| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
убхад̇об̣яан̃ж̇анагавад̇т̇угат̇ааван̣н̣анаа
Ubhatobyañjanakavatthukathāvaṇṇanā
116. убхад̇о б̣яан̃ж̇анамасса ад̇т̇ийд̇и убхад̇об̣яан̃ж̇анагод̇и иминаа асамаанаад̇хигаран̣ависаяо б̣аахирад̇т̇асамаасояам̣, буримабад̣̇з жа вибхад̇д̇иалобод̇и д̣̇ассзд̇и. б̣яан̃ж̇ананд̇и жзд̇т̇а ид̇т̇инимид̇д̇ам̣ бурисанимид̇д̇ан̃жа ад̇хиббзд̇ам̣. ат̇а убхад̇об̣яан̃ж̇анагасса згамзва инд̣̇рияам̣, уд̣̇ааху д̣̇взд̇и? згамзва ‘‘яасса ид̇т̇инд̣̇рияам̣ уббаж̇ж̇ад̇и, д̇асса бурисинд̣̇рияам̣ уббаж̇ж̇ад̇ийд̇и? но. яасса ваа бана бурисинд̣̇рияам̣ уббаж̇ж̇ад̇и, д̇асса ид̇т̇инд̣̇рияам̣ уббаж̇ж̇ад̇ийд̇и? но’’д̇и (яама. 3.инд̣̇рияаяамага.188) згасмим̣ санд̇аанз инд̣̇рияад̣̇ваяасса бадисид̣̇д̇хад̇д̇аа, д̇ан̃жа ко ид̇т̇иубхад̇об̣яан̃ж̇анагасса ид̇т̇инд̣̇рияам̣, бурисаубхад̇об̣яан̃ж̇анагасса бурисинд̣̇рияам̣. яад̣̇и звам̣ д̣̇уд̇ияаб̣яан̃ж̇анагасса абхааво аабаж̇ж̇ад̇и. инд̣̇рияан̃хи б̣яан̃ж̇анагааран̣ам̣ вуд̇д̇ам̣, д̇ан̃жа д̇асса над̇т̇ийд̇и? вужжад̇з – на д̇асса инд̣̇рияам̣ д̣̇уд̇ияаб̣яан̃ж̇анагааран̣ам̣. гасмаа? сад̣̇аа абхаавад̇о. ид̇т̇иубхад̇об̣яан̃ж̇анагасса хи яад̣̇аа ид̇т̇ияаа рааг̇ажид̇д̇ам̣ уббаж̇ж̇ад̇и, д̇ад̣̇аа бурисаб̣яан̃ж̇анам̣ баагадам̣ ход̇и, ид̇т̇иб̣яан̃ж̇анам̣ бадижчаннам̣ г̇ул̣хам̣ ход̇и, д̇ат̇аа ид̇арасса ид̇арам̣. яад̣̇и жа д̇зсам̣ инд̣̇рияам̣ д̣̇уд̇ияаб̣яан̃ж̇анагааран̣ам̣ бхавзяяа, сад̣̇ааби б̣яан̃ж̇анад̣̇ваяам̣ д̇идтзяяа, на бана д̇идтад̇и, д̇асмаа взд̣̇ид̇аб̣б̣амзд̇ам̣ ‘‘на д̇асса д̇ам̣ б̣яан̃ж̇анагааран̣ам̣, гаммасахааяам̣ бана рааг̇ажид̇д̇амзвзд̇т̇а гааран̣а’’нд̇и.
