| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
13. уб̣б̣арибзд̇авад̇т̇у
13. Ubbaripetavatthu
368.
368.
аху рааж̇аа б̣рахмад̣̇ад̇д̇о, бан̃жаалаанам̣ рат̇зсабхо;
Ahu rājā brahmadatto, pañcālānaṃ rathesabho;
369.
369.
д̇асса аал̣ааханам̣ г̇анд̇ваа, бхарияаа ганд̣̇ад̇и уб̣б̣арий 3;
Tassa āḷāhanaṃ gantvā, bhariyā kandati ubbarī 4;
б̣рахмад̣̇ад̇д̇ам̣ абассанд̇ий, б̣рахмад̣̇ад̇д̇аад̇и ганд̣̇ад̇и.
Brahmadattaṃ apassantī, brahmadattāti kandati.
370.
370.
иси жа д̇ад̇т̇а ааг̇ажчи, самбаннажаран̣о муни;
Isi ca tattha āgacchi, sampannacaraṇo muni;
со жа д̇ад̇т̇а абужчид̇т̇а, яз д̇ад̇т̇а сусамааг̇ад̇аа.
So ca tattha apucchittha, ye tattha susamāgatā.
371.
371.
‘‘гасса ид̣̇ам̣ аал̣ааханам̣, наанааг̇анд̇хасамзрид̇ам̣;
‘‘Kassa idaṃ āḷāhanaṃ, nānāgandhasameritaṃ;
гассааяам̣ ганд̣̇ад̇и бхарияаа, ид̇о д̣̇уураг̇ад̇ам̣ бад̇им̣;
Kassāyaṃ kandati bhariyā, ito dūragataṃ patiṃ;
б̣рахмад̣̇ад̇д̇ам̣ абассанд̇ий, ‘б̣рахмад̣̇ад̇д̇аа’д̇и ганд̣̇ад̇и’’.
Brahmadattaṃ apassantī, ‘brahmadattā’ti kandati’’.
372.
372.
д̇з жа д̇ад̇т̇а вияаагам̣су, яз д̇ад̇т̇а сусамааг̇ад̇аа;
Te ca tattha viyākaṃsu, ye tattha susamāgatā;
‘‘б̣рахмад̣̇ад̇д̇асса бхад̣̇анд̇з 5, б̣рахмад̣̇ад̇д̇асса маариса.
‘‘Brahmadattassa bhadante 6, brahmadattassa mārisa.
373.
373.
‘‘д̇асса ид̣̇ам̣ аал̣ааханам̣, наанааг̇анд̇хасамзрид̇ам̣;
‘‘Tassa idaṃ āḷāhanaṃ, nānāgandhasameritaṃ;
д̇ассааяам̣ ганд̣̇ад̇и бхарияаа, ид̇о д̣̇уураг̇ад̇ам̣ бад̇им̣;
Tassāyaṃ kandati bhariyā, ito dūragataṃ patiṃ;
б̣рахмад̣̇ад̇д̇ам̣ абассанд̇ий, ‘б̣рахмад̣̇ад̇д̇аа’д̇и ганд̣̇ад̇и’’.
Brahmadattaṃ apassantī, ‘brahmadattā’ti kandati’’.
374.
374.
‘‘чал̣аасийд̇исахассаани, б̣рахмад̣̇ад̇д̇ассанаамагаа;
‘‘Chaḷāsītisahassāni, brahmadattassanāmakā;
имасмим̣ аал̣ааханз д̣̇ад̣дхаа, д̇зсам̣ гаманусожасий’’д̇и.
Imasmiṃ āḷāhane daḍḍhā, tesaṃ kamanusocasī’’ti.
375.
375.
‘‘яо рааж̇аа жуул̣анийбуд̇д̇о, бан̃жаалаанам̣ рат̇зсабхо;
‘‘Yo rājā cūḷanīputto, pañcālānaṃ rathesabho;
д̇ам̣ бханд̇з анусожаами, бхад̇д̇аарам̣ саб̣б̣агаамад̣̇а’’нд̇и.
Taṃ bhante anusocāmi, bhattāraṃ sabbakāmada’’nti.
376.
376.
‘‘саб̣б̣з ваахзсум̣ рааж̇аано, б̣рахмад̣̇ад̇д̇ассанаамагаа;
‘‘Sabbe vāhesuṃ rājāno, brahmadattassanāmakā;
саб̣б̣зважуул̣анийбуд̇д̇аа, бан̃жаалаанам̣ рат̇зсабхаа.
