| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
5. уб̣б̣ирит̇зрийг̇аат̇ааван̣н̣анаа
5. Ubbiritherīgāthāvaṇṇanā
амма, ж̇ийваад̇иаад̣̇игаа уб̣б̣ирияаа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇аа згад̣̇ивасам̣ маад̇аабид̇уусу ман̇г̇алам̣ анубхавид̇ум̣ г̇зханд̇араг̇ад̇зсу ад̣̇уд̇ияаа саяам̣ г̇зхз охийнаа убагадтааяа взлааяа бхаг̇авад̇о саавагам̣ згам̣ кийн̣аасавад̇т̇зрам̣ г̇зхад̣̇ваарасамийбзна г̇ажчанд̇ам̣ д̣̇исваа бхигкам̣ д̣̇аад̇угаамаа, ‘‘бханд̇з, ид̇ха бависат̇аа’’д̇и вад̇ваа т̇зрз г̇зхам̣ бавидтз бан̃жабад̇идтид̇зна т̇зрам̣ ванд̣̇ид̇ваа г̇онагаад̣̇ийхи аасанам̣ бан̃н̃аабзд̇ваа ад̣̇ааси. нисийд̣̇и т̇зро бан̃н̃ад̇д̇з аасанз. саа бад̇д̇ам̣ г̇ахзд̇ваа бин̣д̣абаад̇асса буурзд̇ваа т̇зрасса хад̇т̇з табзси. т̇зро анумод̣̇анам̣ гад̇ваа баггаами. саа д̇зна бун̃н̃агаммзна д̇аавад̇им̣сзсу ниб̣б̣ад̇д̇ид̇ваа д̇ад̇т̇а яаавад̇ааяугам̣ ул̣аарад̣̇иб̣б̣асамбад̇д̇им̣ анубхавид̇ваа д̇ад̇о жуд̇аа суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ г̇ахабад̇имахаасаалагулз ниб̣б̣ад̇д̇ид̇ваа уб̣б̣ирийд̇и лад̣̇д̇ханаамаа абхируубаа д̣̇ассанийяаа баасаад̣̇игаа ахоси. саа ваяаббад̇д̇агаалз госаларан̃н̃аа ад̇д̇ано г̇зхам̣ нийд̇аа, гад̇ибаяасам̣важчараад̇иггамзна згам̣ д̇хийд̇арам̣ лабхи. д̇ассаа ж̇ийванд̇ийд̇и наамам̣ агам̣су . рааж̇аа д̇ассаа д̇хийд̇арам̣ д̣̇исваа д̇удтамаанасо уб̣б̣ирияаа абхисзгам̣ ад̣̇ааси. д̇хийд̇аа банассаа аад̇хаавид̇ваа барид̇хаавид̇ваа вижаран̣агаалз гааламагааси. маад̇аа яад̇т̇а д̇ассаа сарийранигкзбо гад̇о, д̇ам̣ сусаанам̣ г̇анд̇ваа д̣̇ивасз д̣̇ивасз барид̣̇звад̇и. згад̣̇ивасам̣ сад̇т̇у санд̇игам̣ г̇анд̇ваа ванд̣̇ид̇ваа т̇огам̣ нисийд̣̇ид̇ваа г̇ад̇аа ажиравад̇ийнад̣̇ияаа д̇ийрз тад̇ваа д̇хийд̇арам̣ аараб̣бха барид̣̇звад̇и. д̇ам̣ д̣̇исваа сад̇т̇аа г̇анд̇хагудияам̣ яат̇аанисиннова ад̇д̇аанам̣ д̣̇ассзд̇ваа ‘‘гасмаа виббалабасий’’д̇и бужчи. ‘‘мама д̇хийд̇арам̣ аараб̣бха виббалабаами, бхаг̇аваа’’д̇и. ‘‘имасмим̣ сусаанз жхаабид̇аа д̇ава д̇хийд̇аро жад̇ураасийд̇исахассамад̇д̇аа, д̇аасам̣ гад̇ара санд̇хааяа виббалабасий’’д̇и. д̇аасам̣ д̇ам̣ д̇ам̣ аал̣ааханадтаанам̣ д̣̇ассзд̇ваа –