116.Ubhatobyañjanamassa atthīti ubhatobyañjanakoti iminā asamānādhikaraṇavisayo bāhiratthasamāsoyaṃ, purimapade ca vibhattialopoti dasseti. Byañjananti cettha itthinimittaṃ purisanimittañca adhippetaṃ. Atha ubhatobyañjanakassa ekameva indriyaṃ, udāhu dveti? Ekameva ‘‘yassa itthindriyaṃ uppajjati, tassa purisindriyaṃ uppajjatīti? No. Yassa vā pana purisindriyaṃ uppajjati, tassa itthindriyaṃ uppajjatīti? No’’ti (yama. 3.indriyayamaka.188) ekasmiṃ santāne indriyadvayassa paṭisiddhattā, tañca kho itthiubhatobyañjanakassa itthindriyaṃ, purisaubhatobyañjanakassa purisindriyaṃ. Yadi evaṃ dutiyabyañjanakassa abhāvo āpajjati. Indriyañhi byañjanakāraṇaṃ vuttaṃ, tañca tassa natthīti? Vuccate – na tassa indriyaṃ dutiyabyañjanakāraṇaṃ. Kasmā? Sadā abhāvato. Itthiubhatobyañjanakassa hi yadā itthiyā rāgacittaṃ uppajjati, tadā purisabyañjanaṃ pākaṭaṃ hoti, itthibyañjanaṃ paṭicchannaṃ guḷhaṃ hoti, tathā itarassa itaraṃ. Yadi ca tesaṃ indriyaṃ dutiyabyañjanakāraṇaṃ bhaveyya, sadāpi byañjanadvayaṃ tiṭṭheyya, na pana tiṭṭhati, tasmā veditabbametaṃ ‘‘na tassa taṃ byañjanakāraṇaṃ, kammasahāyaṃ pana rāgacittamevettha kāraṇa’’nti.
яасмаа жасса згамзва инд̣̇рияам̣ ход̇и, д̇асмаа ид̇т̇иубхад̇об̣яан̃ж̇анаго саяамби г̇аб̣бхам̣ г̇ан̣хаад̇и, барамби г̇ан̣хаабзд̇и. бурисаубхад̇об̣яан̃ж̇анаго барам̣ г̇ан̣хаабзд̇и, саяам̣ бана на г̇ан̣хаад̇и. яад̣̇и бадисанд̇хияам̣ бурисалин̇г̇ам̣, яад̣̇и бадисанд̇хияам̣ ид̇т̇илин̇г̇анд̇и жа бадисанд̇хияам̣ лин̇г̇асаб̣бхааво гурунд̣̇ияам̣вуд̇д̇о, со жа аяуд̇д̇о. бавад̇д̇ияам̣язва хи ид̇т̇илин̇г̇аад̣̇ийни самудтаханд̇и, на бадисанд̇хияам̣. бадисанд̇хияам̣ бана инд̣̇рияамзва самудтаад̇и, на лин̇г̇аад̣̇ийни. на жа инд̣̇рияамзва лин̇г̇анд̇и саггаа вад̇д̇ум̣ инд̣̇рияалин̇г̇аанам̣ бхиннасабхаавад̇д̇аа. вуд̇д̇ан̃хзд̇ам̣ адтасаалинияам̣ (д̇ха. са. адта. 632) –
Yasmā cassa ekameva indriyaṃ hoti, tasmā itthiubhatobyañjanako sayampi gabbhaṃ gaṇhāti, parampi gaṇhāpeti. Purisaubhatobyañjanako paraṃ gaṇhāpeti, sayaṃ pana na gaṇhāti. Yadi paṭisandhiyaṃ purisaliṅgaṃ, yadi paṭisandhiyaṃ itthiliṅganti ca paṭisandhiyaṃ liṅgasabbhāvo kurundiyaṃvutto, so ca ayutto. Pavattiyaṃyeva hi itthiliṅgādīni samuṭṭhahanti, na paṭisandhiyaṃ. Paṭisandhiyaṃ pana indriyameva samuṭṭhāti, na liṅgādīni. Na ca indriyameva liṅganti sakkā vattuṃ indriyaliṅgānaṃ bhinnasabhāvattā. Vuttañhetaṃ aṭṭhasāliniyaṃ (dha. sa. aṭṭha. 632) –
