| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
ਅਸਾਧਾਰਣਪਾਰਾਜਿਕਂ
Asādhāraṇapārājikaṃ
੫. ਉਬ੍ਭਜਾਣੁਮਣ੍ਡਲਸਿਕ੍ਖਾਪਦવਣ੍ਣਨਾ
5. Ubbhajāṇumaṇḍalasikkhāpadavaṇṇanā
ਉਬ੍ਭਕਪ੍ਪਰਨ੍ਤਿ ਦੁਤਿਯਮਹਾਸਨ੍ਧਿਤੋ ਉਦ੍ਧਂ। ਇਤੋ ਚਿਤੋ ਚ ਸਞ੍ਚਰਣਨ੍ਤਿ ਹਤ੍ਥਸ੍ਸ વਾ ਕਾਯਸ੍ਸ વਾ ਤਿਰਿਯਂ ਇਤੋ ਚਿਤੋ ਚ ਸਞ੍ਚਰਣਂ।
Ubbhakapparanti dutiyamahāsandhito uddhaṃ. Ito cito ca sañcaraṇanti hatthassa vā kāyassa vā tiriyaṃ ito cito ca sañcaraṇaṃ.
ਏਕਤੋਅવਸ੍ਸੁਤੇਤਿ (ਪਾਚਿ॰ ਅਟ੍ਠ॰ ੬੬੨) ਭਿਕ੍ਖੁਨਿਯਾ ਅવਸ੍ਸવੇ, ਭਿਕ੍ਖੁਨਿਯਾ ਕਾਯਸਂਸਗ੍ਗਰਾਗੇਨ ਅવਸ੍ਸੁਤਭਾવੇ ਸਤੀਤਿ ਅਤ੍ਥੋ। ਭਿਕ੍ਖੁਨਿਯਾ વਸੇਨੇવ ਚ ਏਕਤੋਅવਸ੍ਸੁਤਭਾવੋ ਗਹੇਤਬ੍ਬੋ। વੁਤ੍ਤਞ੍ਹੇਤਂ ਸਮਨ੍ਤਪਾਸਾਦਿਕਾਯਂ (ਪਾਚਿ॰ ਅਟ੍ਠ॰ ੬੬੨) –
Ekatoavassuteti (pāci. aṭṭha. 662) bhikkhuniyā avassave, bhikkhuniyā kāyasaṃsaggarāgena avassutabhāve satīti attho. Bhikkhuniyā vaseneva ca ekatoavassutabhāvo gahetabbo. Vuttañhetaṃ samantapāsādikāyaṃ (pāci. aṭṭha. 662) –
‘‘ਏਕਤੋਅવਸ੍ਸੁਤੇਤਿ ਏਤ੍ਥ ਕਿਞ੍ਚਾਪਿ ‘ਏਕਤੋ’ਤਿ ਅવਿਸੇਸੇਨ વੁਤ੍ਤਂ, ਤਥਾਪਿ ਭਿਕ੍ਖੁਨਿਯਾ ਏવ ਅવਸ੍ਸੁਤੇ ਸਤਿ ਅਯਂ ਆਪਤ੍ਤਿਭੇਦੋ વੁਤ੍ਤੋਤਿ વੇਦਿਤਬ੍ਬੋ’’ਤਿ।
‘‘Ekatoavassuteti ettha kiñcāpi ‘ekato’ti avisesena vuttaṃ, tathāpi bhikkhuniyā eva avassute sati ayaṃ āpattibhedo vuttoti veditabbo’’ti.
