1. уб̣бхаж̇аан̣уман̣д̣алигасигкаабад̣̇аван̣н̣анаа

1. Ubbhajāṇumaṇḍalikasikkhāpadavaṇṇanā

656. бхигкунийвибхан̇г̇з миг̇аарамаад̇уяаад̇и миг̇аарамаад̇у, висаакааяаад̇и ад̇т̇о. баал̣ияам̣ ‘‘зхи бхигкунийд̇и бхигкуний, д̇ийхи саран̣аг̇аманзхи убасамбаннаад̇и бхигкуний’’д̇и ид̣̇ам̣ бхигкувибхан̇г̇абаал̣ияаа самад̣̇ассанад̇т̇ам̣ адтаг̇аруд̇хаммаббадиг̇г̇ахан̣зна лад̣̇д̇хуубасамбад̣̇ам̣ махаабаж̇аабад̇иг̇од̇амин̃жзва д̇ааяа саха нигканд̇аа бхаг̇авад̇о аан̣ааяа бхигкуунан̃н̃зва санд̇игз згад̇оубасамбаннаа бан̃жасад̇асаагияаанияо жа санд̇хааяа вуд̇д̇ам̣. д̇аа хи бхаг̇авад̇аа аананд̣̇ад̇т̇зрасса яаажанааяа баб̣б̣аж̇ж̇ам̣ ануж̇аананд̇зна ‘‘зт̇а бхигкунияо, мама саасанз д̇умхзби бависат̇аа’’д̇и вуд̇д̇аа вияа ж̇аад̇аа. саагияаанияо зва саран̣асийлаани д̣̇ад̇ваа гаммаваажааяа убасамбаад̣̇ид̇ад̇д̇аа ‘‘д̇ийхи саран̣аг̇аманзхи убасамбаннаа’’д̇и вуд̇д̇аа. на хи зд̇аахи ан̃н̃аа зхибхигкунибхааваад̣̇инаа убасамбаннаа наама санд̇и. яам̣ бана т̇зрийг̇аат̇аасу бхад̣̇д̣̇ааяа гун̣д̣алагзсияаа –

656. Bhikkhunīvibhaṅge migāramātuyāti migāramātu, visākhāyāti attho. Pāḷiyaṃ ‘‘ehi bhikkhunīti bhikkhunī, tīhi saraṇagamanehi upasampannāti bhikkhunī’’ti idaṃ bhikkhuvibhaṅgapāḷiyā samadassanatthaṃ aṭṭhagarudhammappaṭiggahaṇena laddhūpasampadaṃ mahāpajāpatigotamiñceva tāya saha nikkhantā bhagavato āṇāya bhikkhūnaññeva santike ekatoupasampannā pañcasatasākiyāniyo ca sandhāya vuttaṃ. Tā hi bhagavatā ānandattherassa yācanāya pabbajjaṃ anujānantena ‘‘etha bhikkhuniyo, mama sāsane tumhepi pavisathā’’ti vuttā viya jātā. Sākiyāniyo eva saraṇasīlāni datvā kammavācāya upasampāditattā ‘‘tīhi saraṇagamanehi upasampannā’’ti vuttā. Na hi etāhi aññā ehibhikkhunibhāvādinā upasampannā nāma santi. Yaṃ pana therīgāthāsu bhaddāya kuṇḍalakesiyā –

‘‘нихажжа ж̇аан̣ум̣ ванд̣̇ид̇ваа, саммукаа ан̃ж̇алим̣ агам̣;

‘‘Nihacca jāṇuṃ vanditvā, sammukhā añjaliṃ akaṃ;

‘зхи бхад̣̇д̣̇з’д̇и мам̣ авожа, саа мз аасуубасамбад̣̇аа’’д̇и. (т̇зрийг̇аа. 109) –

‘Ehi bhadde’ti maṃ avoca, sā me āsūpasampadā’’ti. (therīgā. 109) –

вуд̇д̇ам̣. яан̃жа абад̣̇аанзби –

Vuttaṃ. Yañca apadānepi –

‘‘ааяаажид̇о д̇ад̣̇аа ааха, ‘зхи бхад̣̇д̣̇з’д̇и нааяаго;

‘‘Āyācito tadā āha, ‘ehi bhadde’ti nāyako;

д̇ад̣̇аахам̣ убасамбаннаа, барид̇д̇ам̣ д̇ояамад̣̇д̣̇аса’’нд̇и. (аба. т̇зрий 2.3.44) –

