| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. убхаяад̇т̇асуд̇д̇аван̣н̣анаа
3. Ubhayatthasuttavaṇṇanā
23. д̇ад̇ияз бхаавид̇од̇и уббаад̣̇ид̇о жа вад̣дхид̇о жа. б̣ахулийгад̇од̇и бунаббунам̣ гад̇о. ад̇т̇од̇и хид̇ам̣. д̇ан̃хи аран̣ийяад̇о убаг̇анд̇аб̣б̣ад̇о ад̇т̇од̇и вужжад̇и. самад̇хиг̇аяха д̇идтад̇ийд̇и саммаа бариг̇г̇ахзд̇ваа авиж̇ахид̇ваа вад̇д̇ад̇и. д̣̇идтад̇хаммиганд̇и д̣̇идтад̇хаммо вужжад̇и бажжагкабхууд̇о ад̇д̇абхааво, д̣̇идтад̇хаммз бхавам̣ д̣̇идтад̇хаммигам̣, ид̇халогабарияаабаннанд̇и ад̇т̇о. самбарааяиганд̇и д̇хаммавасзна самбарзд̇аб̣б̣ад̇о самбарааяо, баралого, самбарааяз бхавам̣ самбарааяигам̣, баралогабарияаабаннанд̇и вуд̇д̇ам̣ ход̇и.
23. Tatiye bhāvitoti uppādito ca vaḍḍhito ca. Bahulīkatoti punappunaṃ kato. Atthoti hitaṃ. Tañhi araṇīyato upagantabbato atthoti vuccati. Samadhigayha tiṭṭhatīti sammā pariggahetvā avijahitvā vattati. Diṭṭhadhammikanti diṭṭhadhammo vuccati paccakkhabhūto attabhāvo, diṭṭhadhamme bhavaṃ diṭṭhadhammikaṃ, idhalokapariyāpannanti attho. Samparāyikanti dhammavasena samparetabbato samparāyo, paraloko, samparāye bhavaṃ samparāyikaṃ, paralokapariyāpannanti vuttaṃ hoti.
го банзса д̣̇идтад̇хаммиго наама ад̇т̇о, го ваа самбарааяигод̇и? сан̇кзбзна д̇аава яам̣ ид̇халогасукам̣, яан̃жзд̇арахи ид̇халогасукаавахам̣, аяам̣ д̣̇идтад̇хаммиго ад̇т̇о. сзяяат̇ид̣̇ам̣ – г̇ахадтаанам̣ д̇аава ид̇ха яам̣ гин̃жи вид̇д̇уубагаран̣ам̣, анаагулагамманд̇ад̇аа, аарог̇яасам̣вид̇хаанам̣, вад̇т̇увисад̣̇агирияааяог̇авихид̇аани сиббааяад̇анавиж̇ж̇аадтаанаани сан̇г̇ахид̇абариж̇анад̇аад̇и звамаад̣̇и. баб̣б̣аж̇ид̇аанам̣ бана яз имз ж̇ийвид̇абаригкаараа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараа. д̇зсам̣ агижчалаабхо, д̇ад̇т̇а жа сан̇кааяа бадисзванаа , сан̇кааяа бариваж̇ж̇анаа, вад̇т̇увисад̣̇агирияаа, аббижчад̇аа, санд̇удти, бавивзго, асам̣саг̇г̇од̇и звамаад̣̇и. бад̇ируубад̣̇зсаваасасаббурисуубаниссаяасад̣̇д̇хаммассаванаяонисоманасигаараад̣̇аяо бана убхаязсам̣ саад̇хааран̣аа убхаяаануруубаа жаад̇и взд̣̇ид̇аб̣б̣аа.
Ko panesa diṭṭhadhammiko nāma attho, ko vā samparāyikoti? Saṅkhepena tāva yaṃ idhalokasukhaṃ, yañcetarahi idhalokasukhāvahaṃ, ayaṃ diṭṭhadhammiko attho. Seyyathidaṃ – gahaṭṭhānaṃ tāva idha yaṃ kiñci vittūpakaraṇaṃ, anākulakammantatā, ārogyasaṃvidhānaṃ, vatthuvisadakiriyāyogavihitāni sippāyatanavijjāṭṭhānāni saṅgahitaparijanatāti evamādi. Pabbajitānaṃ pana ye ime jīvitaparikkhārā cīvarapiṇḍapātasenāsanagilānappaccayabhesajjaparikkhārā. Tesaṃ akicchalābho, tattha ca saṅkhāya paṭisevanā , saṅkhāya parivajjanā, vatthuvisadakiriyā, appicchatā, santuṭṭhi, paviveko, asaṃsaggoti evamādi. Patirūpadesavāsasappurisūpanissayasaddhammassavanayonisomanasikārādayo pana ubhayesaṃ sādhāraṇā ubhayānurūpā cāti veditabbā.