ਪੁਰਿਸਸ੍ਸ ਕਾਯਨ੍ਤਿ ਪੁਰਿਸਸ੍ਸ ਯਂ ਕਞ੍ਚਿ ਕਾਯਂ। ਉਭਤੋਅવਸ੍ਸੁਤੇਪੀਤਿ ਭਿਕ੍ਖੁਨਿਯਾ ਚੇવ ਪੁਰਿਸਸ੍ਸ ਚ ਕਾਯਸਂਸਗ੍ਗਰਾਗੇਨ ਅવਸ੍ਸੁਤਭਾવੇ ਸਤਿਪਿ। ਕਾਯੇਨਾਤਿ ਯਥਾਪਰਿਚ੍ਛਿਨ੍ਨੇਨ ਅਤ੍ਤਨੋ ਕਾਯੇਨ। ਕਾਯਪ੍ਪਟਿਬਦ੍ਧਨ੍ਤਿ ਪੁਰਿਸਸ੍ਸ ਕਾਯਪ੍ਪਟਿਬਦ੍ਧਂ। ਅવਸੇਸਕਾਯੇਨ વਾਤਿ ਯਥਾਪਰਿਚ੍ਛਿਨ੍ਨਕਾਯਤੋ ਅવਸੇਸੇਨ ਕਾਯੇਨ, ਉਬ੍ਭਕ੍ਖਕਅਧੋਜਾਣੁਮਣ੍ਡਲਅਧੋਕਪ੍ਪਰਸਙ੍ਖਾਤੇਨ ਕਾਯੇਨਾਤਿ વੁਤ੍ਤਂ ਹੋਤਿ। ਤਸ੍ਸ ਕਾਯਨ੍ਤਿ ਅવਸ੍ਸੁਤਸ੍ਸ ਤਸ੍ਸ ਪੁਰਿਸਸ੍ਸ ਯਂ ਕਞ੍ਚਿ ਕਾਯਂ। ਯਥਾ ਚੇਤ੍ਥ ਸਯਂ ਆਮਸਨ੍ਤਿਯਾ ਥੁਲ੍ਲਚ੍ਚਯਂ, ਏવਂ ਤਸ੍ਸ ਆਮਸਨਂ ਸਾਦਿਯਨ੍ਤਿਯਾਪੀਤਿ ਦਟ੍ਠਬ੍ਬਂ। ਪੁਰਿਸਸ੍ਸ ਕਾਯਸਂਸਗ੍ਗਰਾਗੋ ਨਤ੍ਥੀਤਿ ਪੁਰਿਸਸ੍ਸ ਮੇਥੁਨਰਾਗੋ, ਗੇਹਸਿਤਪੇਮਂ, ਸੁਦ੍ਧਚਿਤ੍ਤਂ વਾ। ਅવਸੇਸੇਤਿ ਪਾਰਾਜਿਕਖੇਤ੍ਤਤੋ ਅવਸੇਸੇ। ਕਾਯਪ੍ਪਟਿਬਦ੍ਧੇਨ ਕਾਯਪ੍ਪਟਿਬਦ੍ਧਾਦਿਭੇਦੇਤਿ ‘‘ਕਾਯਪ੍ਪਟਿਬਦ੍ਧੇਨ ਕਾਯਪ੍ਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿਆਦਿਕੇ (ਪਾਚਿ॰ ੬੫੯, ੬੬੨) ਸਬ੍ਬવਾਰੇ। ‘‘ਅਸਞ੍ਚਿਚ੍ਚਾ’’ਤਿਆਦੀਸੁ વਿਰਜ੍ਝਿਤ੍વਾ વਾ ਆਮਸਨ੍ਤਿਯਾ, ਅਞ੍ਞવਿਹਿਤਾਯ વਾ, ‘‘ਅਯਂ ਪੁਰਿਸੋ’’ਤਿ વਾ ‘‘ਇਤ੍ਥੀ’’ਤਿ વਾ ਅਜਾਨਨ੍ਤਿਯਾ વਾ, ਤੇਨ ਫੁਟ੍ਠਾਯਪਿ ਤਂ ਫਸ੍ਸਂ ਅਸ੍ਸਾਦਯਨ੍ਤਿਯਾ વਾ ਆਮਸਨੇਪਿ ਸਤਿ ਅਨਾਪਤ੍ਤਿ।
Purisassa kāyanti purisassa yaṃ kañci kāyaṃ. Ubhatoavassutepīti bhikkhuniyā ceva purisassa ca kāyasaṃsaggarāgena avassutabhāve satipi. Kāyenāti yathāparicchinnena attano kāyena. Kāyappaṭibaddhanti purisassa kāyappaṭibaddhaṃ. Avasesakāyena vāti yathāparicchinnakāyato avasesena kāyena, ubbhakkhakaadhojāṇumaṇḍalaadhokapparasaṅkhātena kāyenāti vuttaṃ hoti. Tassa kāyanti avassutassa tassa purisassa yaṃ kañci kāyaṃ. Yathā cettha sayaṃ āmasantiyā thullaccayaṃ, evaṃ tassa āmasanaṃ sādiyantiyāpīti daṭṭhabbaṃ. Purisassa kāyasaṃsaggarāgo natthīti purisassa methunarāgo, gehasitapemaṃ, suddhacittaṃ vā. Avaseseti pārājikakhettato avasese. Kāyappaṭibaddhena kāyappaṭibaddhādibhedeti ‘‘kāyappaṭibaddhena kāyappaṭibaddhaṃ āmasati, āpatti dukkaṭassā’’tiādike (pāci. 659, 662) sabbavāre. ‘‘Asañciccā’’tiādīsu virajjhitvā vā āmasantiyā, aññavihitāya vā, ‘‘ayaṃ puriso’’ti vā ‘‘itthī’’ti vā ajānantiyā vā, tena phuṭṭhāyapi taṃ phassaṃ assādayantiyā vā āmasanepi sati anāpatti.
ਉਬ੍ਭਜਾਣੁਮਣ੍ਡਲਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ubbhajāṇumaṇḍalasikkhāpadavaṇṇanā niṭṭhitā.
