| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਉਭਤੋਬ੍ਯਞ੍ਜਨਕવਤ੍ਥੁਕਥਾ
Ubhatobyañjanakavatthukathā
੧੧੬. ਉਭਤੋਬ੍ਯਞ੍ਜਨਕੋ ਭਿਕ੍ਖવੇਤਿ ਇਤ੍ਥਿਨਿਮਿਤ੍ਤੁਪ੍ਪਾਦਨਕਮ੍ਮਤੋ ਚ ਪੁਰਿਸਨਿਮਿਤ੍ਤੁਪ੍ਪਾਦਨਕਮ੍ਮਤੋ ਚ ਉਭਤੋ ਬ੍ਯਞ੍ਜਨਮਸ੍ਸ ਅਤ੍ਥੀਤਿ ਉਭਤੋਬ੍ਯਞ੍ਜਨਕੋ। ਕਰੋਤੀਤਿ ਪੁਰਿਸਨਿਮਿਤ੍ਤੇਨ ਇਤ੍ਥੀਸੁ ਮੇਥੁਨવੀਤਿਕ੍ਕਮਂ ਕਰੋਤਿ। ਕਾਰਾਪੇਤੀਤਿ ਪਰਂ ਸਮਾਦਪੇਤ੍વਾ ਅਤ੍ਤਨੋ ਇਤ੍ਥਿਨਿਮਿਤ੍ਤੇ ਕਾਰਾਪੇਤਿ, ਸੋ ਦੁવਿਧੋ ਹੋਤਿ – ਇਤ੍ਥਿਉਭਤੋਬ੍ਯਞ੍ਜਨਕੋ, ਪੁਰਿਸਉਭਤੋਬ੍ਯਞ੍ਜਨਕੋਤਿ।
116.Ubhatobyañjanako bhikkhaveti itthinimittuppādanakammato ca purisanimittuppādanakammato ca ubhato byañjanamassa atthīti ubhatobyañjanako. Karotīti purisanimittena itthīsu methunavītikkamaṃ karoti. Kārāpetīti paraṃ samādapetvā attano itthinimitte kārāpeti, so duvidho hoti – itthiubhatobyañjanako, purisaubhatobyañjanakoti.
ਤਤ੍ਥ ਇਤ੍ਥਿਉਭਤੋਬ੍ਯਞ੍ਜਨਕਸ੍ਸ ਇਤ੍ਥਿਨਿਮਿਤ੍ਤਂ ਪਾਕਟਂ ਹੋਤਿ, ਪੁਰਿਸਨਿਮਿਤ੍ਤਂ ਪਟਿਚ੍ਛਨ੍ਨਂ। ਪੁਰਿਸਉਭਤੋਬ੍ਯਞ੍ਜਨਕਸ੍ਸ ਪੁਰਿਸਨਿਮਿਤ੍ਤਂ ਪਾਕਟਂ, ਇਤ੍ਥਿਨਿਮਿਤ੍ਤਂ ਪਟਿਚ੍ਛਨ੍ਨਂ। ਇਤ੍ਥਿਉਭਤੋਬ੍ਯਞ੍ਜਨਕਸ੍ਸ ਇਤ੍ਥੀਸੁ ਪੁਰਿਸਤ੍ਤਂ ਕਰੋਨ੍ਤਸ੍ਸ ਇਤ੍ਥਿਨਿਮਿਤ੍ਤਂ ਪਟਿਚ੍ਛਨ੍ਨਂ ਹੋਤਿ, ਪੁਰਿਸਨਿਮਿਤ੍ਤਂ ਪਾਕਟਂ ਹੋਤਿ। ਪੁਰਿਸਉਭਤੋਬ੍ਯਞ੍ਜਨਕਸ੍ਸ ਪੁਰਿਸਾਨਂ ਇਤ੍ਥਿਭਾવਂ ਉਪਗਚ੍ਛਨ੍ਤਸ੍ਸ ਪੁਰਿਸਨਿਮਿਤ੍ਤਂ ਪਟਿਚ੍ਛਨ੍ਨਂ ਹੋਤਿ, ਇਤ੍ਥਿਨਿਮਿਤ੍ਤਂ ਪਾਕਟਂ ਹੋਤਿ। ਇਤ੍ਥਿਉਭਤੋਬ੍ਯਞ੍ਜਨਕੋ ਸਯਞ੍ਚ ਗਬ੍ਭਂ ਗਣ੍ਹਾਤਿ, ਪਰਞ੍ਚ ਗਣ੍ਹਾਪੇਤਿ। ਪੁਰਿਸਉਭਤੋਬ੍ਯਞ੍ਜਨਕੋ ਪਨ ਸਯਂ ਨ ਗਣ੍ਹਾਤਿ, ਪਰਂ ਗਣ੍ਹਾਪੇਤੀਤਿ, ਇਦਮੇਤੇਸਂ ਨਾਨਾਕਰਣਂ। ਕੁਰੁਨ੍ਦਿਯਂ ਪਨ વੁਤ੍ਤਂ – ‘‘ਯਦਿ ਪਟਿਸਨ੍ਧਿਯਂ ਪੁਰਿਸਲਿਙ੍ਗਂ ਪવਤ੍ਤੇ ਇਤ੍ਥਿਲਿਙ੍ਗਂ ਨਿਬ੍ਬਤ੍ਤਤਿ, ਯਦਿ ਪਟਿਸਨ੍ਧਿਯਂ ਇਤ੍ਥਿਲਿਙ੍ਗਂ ਪવਤ੍ਤੇ ਪੁਰਿਸਲਿਙ੍ਗਂ ਨਿਬ੍ਬਤ੍ਤਤੀ’’ਤਿ । ਤਤ੍ਥ વਿਚਾਰਣਕ੍ਕਮੋ વਿਤ੍ਥਾਰਤੋ ਅਟ੍ਠਸਾਲਿਨਿਯਾ ਧਮ੍ਮਸਙ੍ਗਹਟ੍ਠਕਥਾਯ વੇਦਿਤਬ੍ਬੋ। ਇਮਸ੍ਸ ਪਨ ਦੁવਿਧਸ੍ਸਾਪਿ ਉਭਤੋਬ੍ਯਞ੍ਜਨਕਸ੍ਸ ਨੇવ ਪਬ੍ਬਜ੍ਜਾ ਅਤ੍ਥਿ, ਨ ਉਪਸਮ੍ਪਦਾਤਿ ਇਦਮਿਧ વੇਦਿਤਬ੍ਬਂ।
