| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༤. ཨུབྷཏོབྷཱགཝིམུཏྟསུཏྟཾ
4. Ubhatobhāgavimuttasuttaṃ
༤༥. ‘‘‘ཨུབྷཏོབྷཱགཝིམུཏྟོ ཨུབྷཏོབྷཱགཝིམུཏྟོ’ཏི, ཨཱཝུསོ, ཝུཙྩཏི། ཀིཏྟཱཝཏཱ ནུ ཁོ, ཨཱཝུསོ, ཨུབྷཏོབྷཱགཝིམུཏྟོ ཝུཏྟོ བྷགཝཏཱ’’ཏི?
45. ‘‘‘Ubhatobhāgavimutto ubhatobhāgavimutto’ti, āvuso, vuccati. Kittāvatā nu kho, āvuso, ubhatobhāgavimutto vutto bhagavatā’’ti?
‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ॰… པཋམཾ ཛྷཱནཾ ཨུཔསམྤཛྫ ཝིཧརཏི། ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི, པཉྙཱཡ ཙ ནཾ པཛཱནཱཏི། ཨེཏྟཱཝཏཱཔི ཁོ, ཨཱཝུསོ, ཨུབྷཏོབྷཱགཝིམུཏྟོ ཝུཏྟོ བྷགཝཏཱ པརིཡཱཡེན…པེ॰…།
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Yathā yathā ca tadāyatanaṃ tathā tathā naṃ kāyena phusitvā viharati, paññāya ca naṃ pajānāti. Ettāvatāpi kho, āvuso, ubhatobhāgavimutto vutto bhagavatā pariyāyena…pe….
‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི། ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི, པཉྙཱཡ ཙ ནཾ པཛཱནཱཏི། ཨེཏྟཱཝཏཱཔི ཁོ, ཨཱཝུསོ, ཨུབྷཏོབྷཱགཝིམུཏྟོ ཝུཏྟོ བྷགཝཏཱ ནིཔྤརིཡཱཡེནཱ’’ཏི། ཙཏུཏྠཾ།
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Yathā yathā ca tadāyatanaṃ tathā tathā naṃ kāyena phusitvā viharati, paññāya ca naṃ pajānāti. Ettāvatāpi kho, āvuso, ubhatobhāgavimutto vutto bhagavatā nippariyāyenā’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༤. ཨུབྷཏོབྷཱགཝིམུཏྟསུཏྟཝཎྞནཱ • 4. Ubhatobhāgavimuttasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སམྦཱདྷསུཏྟཱདིཝཎྞནཱ • 1-10. Sambādhasuttādivaṇṇanā