Tadāhaṃ upasampannā, parittaṃ toyamaddasa’’nti. (apa. therī 2.3.44) –

вуд̇д̇ам̣. д̇амби ‘‘зхи д̇вам̣ бхигкунийнам̣ санд̇игз баб̣б̣аж̇ж̇ам̣, убасамбад̣̇ан̃жа г̇ан̣хаахий’’д̇и бхаг̇авад̇о аан̣аа убасамбад̣̇ааяа гааран̣ад̇д̇аа убасамбад̣̇аа ахосийд̇и имамад̇т̇ам̣ санд̇хааяа вуд̇д̇ам̣. д̇ат̇аа хи вуд̇д̇ам̣ т̇зрийг̇аат̇аадтагат̇ааяам̣ ‘‘зхи бхад̣̇д̣̇з, бхигкунубассаяам̣ г̇анд̇ваа бхигкунийнам̣ санд̇игз баб̣б̣аж̇ж̇а убасамбаж̇ж̇ассууд̇и мам̣ аважа аан̣аабзси, саа сад̇т̇у аан̣аа маяхам̣ убасамбад̣̇ааяа гааран̣ад̇д̇аа убасамбад̣̇аа ааси ахосий’’д̇и (т̇зрийг̇аа. адта. 111).

Vuttaṃ. Tampi ‘‘ehi tvaṃ bhikkhunīnaṃ santike pabbajjaṃ, upasampadañca gaṇhāhī’’ti bhagavato āṇā upasampadāya kāraṇattā upasampadā ahosīti imamatthaṃ sandhāya vuttaṃ. Tathā hi vuttaṃ therīgāthāṭṭhakathāyaṃ ‘‘ehi bhadde, bhikkhunupassayaṃ gantvā bhikkhunīnaṃ santike pabbajja upasampajjassūti maṃ avaca āṇāpesi, sā satthu āṇā mayhaṃ upasampadāya kāraṇattā upasampadā āsi ahosī’’ti (therīgā. aṭṭha. 111).

657. саад̇хааран̣абаарааж̇игзхийд̇и мзт̇унаад̣̇ийхи жад̇уухи. д̇аани, бана ан̃н̃аани жа саад̇хааран̣асигкаабад̣̇аани яасмаа бхигкувибхан̇г̇з вуд̇д̇анид̣̇аанавад̇т̇аад̣̇ийсу зва саад̇хааран̣авасзна бан̃н̃ад̇д̇аани, бажчаа бана д̇аани бхигкунийнам̣ баад̇имогкуд̣̇д̣̇зсам̣ ануж̇аананд̇зна бхаг̇авад̇аа д̇аасам̣ сигкаабажжагкаанаабхаавзна ‘‘яаа бана бхигкуний чанд̣̇асо мзт̇унам̣ д̇хаммам̣ бадисзвзяяаа’’д̇иаад̣̇инаа д̇ад̣̇ануруубавасзна баривад̇д̇зд̇ваа асаад̇хааран̣асигкаабад̣̇зхи сад̣̇д̇хим̣ сам̣санд̣̇зд̇ваа бхигкунибаад̇имогкуд̣̇д̣̇зсавасзна згад̇о сан̇г̇ахид̇аани. яасмаа жа нзсам̣ бхигкувибхан̇г̇з (баараа. 44 аад̣̇аяо) вуд̇д̇анаязнзва саб̣б̣оби винижчаяо саггаа н̃аад̇ум̣, д̇асмаа д̇аани важ̇ж̇зд̇ваа асаад̇хааран̣аанам̣ зва ид̇ха вибхан̇г̇о вуд̇д̇од̇и взд̣̇ид̇аб̣б̣ам̣.

657.Sādhāraṇapārājikehīti methunādīhi catūhi. Tāni, pana aññāni ca sādhāraṇasikkhāpadāni yasmā bhikkhuvibhaṅge vuttanidānavatthādīsu eva sādhāraṇavasena paññattāni, pacchā pana tāni bhikkhunīnaṃ pātimokkhuddesaṃ anujānantena bhagavatā tāsaṃ sikkhāpaccakkhānābhāvena ‘‘yā pana bhikkhunī chandaso methunaṃ dhammaṃ paṭiseveyyā’’tiādinā tadanurūpavasena parivattetvā asādhāraṇasikkhāpadehi saddhiṃ saṃsandetvā bhikkhunipātimokkhuddesavasena ekato saṅgahitāni. Yasmā ca nesaṃ bhikkhuvibhaṅge (pārā. 44 ādayo) vuttanayeneva sabbopi vinicchayo sakkā ñātuṃ, tasmā tāni vajjetvā asādhāraṇānaṃ eva idha vibhaṅgo vuttoti veditabbaṃ.