Amma, jīvātiādikā ubbiriyā theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī padumuttarassa bhagavato kāle haṃsavatīnagare kulagehe nibbattitvā viññutaṃ pattā ekadivasaṃ mātāpitūsu maṅgalaṃ anubhavituṃ gehantaragatesu adutiyā sayaṃ gehe ohīnā upakaṭṭhāya velāya bhagavato sāvakaṃ ekaṃ khīṇāsavattheraṃ gehadvārasamīpena gacchantaṃ disvā bhikkhaṃ dātukāmā, ‘‘bhante, idha pavisathā’’ti vatvā there gehaṃ paviṭṭhe pañcapatiṭṭhitena theraṃ vanditvā gonakādīhi āsanaṃ paññāpetvā adāsi. Nisīdi thero paññatte āsane. Sā pattaṃ gahetvā piṇḍapātassa pūretvā therassa hatthe ṭhapesi. Thero anumodanaṃ katvā pakkāmi. Sā tena puññakammena tāvatiṃsesu nibbattitvā tattha yāvatāyukaṃ uḷāradibbasampattiṃ anubhavitvā tato cutā sugatīsuyeva saṃsarantī imasmiṃ buddhuppāde sāvatthiyaṃ gahapatimahāsālakule nibbattitvā ubbirīti laddhanāmā abhirūpā dassanīyā pāsādikā ahosi. Sā vayappattakāle kosalaraññā attano gehaṃ nītā, katipayasaṃvaccharātikkamena ekaṃ dhītaraṃ labhi. Tassā jīvantīti nāmaṃ akaṃsu . Rājā tassā dhītaraṃ disvā tuṭṭhamānaso ubbiriyā abhisekaṃ adāsi. Dhītā panassā ādhāvitvā paridhāvitvā vicaraṇakāle kālamakāsi. Mātā yattha tassā sarīranikkhepo kato, taṃ susānaṃ gantvā divase divase paridevati. Ekadivasaṃ satthu santikaṃ gantvā vanditvā thokaṃ nisīditvā gatā aciravatīnadiyā tīre ṭhatvā dhītaraṃ ārabbha paridevati. Taṃ disvā satthā gandhakuṭiyaṃ yathānisinnova attānaṃ dassetvā ‘‘kasmā vippalapasī’’ti pucchi. ‘‘Mama dhītaraṃ ārabbha vippalapāmi, bhagavā’’ti. ‘‘Imasmiṃ susāne jhāpitā tava dhītaro caturāsītisahassamattā, tāsaṃ katara sandhāya vippalapasī’’ti. Tāsaṃ taṃ taṃ āḷāhanaṭṭhānaṃ dassetvā –
51.
51.
‘‘амма ж̇ийваад̇и ванамхи ганд̣̇аси, ад̇д̇аанам̣ ад̇хиг̇ажча уб̣б̣ири;
‘‘Amma jīvāti vanamhi kandasi, attānaṃ adhigaccha ubbiri;
жуллаасийд̇исахассаани, саб̣б̣аа ж̇ийвасанаамигаа;
Cullāsītisahassāni, sabbā jīvasanāmikā;
зд̇амхаал̣ааханз д̣̇ад̣дхаа, д̇аасам̣ гаманусожасий’’д̇и. – саубад̣дхаг̇аат̇амааха;
Etamhāḷāhane daḍḍhā, tāsaṃ kamanusocasī’’ti. – saupaḍḍhagāthamāha;
д̇ад̇т̇а, амма, ж̇ийваад̇и маад̇убажааранаамзна д̇хийд̇уяаа аалабанам̣, ид̣̇ан̃жассаа виббалабанаагаарад̣̇ассанам̣. ванамхи ганд̣̇асийд̇и ванамаж̇жхз барид̣̇зваси. ад̇д̇аанам̣ ад̇хиг̇ажча уб̣б̣ирийд̇и уб̣б̣ири д̇ава ад̇д̇аанамзва д̇аава б̣уж̇жхассу яаат̇аавад̇о ж̇аанаахи. жуллаасийд̇исахассаанийд̇и жад̇ураасийд̇исахассаани. саб̣б̣аа ж̇ийвасанаамигаад̇и д̇аа саб̣б̣ааби ж̇ийванд̇и, яаа самаананаамигаа. зд̇амхаал̣ааханз д̣̇ад̣дхаад̇и зд̇амхи сусаанз жхаабид̇аа. д̇аасам̣ гаманусожасийд̇и д̇аасу ж̇ийванд̇ийнаамаасу жад̇ураасийд̇исахассамад̇д̇аасу гам̣ санд̇хааяа д̇вам̣ анусожаси анусогам̣ аабаж̇ж̇асийд̇и звам̣ сад̇т̇аараа д̇хаммз д̣̇зсид̇з д̣̇зсанаанусаарзна н̃аан̣ам̣ бзсзд̇ваа вибассанам̣ аарабхид̇ваа сад̇т̇у д̣̇зсанаавилаасзна ад̇д̇ано жа хзд̇усамбад̇д̇ияаа яат̇аатаад̇аава вибассанам̣ уссуггаабзд̇ваа маг̇г̇абадибаадияаа аг̇г̇апалз арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зрий 2.2.37-60) –
Tattha, amma, jīvāti mātupacāranāmena dhītuyā ālapanaṃ, idañcassā vippalapanākāradassanaṃ. Vanamhi kandasīti vanamajjhe paridevasi. Attānaṃ adhigaccha ubbirīti ubbiri tava attānameva tāva bujjhassu yāthāvato jānāhi. Cullāsītisahassānīti caturāsītisahassāni. Sabbā jīvasanāmikāti tā sabbāpi jīvanti, yā samānanāmikā. Etamhāḷāhane daḍḍhāti etamhi susāne jhāpitā. Tāsaṃ kamanusocasīti tāsu jīvantīnāmāsu caturāsītisahassamattāsu kaṃ sandhāya tvaṃ anusocasi anusokaṃ āpajjasīti evaṃ satthārā dhamme desite desanānusārena ñāṇaṃ pesetvā vipassanaṃ ārabhitvā satthu desanāvilāsena attano ca hetusampattiyā yathāṭhātāva vipassanaṃ ussukkāpetvā maggapaṭipāṭiyā aggaphale arahatte patiṭṭhāsi. Tena vuttaṃ apadāne (apa. therī 2.2.37-60) –
‘‘наг̇арз хам̣савад̇ияаа, ахосим̣ б̣аалигаа д̇ад̣̇аа;
‘‘Nagare haṃsavatiyā, ahosiṃ bālikā tadā;
маад̇аа жа мз бид̇аа жзва, гамманд̇ам̣ аг̇амам̣су д̇з.
Mātā ca me pitā ceva, kammantaṃ agamaṃsu te.
‘‘маж̇жханхигамхи суурияз, ад̣̇д̣̇асам̣ саман̣ам̣ ахам̣;
‘‘Majjhanhikamhi sūriye, addasaṃ samaṇaṃ ahaṃ;
вийт̇ияаа ануг̇ажчанд̇ам̣, аасанам̣ бан̃н̃абзсахам̣.
Vīthiyā anugacchantaṃ, āsanaṃ paññapesahaṃ.
‘‘г̇онагаавигад̇игаахи, бан̃н̃абзд̇ваа мамаасанам̣;
‘‘Gonakāvikatikāhi, paññapetvā mamāsanaṃ;
басаннажид̇д̇аа суманаа, ид̣̇ам̣ важанамаб̣равим̣.
Pasannacittā sumanā, idaṃ vacanamabraviṃ.
‘‘санд̇ад̇д̇аа гут̇ид̇аа бхууми, сууро маж̇жханхигз тид̇о;
‘‘Santattā kuthitā bhūmi, sūro majjhanhike ṭhito;
маалуд̇аа жа на вааяанд̇и, гаало жзвзд̇т̇а мзхид̇и.
Mālutā ca na vāyanti, kālo cevettha mehiti.
‘‘бан̃н̃ад̇д̇амаасанамид̣̇ам̣, д̇авад̇т̇ааяа махаамуни;
‘‘Paññattamāsanamidaṃ, tavatthāya mahāmuni;
анугамбам̣ убаад̣̇ааяа, нисийд̣̇а мама аасанз.
Anukampaṃ upādāya, nisīda mama āsane.
‘‘нисийд̣̇и д̇ад̇т̇а саман̣о, суд̣̇анд̇о суд̣̇д̇хамаанасо;
‘‘Nisīdi tattha samaṇo, sudanto suddhamānaso;
д̇асса бад̇д̇ам̣ г̇ахзд̇ваана, яат̇ааранд̇хам̣ ад̣̇аасахам̣.
Tassa pattaṃ gahetvāna, yathārandhaṃ adāsahaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇т̇а мз сугад̇ам̣ б̣яамхам̣, аасанзна суниммид̇ам̣;
‘‘Tattha me sukataṃ byamhaṃ, āsanena sunimmitaṃ;
садтияож̇анамуб̣б̣зд̇хам̣, д̇им̣саяож̇анавид̇т̇ад̇ам̣.
Saṭṭhiyojanamubbedhaṃ, tiṃsayojanavitthataṃ.
‘‘сон̣н̣амаяаа ман̣имаяаа, ат̇оби палигаамаяаа;
‘‘Soṇṇamayā maṇimayā, athopi phalikāmayā;
лохид̇ан̇г̇амаяаа жзва, баллан̇гаа вивид̇хаа мама.
Lohitaṅgamayā ceva, pallaṅkā vividhā mama.
‘‘д̇уулигаавигад̇игаахи, гаддиссажид̇д̇агаахи жа;
‘‘Tūlikāvikatikāhi, kaṭṭissacittakāhi ca;
уд̣̇д̇хазганд̇аломий жа, баллан̇гаа мз сусан̣тид̇аа.
Uddhaekantalomī ca, pallaṅkā me susaṇṭhitā.
‘‘яад̣̇аа ижчаами г̇аманам̣, хаасакид̣д̣асамаббид̇аа;
‘‘Yadā icchāmi gamanaṃ, hāsakhiḍḍasamappitā;
саха баллан̇гасздтзна, г̇ажчаами мама бад̇т̇ид̇ам̣.
Saha pallaṅkaseṭṭhena, gacchāmi mama patthitaṃ.
‘‘асийд̇ид̣̇зварааж̇уунам̣, махзсид̇д̇амагаараяим̣;
‘‘Asītidevarājūnaṃ, mahesittamakārayiṃ;
сад̇д̇ад̇ижаггавад̇д̇ийнам̣, махзсид̇д̇амагаараяим̣.
Sattaticakkavattīnaṃ, mahesittamakārayiṃ.
‘‘бхаваабхавз сам̣саранд̇ий, махаабхог̇ам̣ лабхаамахам̣;
‘‘Bhavābhave saṃsarantī, mahābhogaṃ labhāmahaṃ;
бхог̇з мз уунад̇аа над̇т̇и, згаасанассид̣̇ам̣ палам̣.
Bhoge me ūnatā natthi, ekāsanassidaṃ phalaṃ.
‘‘д̣̇увз бхавз сам̣сараами, д̣̇звад̇д̇з ат̇а маанусз;
‘‘Duve bhave saṃsarāmi, devatte atha mānuse;
ан̃н̃з бхавз на ж̇аанаами, згаасанассид̣̇ам̣ палам̣.