Sabbevacūḷanīputtā, pañcālānaṃ rathesabhā.
377.
377.
‘‘саб̣б̣зсам̣ анубуб̣б̣зна, махзсид̇д̇амагаараяи;
‘‘Sabbesaṃ anupubbena, mahesittamakārayi;
гасмаа буримагз хид̇ваа, бажчимам̣ анусожасий’’д̇и.
Kasmā purimake hitvā, pacchimaṃ anusocasī’’ti.
378.
378.
‘‘аад̇умз ид̇т̇ибхууд̇ааяа, д̣̇ийгхарад̇д̇ааяа маариса;
‘‘Ātume itthibhūtāya, dīgharattāya mārisa;
яассаа мз ид̇т̇ибхууд̇ааяа, сам̣саарз б̣ахубхаасасий’’д̇и.
Yassā me itthibhūtāya, saṃsāre bahubhāsasī’’ti.
379.
379.
‘‘аху ид̇т̇ий аху бурисо, басуяонимби ааг̇амаа;
‘‘Ahu itthī ahu puriso, pasuyonimpi āgamā;
звамзд̇ам̣ ад̇ийд̇аанам̣, барияанд̇о на д̣̇иссад̇ий’’д̇и.
Evametaṃ atītānaṃ, pariyanto na dissatī’’ti.
380.
380.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
381.
381.
‘‘аб̣б̣ахий вад̇а мз саллам̣, согам̣ хад̣̇аяаниссид̇ам̣;
‘‘Abbahī vata me sallaṃ, sokaṃ hadayanissitaṃ;
яо мз согабарзд̇ааяа, бад̇исогам̣ абаануд̣̇и.
Yo me sokaparetāya, patisokaṃ apānudi.
382.
382.
‘‘саахам̣ аб̣б̣уул̣хасаллаасми, сийд̇ибхууд̇аасми ниб̣б̣уд̇аа;
‘‘Sāhaṃ abbūḷhasallāsmi, sītibhūtāsmi nibbutā;
на сожаами на род̣̇аами, д̇ава суд̇ваа махаамуний’’д̇и.
Na socāmi na rodāmi, tava sutvā mahāmunī’’ti.
383.
383.
д̇асса д̇ам̣ важанам̣ суд̇ваа, саман̣асса субхаасид̇ам̣;
Tassa taṃ vacanaṃ sutvā, samaṇassa subhāsitaṃ;
бад̇д̇ажийварамаад̣̇ааяа, баб̣б̣аж̇и анаг̇аарияам̣.
Pattacīvaramādāya, pabbaji anagāriyaṃ.
384.
384.
саа жа баб̣б̣аж̇ид̇аа санд̇аа, аг̇аарасмаа анаг̇аарияам̣;
Sā ca pabbajitā santā, agārasmā anagāriyaṃ;
мзд̇д̇аажид̇д̇ам̣ абхаавзси, б̣рахмалогуубабад̇д̇ияаа.
Mettācittaṃ abhāvesi, brahmalokūpapattiyā.
385.
385.
г̇аамаа г̇аамам̣ вижаранд̇ий, ниг̇амз рааж̇ад̇хаанияо;
Gāmā gāmaṃ vicarantī, nigame rājadhāniyo;
урувзлаа наама со г̇аамо, яад̇т̇а гааламагруб̣б̣ат̇а.
Uruvelā nāma so gāmo, yattha kālamakrubbatha.
386.
386.
мзд̇д̇аажид̇д̇ам̣ аабхаавзд̇ваа, б̣рахмалогуубабад̇д̇ияаа;
Mettācittaṃ ābhāvetvā, brahmalokūpapattiyā;
ид̇т̇ижид̇д̇ам̣ вирааж̇зд̇ваа, б̣рахмалогуубаг̇аа ахууд̇и.
Itthicittaṃ virājetvā, brahmalokūpagā ahūti.
уб̣б̣арибзд̇авад̇т̇у д̇зрасамам̣.
Ubbaripetavatthu terasamaṃ.
уб̣б̣ариваг̇г̇о д̣̇уд̇ияо нидтид̇о.
Ubbarivaggo dutiyo niṭṭhito.
д̇ассуд̣̇д̣̇аанам̣ –
Tassuddānaṃ –
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 13. дхуб̣б̣арибзд̇авад̇т̇уван̣н̣анаа • 13. Ḍhubbaripetavatthuvaṇṇanā