аббамаад̣̇од̇и зд̇т̇а аббамаад̣̇о бамаад̣̇аббадибагкад̇о взд̣̇ид̇аб̣б̣о. го банзса бамаад̣̇о наама? бамаж̇ж̇анаагааро. вуд̇д̇ам̣ хзд̇ам̣ –
Appamādoti ettha appamādo pamādappaṭipakkhato veditabbo. Ko panesa pamādo nāma? Pamajjanākāro. Vuttaṃ hetaṃ –
‘‘д̇ад̇т̇а гад̇амо бамаад̣̇о? гааяад̣̇ужжарид̇з ваа важийд̣̇ужжарид̇з ваа манод̣̇ужжарид̇з ваа бан̃жасу ваа гаамаг̇ун̣зсу жид̇д̇асса воссаг̇г̇о воссаг̇г̇аануббаад̣̇анам̣ гусалаанам̣ ваа д̇хаммаанам̣ бхааванааяа асаггажжагирияад̇аа асаад̇ажжагирияад̇аа анадтид̇агирияад̇аа олийнавуд̇д̇ид̇аа нигкид̇д̇ачанд̣̇ад̇аа нигкид̇д̇ад̇хурад̇аа анаасзванаа абхааванаа аб̣ахулийгаммам̣ анад̇хидтаанам̣ анануяог̇обамаад̣̇о. яо зваруубо бамаад̣̇о бамаж̇ж̇анаа бамаж̇ж̇ид̇ад̇д̇ам̣. аяам̣ вужжад̇и бамаад̣̇о’’д̇и (вибха. 846).
‘‘Tattha katamo pamādo? Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppādanaṃ kusalānaṃ vā dhammānaṃ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abhāvanā abahulīkammaṃ anadhiṭṭhānaṃ ananuyogopamādo. Yo evarūpo pamādo pamajjanā pamajjitattaṃ. Ayaṃ vuccati pamādo’’ti (vibha. 846).
д̇асмаа вуд̇д̇аббадибагкад̇о аббамаад̣̇о взд̣̇ид̇аб̣б̣о. ад̇т̇ад̇о хи со сад̇ияаа авиббаваасо, нижжам̣ убадтид̇ассад̇ияаа зд̇ам̣ наамам̣. абарз бана ‘‘сад̇исамбаж̇ан̃н̃аяог̇зна бавад̇д̇аа жад̇д̇ааро аруубино канд̇хаа аббамаад̣̇о’’д̇и вад̣̇анд̇и.
Tasmā vuttappaṭipakkhato appamādo veditabbo. Atthato hi so satiyā avippavāso, niccaṃ upaṭṭhitassatiyā etaṃ nāmaṃ. Apare pana ‘‘satisampajaññayogena pavattā cattāro arūpino khandhā appamādo’’ti vadanti.
