| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. উভযসুত্তং
6. Ubhayasuttaṃ
১৬৬. ‘‘চতস্সো ইমা, ভিক্খৰে, পটিপদা। কতমা চতস্সো? দুক্খা পটিপদা দন্ধাভিঞ্ঞা, দুক্খা পটিপদা খিপ্পাভিঞ্ঞা, সুখা পটিপদা দন্ধাভিঞ্ঞা, সুখা পটিপদা খিপ্পাভিঞ্ঞা।
166. ‘‘Catasso imā, bhikkhave, paṭipadā. Katamā catasso? Dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññā.
‘‘তত্র , ভিক্খৰে, যাযং পটিপদা দুক্খা দন্ধাভিঞ্ঞা, অযং, ভিক্খৰে, পটিপদা উভযেনেৰ হীনা অক্খাযতি। যম্পাযং পটিপদা দুক্খা, ইমিনাপাযং হীনা অক্খাযতি; যম্পাযং পটিপদা দন্ধা, ইমিনাপাযং হীনা অক্খাযতি। অযং, ভিক্খৰে, পটিপদা উভযেনেৰ হীনা অক্খাযতি।
‘‘Tatra , bhikkhave, yāyaṃ paṭipadā dukkhā dandhābhiññā, ayaṃ, bhikkhave, paṭipadā ubhayeneva hīnā akkhāyati. Yampāyaṃ paṭipadā dukkhā, imināpāyaṃ hīnā akkhāyati; yampāyaṃ paṭipadā dandhā, imināpāyaṃ hīnā akkhāyati. Ayaṃ, bhikkhave, paṭipadā ubhayeneva hīnā akkhāyati.
‘‘তত্র, ভিক্খৰে, যাযং পটিপদা দুক্খা খিপ্পাভিঞ্ঞা, অযং, ভিক্খৰে, পটিপদা দুক্খত্তা হীনা অক্খাযতি।
‘‘Tatra, bhikkhave, yāyaṃ paṭipadā dukkhā khippābhiññā, ayaṃ, bhikkhave, paṭipadā dukkhattā hīnā akkhāyati.
‘‘তত্র , ভিক্খৰে, যাযং পটিপদা সুখা দন্ধাভিঞ্ঞা, অযং, ভিক্খৰে, পটিপদা দন্ধত্তা হীনা অক্খাযতি।
‘‘Tatra , bhikkhave, yāyaṃ paṭipadā sukhā dandhābhiññā, ayaṃ, bhikkhave, paṭipadā dandhattā hīnā akkhāyati.
‘‘তত্র, ভিক্খৰে, যাযং পটিপদা সুখা খিপ্পাভিঞ্ঞা, অযং, ভিক্খৰে, পটিপদা উভযেনেৰ পণীতা অক্খাযতি। যম্পাযং পটিপদা সুখা, ইমিনাপাযং পণীতা অক্খাযতি; যম্পাযং পটিপদা খিপ্পা, ইমিনাপাযং পণীতা অক্খাযতি। অযং, ভিক্খৰে, পটিপদা উভযেনেৰ পণীতা অক্খাযতি। ইমা খো, ভিক্খৰে, চতস্সো পটিপদা’’তি। ছট্ঠং।
‘‘Tatra, bhikkhave, yāyaṃ paṭipadā sukhā khippābhiññā, ayaṃ, bhikkhave, paṭipadā ubhayeneva paṇītā akkhāyati. Yampāyaṃ paṭipadā sukhā, imināpāyaṃ paṇītā akkhāyati; yampāyaṃ paṭipadā khippā, imināpāyaṃ paṇītā akkhāyati. Ayaṃ, bhikkhave, paṭipadā ubhayeneva paṇītā akkhāyati. Imā kho, bhikkhave, catasso paṭipadā’’ti. Chaṭṭhaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-৬. পঠমখমসুত্তাদিৰণ্ণনা • 4-6. Paṭhamakhamasuttādivaṇṇanā