‘‘ид̇т̇ад̇д̇ам̣ ид̇т̇ибхаавод̇и убхаяам̣ згад̇т̇ам̣, ид̇т̇исабхаавод̇и ад̇т̇о. аяам̣ гаммаж̇о бадисанд̇хисамудтид̇о. ид̇т̇илин̇г̇аад̣̇и бана ид̇т̇инд̣̇рияам̣ бадижжа бавад̇д̇з самудтид̇ам̣. яат̇аа б̣ийж̇з сад̇и б̣ийж̇ам̣ бадижжа б̣ийж̇абажжаяаа ругко вад̣дхид̇ваа саакаавидабасамбанно худ̇ваа аагаасам̣ буурзд̇ваа д̇идтад̇и, звамзва ид̇т̇ибхаавасан̇каад̇з ид̇т̇инд̣̇рияз сад̇и ид̇т̇илин̇г̇аад̣̇ийни хонд̇и. б̣ийж̇ам̣ вияа хи ид̇т̇инд̣̇рияам̣, б̣ийж̇ам̣ бадижжа вад̣дхид̇ваа аагаасам̣ буурзд̇ваа тид̇аругко вияа ид̇т̇инд̣̇рияам̣ бадижжа ид̇т̇илин̇г̇аад̣̇ийни бавад̇д̇з самудтаханд̇и. д̇ад̇т̇а ид̇т̇инд̣̇рияам̣ на жагкувин̃н̃зяяам̣, мановин̃н̃зяяамзва. ид̇т̇илин̇г̇аад̣̇ийни жагкувин̃н̃зяяааниби мановин̃н̃зяяаанибий’’д̇и.
‘‘Itthattaṃ itthibhāvoti ubhayaṃ ekatthaṃ, itthisabhāvoti attho. Ayaṃ kammajo paṭisandhisamuṭṭhito. Itthiliṅgādi pana itthindriyaṃ paṭicca pavatte samuṭṭhitaṃ. Yathā bīje sati bījaṃ paṭicca bījapaccayā rukkho vaḍḍhitvā sākhāviṭapasampanno hutvā ākāsaṃ pūretvā tiṭṭhati, evameva itthibhāvasaṅkhāte itthindriye sati itthiliṅgādīni honti. Bījaṃ viya hi itthindriyaṃ, bījaṃ paṭicca vaḍḍhitvā ākāsaṃ pūretvā ṭhitarukkho viya itthindriyaṃ paṭicca itthiliṅgādīni pavatte samuṭṭhahanti. Tattha itthindriyaṃ na cakkhuviññeyyaṃ, manoviññeyyameva. Itthiliṅgādīni cakkhuviññeyyānipi manoviññeyyānipī’’ti.
д̇знзвааха ‘‘д̇ад̇т̇а вижааран̣аггамо вид̇т̇аарад̇о адтасаалинияаа д̇хаммасан̇г̇ахадтагат̇ааяа взд̣̇ид̇аб̣б̣о’’д̇и.
Tenevāha ‘‘tattha vicāraṇakkamo vitthārato aṭṭhasāliniyā dhammasaṅgahaṭṭhakathāya veditabbo’’ti.
убхад̇об̣яан̃ж̇анагавад̇т̇угат̇ааван̣н̣анаа нидтид̇аа.
Ubhatobyañjanakavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 54. убхад̇об̣яан̃ж̇анагавад̇т̇у • 54. Ubhatobyañjanakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убхад̇об̣яан̃ж̇анагавад̇т̇угат̇аа • Ubhatobyañjanakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убхад̇об̣яан̃ж̇анагавад̇т̇угат̇ааван̣н̣анаа • Ubhatobyañjanakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убхад̇об̣яан̃ж̇анагавад̇т̇угат̇ааван̣н̣анаа • Ubhatobyañjanakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 54. убхад̇об̣яан̃ж̇анагавад̇т̇угат̇аа • 54. Ubhatobyañjanakavatthukathā