‘‘бхаавид̇о б̣ахуулийгад̇о’’д̇и вуд̇д̇ам̣, гат̇ам̣ банааяам̣ аббамаад̣̇о бхаавзд̇аб̣б̣од̇и? на аббамаад̣̇абхааванаа наама висум̣ згабхааванаа ад̇т̇и. яаа хи гаажи бун̃н̃агирияаа гусалагирияаа, саб̣б̣аа саа аббамаад̣̇абхааванаад̇взва взд̣̇ид̇аб̣б̣аа. висзсад̇о бана виваддуубаниссаяам̣ саран̣аг̇аманам̣ гааяигаваажасигасам̣варан̃жа убаад̣̇ааяа саб̣б̣аа сийлабхааванаа, саб̣б̣аа самаад̇хибхааванаа, саб̣б̣аа бан̃н̃аабхааванаа, саб̣б̣аа гусалабхааванаа, анаваж̇ж̇абхааванаа, аббамаад̣̇абхааванаад̇и взд̣̇ид̇аб̣б̣аа. ‘‘аббамаад̣̇о’’д̇и хи ид̣̇ам̣ маханд̇ам̣ ад̇т̇ам̣ д̣̇ийбзд̇и, маханд̇ам̣ ад̇т̇ам̣ бариг̇г̇ахзд̇ваа д̇идтад̇и. сагаламби д̇збидагам̣ б̣уд̣̇д̇хаважанам̣ аахарид̇ваа аббамаад̣̇абад̣̇асса ад̇т̇ам̣ гад̇ваа гат̇знд̇о д̇хаммагат̇иго ‘‘ад̇ид̇т̇зна багканд̣̇о’’д̇и на вад̇д̇аб̣б̣о. гасмаа? аббамаад̣̇абад̣̇асса маханд̇абхаавад̇о. д̇ат̇аа хи саммаасамб̣уд̣̇д̇хо гусинаарааяам̣ яамагасаалаанаманд̇арз бариниб̣б̣аанасамаяз нибанно абхисамб̣од̇хид̇о бадтааяа бан̃жажад̇д̇аалийсааяа вассзсу ад̇д̇анаа бхаасид̇ам̣ д̇хаммам̣ згзна бад̣̇зна сан̇г̇ахзд̇ваа д̣̇ассзнд̇о – ‘‘аббамаад̣̇зна самбаад̣̇зт̇аа’’д̇и бхигкуунам̣ оваад̣̇амад̣̇ааси. д̇ат̇аа жа вуд̇д̇ам̣ –
‘‘Bhāvito bahūlīkato’’ti vuttaṃ, kathaṃ panāyaṃ appamādo bhāvetabboti? Na appamādabhāvanā nāma visuṃ ekabhāvanā atthi. Yā hi kāci puññakiriyā kusalakiriyā, sabbā sā appamādabhāvanātveva veditabbā. Visesato pana vivaṭṭūpanissayaṃ saraṇagamanaṃ kāyikavācasikasaṃvarañca upādāya sabbā sīlabhāvanā, sabbā samādhibhāvanā, sabbā paññābhāvanā, sabbā kusalabhāvanā, anavajjabhāvanā, appamādabhāvanāti veditabbā. ‘‘Appamādo’’ti hi idaṃ mahantaṃ atthaṃ dīpeti, mahantaṃ atthaṃ pariggahetvā tiṭṭhati. Sakalampi tepiṭakaṃ buddhavacanaṃ āharitvā appamādapadassa atthaṃ katvā kathento dhammakathiko ‘‘atitthena pakkhando’’ti na vattabbo. Kasmā? Appamādapadassa mahantabhāvato. Tathā hi sammāsambuddho kusinārāyaṃ yamakasālānamantare parinibbānasamaye nipanno abhisambodhito paṭṭhāya pañcacattālīsāya vassesu attanā bhāsitaṃ dhammaṃ ekena padena saṅgahetvā dassento – ‘‘appamādena sampādethā’’ti bhikkhūnaṃ ovādamadāsi. Tathā ca vuttaṃ –
‘‘сзяяат̇ааби, бхигкавз , яаани гаанижи ж̇ан̇г̇алаанам̣ баан̣аанам̣ бад̣̇аж̇аад̇аани, саб̣б̣аани д̇аани хад̇т̇ибад̣̇з самод̇хаанам̣ г̇ажчанд̇и, хад̇т̇ибад̣̇ам̣ д̇зсам̣ аг̇г̇амагкааяад̇и яад̣̇ид̣̇ам̣ маханд̇адтзна; звамзва ко, бхигкавз, яз гзжи гусалаа д̇хаммаа, саб̣б̣зд̇з аббамаад̣̇амуулагаа аббамаад̣̇асамосаран̣аа, аббамаад̣̇о д̇зсам̣ д̇хаммаанам̣ аг̇г̇амагкааяад̇ий’’д̇и (ма. ни. 1.300).
‘‘Seyyathāpi, bhikkhave , yāni kānici jaṅgalānaṃ pāṇānaṃ padajātāni, sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati yadidaṃ mahantaṭṭhena; evameva kho, bhikkhave, ye keci kusalā dhammā, sabbete appamādamūlakā appamādasamosaraṇā, appamādo tesaṃ dhammānaṃ aggamakkhāyatī’’ti (ma. ni. 1.300).