659. бхигкуунам̣ ‘‘гааяасам̣саг̇г̇ам̣ саад̣̇иязяяаа’’д̇и авад̇ваа ‘‘самаабаж̇ж̇зяяаа’’д̇и вуд̇д̇ад̇д̇аа ‘‘бхигку аабад̇д̇ияаа на гаарзд̇аб̣б̣о’’д̇и вуд̇д̇ам̣. д̇аб̣б̣ахуланаязнаад̇и гирияаасамудтаанассзва б̣ахулабхаавад̇о, зд̇зна агирияаасамудтаанааби аяам̣ аабад̇д̇и ход̇ийд̇и д̣̇ассзд̇и. гин̃жааби д̣̇ассзд̇и, маяам̣ банзд̇т̇а звам̣ д̇аггаяаама ‘‘гааяасам̣саг̇г̇агкан̣з саад̣̇ияанд̇ияаа гирияааяа абхаавзби д̇ад̇о буб̣б̣з бавад̇д̇ид̇аанам̣ бадижчаннадтаанаг̇аманаин̇г̇ид̇аагаарад̣̇ассанаад̣̇игирияаанам̣ васзнзва гирияаасамаудтаанамзва, барзхи маг̇г̇з гарияамаанубаггамзна нижжаласса саад̣̇ияад̇о суггависсадти вияа буб̣б̣абаяог̇аабхаавзби ваа д̇асмин̃н̃зва кан̣з баруубаггамзна ж̇анияамаанааяа ад̇д̇ано гааяажаланаад̣̇исан̇каад̇ааяа гирияааяа, саа хи саад̣̇ияамаанзна д̇ассаа жид̇д̇знааби самудтид̇аа гирияаа наама ход̇и авааяамид̇ваа баруубаггамзна мзт̇унасаад̣̇ияанз вияа, бхигкуунам̣ бана баруубаггамаж̇анид̇ам̣ гирияам̣ аб̣б̣охааригам̣ гад̇ваа ад̇д̇анаа гарияамаанабаяог̇авасзнзва ‘гааяасам̣саг̇г̇ам̣ самаабаж̇ж̇зяяаа’д̇и звам̣ висзсзд̇ваава сигкаабад̣̇асса бан̃н̃ад̇д̇ад̇д̇аа саад̣̇ияамаанзби на д̣̇осо. ид̇арат̇аа хи д̇аб̣б̣ахуланаязнзд̇т̇а гирияад̇д̇з г̇аяхамаанз ан̃н̃зсамби гирияаагирияасигкаабад̣̇аанам̣ гирияад̇д̇аг̇г̇ахан̣аббасан̇г̇о сияаа’’д̇и. д̇асмаа виймам̣сид̇ваа г̇ахзд̇аб̣б̣ам̣. саад̇и гирияаасамудтаанад̇аа. д̇ат̇зваад̇и гааяасам̣саг̇г̇арааг̇ий зва.

659. Bhikkhūnaṃ ‘‘kāyasaṃsaggaṃ sādiyeyyā’’ti avatvā ‘‘samāpajjeyyā’’ti vuttattā ‘‘bhikkhu āpattiyā na kāretabbo’’ti vuttaṃ. Tabbahulanayenāti kiriyāsamuṭṭhānasseva bahulabhāvato, etena akiriyāsamuṭṭhānāpi ayaṃ āpatti hotīti dasseti. Kiñcāpi dasseti, mayaṃ panettha evaṃ takkayāma ‘‘kāyasaṃsaggakkhaṇe sādiyantiyā kiriyāya abhāvepi tato pubbe pavattitānaṃ paṭicchannaṭṭhānagamanaiṅgitākāradassanādikiriyānaṃ vaseneva kiriyāsamauṭṭhānameva, parehi magge kariyamānupakkamena niccalassa sādiyato sukkavissaṭṭhi viya pubbapayogābhāvepi vā tasmiññeva khaṇe parūpakkamena janiyamānāya attano kāyacalanādisaṅkhātāya kiriyāya, sā hi sādiyamānena tassā cittenāpi samuṭṭhitā kiriyā nāma hoti avāyamitvā parūpakkamena methunasādiyane viya, bhikkhūnaṃ pana parūpakkamajanitaṃ kiriyaṃ abbohārikaṃ katvā attanā kariyamānapayogavaseneva ‘kāyasaṃsaggaṃ samāpajjeyyā’ti evaṃ visesetvāva sikkhāpadassa paññattattā sādiyamānepi na doso. Itarathā hi tabbahulanayenettha kiriyatte gayhamāne aññesampi kiriyākiriyasikkhāpadānaṃ kiriyattaggahaṇappasaṅgo siyā’’ti. Tasmā vīmaṃsitvā gahetabbaṃ. Sāti kiriyāsamuṭṭhānatā. Tathevāti kāyasaṃsaggarāgī eva.

уб̣бхаж̇аан̣уман̣д̣алигасигкаабад̣̇аван̣н̣анаа нидтид̇аа.

Ubbhajāṇumaṇḍalikasikkhāpadavaṇṇanā niṭṭhitā.

Next: 2. важ̇ж̇абадижчаад̣̇игасигкаабад̣̇аван̣н̣анаа • 2. Vajjapaṭicchādikasikkhāpadavaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамабаарааж̇игам̣ • 1. Paṭhamapārājikaṃ

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамабаарааж̇игасигкаабад̣̇ам̣ • 1. Paṭhamapārājikasikkhāpadaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact