| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. উভতোভাগৰিমুত্তসুত্তং
4. Ubhatobhāgavimuttasuttaṃ
৪৫. ‘‘‘উভতোভাগৰিমুত্তো উভতোভাগৰিমুত্তো’তি, আৰুসো, ৰুচ্চতি। কিত্তাৰতা নু খো, আৰুসো, উভতোভাগৰিমুত্তো ৰুত্তো ভগৰতা’’তি?
45. ‘‘‘Ubhatobhāgavimutto ubhatobhāgavimutto’ti, āvuso, vuccati. Kittāvatā nu kho, āvuso, ubhatobhāgavimutto vutto bhagavatā’’ti?
‘‘ইধাৰুসো, ভিক্খু ৰিৰিচ্চেৰ কামেহি…পে॰… পঠমং ঝানং উপসম্পজ্জ ৰিহরতি। যথা যথা চ তদাযতনং তথা তথা নং কাযেন ফুসিত্ৰা ৰিহরতি, পঞ্ঞায চ নং পজানাতি। এত্তাৰতাপি খো, আৰুসো, উভতোভাগৰিমুত্তো ৰুত্তো ভগৰতা পরিযাযেন…পে॰…।
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Yathā yathā ca tadāyatanaṃ tathā tathā naṃ kāyena phusitvā viharati, paññāya ca naṃ pajānāti. Ettāvatāpi kho, āvuso, ubhatobhāgavimutto vutto bhagavatā pariyāyena…pe….
‘‘পুন চপরং, আৰুসো, ভিক্খু সব্বসো নেৰসঞ্ঞানাসঞ্ঞাযতনং সমতিক্কম্ম সঞ্ঞাৰেদযিতনিরোধং উপসম্পজ্জ ৰিহরতি, পঞ্ঞায চস্স দিস্ৰা আসৰা পরিক্খীণা হোন্তি। যথা যথা চ তদাযতনং তথা তথা নং কাযেন ফুসিত্ৰা ৰিহরতি, পঞ্ঞায চ নং পজানাতি। এত্তাৰতাপি খো, আৰুসো, উভতোভাগৰিমুত্তো ৰুত্তো ভগৰতা নিপ্পরিযাযেনা’’তি। চতুত্থং।
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Yathā yathā ca tadāyatanaṃ tathā tathā naṃ kāyena phusitvā viharati, paññāya ca naṃ pajānāti. Ettāvatāpi kho, āvuso, ubhatobhāgavimutto vutto bhagavatā nippariyāyenā’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. উভতোভাগৰিমুত্তসুত্তৰণ্ণনা • 4. Ubhatobhāgavimuttasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সম্বাধসুত্তাদিৰণ্ণনা • 1-10. Sambādhasuttādivaṇṇanā
