̣анаа • Adhikaraṇavūpasamanasamathakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. ад̇хигаран̣авуубасаманасамат̇агат̇аа • 9. Adhikaraṇavūpasamanasamathakathā