Tattha itthiubhatobyañjanakassa itthinimittaṃ pākaṭaṃ hoti, purisanimittaṃ paṭicchannaṃ. Purisaubhatobyañjanakassa purisanimittaṃ pākaṭaṃ, itthinimittaṃ paṭicchannaṃ. Itthiubhatobyañjanakassa itthīsu purisattaṃ karontassa itthinimittaṃ paṭicchannaṃ hoti, purisanimittaṃ pākaṭaṃ hoti. Purisaubhatobyañjanakassa purisānaṃ itthibhāvaṃ upagacchantassa purisanimittaṃ paṭicchannaṃ hoti, itthinimittaṃ pākaṭaṃ hoti. Itthiubhatobyañjanako sayañca gabbhaṃ gaṇhāti, parañca gaṇhāpeti. Purisaubhatobyañjanako pana sayaṃ na gaṇhāti, paraṃ gaṇhāpetīti, idametesaṃ nānākaraṇaṃ. Kurundiyaṃ pana vuttaṃ – ‘‘yadi paṭisandhiyaṃ purisaliṅgaṃ pavatte itthiliṅgaṃ nibbattati, yadi paṭisandhiyaṃ itthiliṅgaṃ pavatte purisaliṅgaṃ nibbattatī’’ti . Tattha vicāraṇakkamo vitthārato aṭṭhasāliniyā dhammasaṅgahaṭṭhakathāya veditabbo. Imassa pana duvidhassāpi ubhatobyañjanakassa neva pabbajjā atthi, na upasampadāti idamidha veditabbaṃ.
ਉਭਤੋਬ੍ਯਜ੍ਜਨਕવਤ੍ਥੁਕਥਾ ਨਿਟ੍ਠਿਤਾ।
Ubhatobyajjanakavatthukathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੫੪. ਉਭਤੋਬ੍ਯਞ੍ਜਨਕવਤ੍ਥੁ • 54. Ubhatobyañjanakavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਭਤੋਬ੍ਯਞ੍ਜਨਕવਤ੍ਥੁਕਥਾવਣ੍ਣਨਾ • Ubhatobyañjanakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਭਤੋਬ੍ਯਞ੍ਜਨਕવਤ੍ਥੁਕਥਾવਣ੍ਣਨਾ • Ubhatobyañjanakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਭਤੋਬ੍ਯਞ੍ਜਨਕવਤ੍ਥੁਕਥਾવਣ੍ਣਨਾ • Ubhatobyañjanakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫੪. ਉਭਤੋਬ੍ਯਞ੍ਜਨਕવਤ੍ਥੁਕਥਾ • 54. Ubhatobyañjanakavatthukathā