Aññe bhave na jānāmi, ekāsanassidaṃ phalaṃ.
‘‘д̣̇увз гулз баж̇ааяаами, кад̇д̇ияз жааби б̣раахман̣з;
‘‘Duve kule pajāyāmi, khattiye cāpi brāhmaṇe;
ужжаагулийнаа саб̣б̣ад̇т̇а, згаасанассид̣̇ам̣ палам̣.
Uccākulīnā sabbattha, ekāsanassidaṃ phalaṃ.
‘‘д̣̇оманассам̣ на ж̇аанаами, жид̇д̇асанд̇аабанам̣ мама;
‘‘Domanassaṃ na jānāmi, cittasantāpanaṃ mama;
взван̣н̣ияам̣ на ж̇аанаами, згаасанассид̣̇ам̣ палам̣.
Vevaṇṇiyaṃ na jānāmi, ekāsanassidaṃ phalaṃ.
‘‘д̇хаад̇ияо мам̣ убадтанд̇и, куж̇ж̇аа жзлаабигаа б̣ахуу;
‘‘Dhātiyo maṃ upaṭṭhanti, khujjā celāpikā bahū;
ан̇гзна ан̇гам̣ г̇ажчаами, згаасанассид̣̇ам̣ палам̣.
Aṅkena aṅkaṃ gacchāmi, ekāsanassidaṃ phalaṃ.
‘‘ан̃н̃аа нхаабзнд̇и бхож̇знд̇и, ан̃н̃аа рамзнд̇и мам̣ сад̣̇аа;
‘‘Aññā nhāpenti bhojenti, aññā ramenti maṃ sadā;
ан̃н̃аа г̇анд̇хам̣ вилимбанд̇и, згаасанассид̣̇ам̣ палам̣.
Aññā gandhaṃ vilimpanti, ekāsanassidaṃ phalaṃ.
‘‘ман̣д̣абз ругкамуулз ваа, сун̃н̃ааг̇аарз васанд̇ияаа;
‘‘Maṇḍape rukkhamūle vā, suññāgāre vasantiyā;
мама сан̇габбаман̃н̃ааяа, баллан̇го убад̇идтад̇и.
Mama saṅkappamaññāya, pallaṅko upatiṭṭhati.
‘‘аяам̣ бажчимаго маяхам̣, жаримо вад̇д̇ад̇з бхаво;
‘‘Ayaṃ pacchimako mayhaṃ, carimo vattate bhavo;
аж̇ж̇ааби раж̇ж̇ам̣ чад̣д̣зд̇ваа, баб̣б̣аж̇им̣ анаг̇аарияам̣.
Ajjāpi rajjaṃ chaḍḍetvā, pabbajiṃ anagāriyaṃ.
‘‘сад̇асахассид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Satasahassito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, згаасанассид̣̇ам̣ палам̣.
Duggatiṃ nābhijānāmi, ekāsanassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇з бана бад̇идтааяа ад̇д̇анаа ад̇хиг̇ад̇ависзсам̣ багаасзнд̇ий –
Arahatte pana patiṭṭhāya attanā adhigatavisesaṃ pakāsentī –
52.
52.
‘‘аб̣б̣ахий д̇ава мз саллам̣, д̣̇уд̣̇д̣̇асам̣ хад̣̇аяассид̇ам̣;
‘‘Abbahī tava me sallaṃ, duddasaṃ hadayassitaṃ;
яам̣ мз согабарзд̇ааяа, д̇хийд̇усогам̣ б̣яабаануд̣̇и.
Yaṃ me sokaparetāya, dhītusokaṃ byapānudi.
53.
53.
