| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
3. උභයත්‌ථසුත්‌තං
3. Ubhayatthasuttaṃ
23. වුත්‌තඤ්‌හෙතං භගවතා, වුත්‌තමරහතාති මෙ සුතං –
23. Vuttañhetaṃ bhagavatā, vuttamarahatāti me sutaṃ –
‘‘එකධම්‌මො , භික්‌ඛවෙ, භාවිතො බහුලීකතො උභො අත්‌ථෙ සමධිගය්‌හ තිට්‌ඨති – දිට්‌ඨධම්‌මිකඤ්‌චෙව අත්‌ථං සම්‌පරායිකඤ්‌ච. කතමො එකධම්‌මො? අප්‌පමාදො කුසලෙසු ධම්‌මෙසු. අයං ඛො, භික්‌ඛවෙ, එකධම්‌මො භාවිතො බහුලීකතො උභො අත්‌ථෙ සමධිගය්‌හ තිට්‌ඨති – දිට්‌ඨධම්‌මිකඤ්‌චෙව අත්‌ථං සම්‌පරායිකඤ්‌චා’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Ekadhammo , bhikkhave, bhāvito bahulīkato ubho atthe samadhigayha tiṭṭhati – diṭṭhadhammikañceva atthaṃ samparāyikañca. Katamo ekadhammo? Appamādo kusalesu dhammesu. Ayaṃ kho, bhikkhave, ekadhammo bhāvito bahulīkato ubho atthe samadhigayha tiṭṭhati – diṭṭhadhammikañceva atthaṃ samparāyikañcā’’ti. Etamatthaṃ bhagavā avoca. Tatthetaṃ iti vuccati –
‘‘අප්‌පමාදං පසංසන්‌ති, පුඤ්‌ඤකිරියාසු පණ්‌ඩිතා;
‘‘Appamādaṃ pasaṃsanti, puññakiriyāsu paṇḍitā;
අප්‌පමත්‌තො උභො අත්‌ථෙ, අධිගණ්‌හාති පණ්‌ඩිතො.
Appamatto ubho atthe, adhigaṇhāti paṇḍito.
‘‘දිට්‌ඨෙ ධම්‌මෙ ච යො අත්‌ථො, යො චත්‌ථො සම්‌පරායිකො;
‘‘Diṭṭhe dhamme ca yo attho, yo cattho samparāyiko;
අත්‌ථාභිසමයා ධීරො, පණ්‌ඩිතොති පවුච්‌චතී’’ති.
Atthābhisamayā dhīro, paṇḍitoti pavuccatī’’ti.
අයම්‌පි අත්‌ථො වුත්‌තො භගවතා, ඉති මෙ සුතන්‌ති. තතියං.
Ayampi attho vutto bhagavatā, iti me sutanti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 3. උභයත්‌ථසුත්‌තවණ්‌ණනා • 3. Ubhayatthasuttavaṇṇanā