‘‘сааж̇ж̇а аб̣б̣уул̣хасаллаахам̣, нижчаад̇аа бариниб̣б̣уд̇аа;
‘‘Sājja abbūḷhasallāhaṃ, nicchātā parinibbutā;
б̣уд̣̇д̇хам̣ д̇хамман̃жа сан̇гхан̃жа, убзми саран̣ам̣ муни’’нд̇и. –
Buddhaṃ dhammañca saṅghañca, upemi saraṇaṃ muni’’nti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а аб̣б̣ахий вад̇а мз саллам̣, д̣̇уд̣̇д̣̇асам̣ хад̣̇аяассид̇анд̇и анубажид̇агусаласамбхаарзхи яаат̇аавад̇о д̣̇уд̣̇д̣̇асам̣ мама жид̇д̇асанниссид̇ам̣ бийл̣ааж̇ананад̇о д̣̇уннийхаран̣ад̇о анд̇о д̇уд̣̇анад̇о жа ‘‘салла’’нд̇и лад̣̇д̇ханаамам̣ согам̣ д̇ан̣хан̃жа аб̣б̣ахий вад̇а нийхари вад̇а. яам̣ мз согабарзд̇ааяаад̇и яасмаа согзна абхибхууд̇ааяа маяхам̣ д̇хийд̇усогам̣ б̣яабаануд̣̇и анавасзсад̇о нийхари, д̇асмаа аб̣б̣ахий вад̇а мз салланд̇и яож̇анаа.
Tattha abbahī vata me sallaṃ, duddasaṃ hadayassitanti anupacitakusalasambhārehi yāthāvato duddasaṃ mama cittasannissitaṃ pīḷājananato dunnīharaṇato anto tudanato ca ‘‘salla’’nti laddhanāmaṃ sokaṃ taṇhañca abbahī vata nīhari vata. Yaṃ me sokaparetāyāti yasmā sokena abhibhūtāya mayhaṃ dhītusokaṃ byapānudi anavasesato nīhari, tasmā abbahī vata me sallanti yojanā.
сааж̇ж̇а аб̣б̣уул̣хасаллааханд̇и саа ахам̣ аж̇ж̇а саб̣б̣асо уд̣̇д̇хадад̇ан̣хаасаллаа д̇ад̇о зва нижчаад̇аа бариниб̣б̣уд̇аа. мунинд̇и саб̣б̣ан̃н̃уб̣уд̣̇д̇хам̣ д̇ад̣̇убад̣̇зсид̇амаг̇г̇апаланиб̣б̣аанабабхзд̣̇ам̣ нававид̇халогуд̇д̇арад̇хамман̃жа, д̇ад̇т̇а бад̇идтид̇ам̣ адтаарияабуг̇г̇аласамуухасан̇каад̇ам̣ сан̇гхан̃жа, ануд̇д̇арзхи д̇зхи яож̇анад̇о сагалаваддад̣̇угкавинаасанад̇о жа саран̣ам̣ д̇аан̣ам̣ лзн̣ам̣ барааяан̣анд̇и, убзми убаг̇ажчаами б̣уж̇жхаами сзваами жаад̇и ад̇т̇о.
Sājja abbūḷhasallāhanti sā ahaṃ ajja sabbaso uddhaṭataṇhāsallā tato eva nicchātā parinibbutā. Muninti sabbaññubuddhaṃ tadupadesitamaggaphalanibbānapabhedaṃ navavidhalokuttaradhammañca, tattha patiṭṭhitaṃ aṭṭhaariyapuggalasamūhasaṅkhātaṃ saṅghañca, anuttarehi tehi yojanato sakalavaṭṭadukkhavināsanato ca saraṇaṃ tāṇaṃ leṇaṃ parāyaṇanti, upemi upagacchāmi bujjhāmi sevāmi cāti attho.
уб̣б̣ирит̇зрийг̇аат̇ааван̣н̣анаа нидтид̇аа.
Ubbiritherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 5. уб̣б̣ирит̇зрийг̇аат̇аа • 5. Ubbiritherīgāthā