г̇аат̇аасу аббамаад̣̇ам̣ басам̣санд̇ийд̇и д̣̇аанаад̣̇ибун̃н̃агирияаасу аббамаад̣̇ам̣ аббамаж̇ж̇анам̣ бан̣д̣ид̇аа саббан̃н̃аа б̣уд̣̇д̇хаад̣̇аяо басам̣санд̇и, ван̣н̣знд̇и т̇омзнд̇и. гасмаа? яасмаа аббамад̇д̇о убхо ад̇т̇з ад̇хиг̇ан̣хаад̇и бан̣д̣ид̇о. гз бана д̇з убхо ад̇т̇аад̇и ааха – ‘‘д̣̇идтз д̇хаммз жа яо ад̇т̇о, яо жад̇т̇о самбарааяиго’’д̇и, звамзд̇т̇а бад̣̇аяож̇анаа взд̣̇ид̇аб̣б̣аа. ид̇хааби д̣̇идтз д̇хаммз жа яо ад̇т̇од̇и г̇ахадтасса д̇аава ‘‘анаваж̇ж̇аани гаммаани, анаагулаа жа гамманд̇аа’’д̇иаад̣̇инаа наязна вуд̇д̇о гасиг̇орагкаад̣̇ивид̇хинаа лад̣̇д̇хаб̣б̣о ад̇т̇о, баб̣б̣аж̇ид̇асса бана авиббадисаараад̣̇иад̇т̇о взд̣̇ид̇аб̣б̣о. яо жад̇т̇о самбарааяигод̇и бана убхаязсамби д̇хаммажарияаава вуд̇д̇аад̇и взд̣̇ид̇аб̣б̣аа. ад̇т̇аабхисамаяаад̇и д̣̇увид̇хассаби ад̇т̇асса хид̇асса бадилаабхаа, лад̣̇д̇хаб̣б̣зна самид̇и сан̇г̇ад̇и самод̇хаананд̇и самаяо, лаабхо. самаяо зва абхисамаяо, абхимукабхаавзна ваа самаяо абхисамаяод̇и звамзд̇т̇а абхисамаяо взд̣̇ид̇аб̣б̣о. д̇хид̇исамбаннад̇д̇аа д̇хийро. д̇ад̇иязна жзд̇т̇а ад̇т̇а-сад̣̇д̣̇зна барамад̇т̇асса ниб̣б̣аанассааби сан̇г̇ахо взд̣̇ид̇аб̣б̣о. сзсам̣ сувин̃н̃зяяамзва. ид̇и имасмим̣ суд̇д̇з ваддасамбад̇д̇и зва гат̇ид̇аа. г̇аат̇ааяам̣ бана виваддассаби сан̇г̇ахо д̣̇адтаб̣б̣о. д̇ат̇аа хи вуд̇д̇ам̣ –
Gāthāsu appamādaṃ pasaṃsantīti dānādipuññakiriyāsu appamādaṃ appamajjanaṃ paṇḍitā sappaññā buddhādayo pasaṃsanti, vaṇṇenti thomenti. Kasmā? Yasmā appamatto ubho atthe adhigaṇhāti paṇḍito. Ke pana te ubho atthāti āha – ‘‘diṭṭhe dhamme ca yo attho, yo cattho samparāyiko’’ti, evamettha padayojanā veditabbā. Idhāpi diṭṭhe dhamme ca yo atthoti gahaṭṭhassa tāva ‘‘anavajjāni kammāni, anākulā ca kammantā’’tiādinā nayena vutto kasigorakkhādividhinā laddhabbo attho, pabbajitassa pana avippaṭisārādiattho veditabbo. Yo cattho samparāyikoti pana ubhayesampi dhammacariyāva vuttāti veditabbā. Atthābhisamayāti duvidhassapi atthassa hitassa paṭilābhā, laddhabbena samiti saṅgati samodhānanti samayo, lābho. Samayo eva abhisamayo, abhimukhabhāvena vā samayo abhisamayoti evamettha abhisamayo veditabbo. Dhitisampannattā dhīro. Tatiyena cettha attha-saddena paramatthassa nibbānassāpi saṅgaho veditabbo. Sesaṃ suviññeyyameva. Iti imasmiṃ sutte vaṭṭasampatti eva kathitā. Gāthāyaṃ pana vivaṭṭassapi saṅgaho daṭṭhabbo. Tathā hi vuttaṃ –
‘‘аббамаад̣̇о амад̇абад̣̇ам̣, бамаад̣̇о мажжуно бад̣̇ам̣;
‘‘Appamādo amatapadaṃ, pamādo maccuno padaṃ;
аббамад̇д̇аа на мийяанд̇и, яз бамад̇д̇аа яат̇аа мад̇аа.
Appamattā na mīyanti, ye pamattā yathā matā.
‘‘звам̣ висзсад̇о н̃ад̇ваа, аббамаад̣̇амхи бан̣д̣ид̇аа;
‘‘Evaṃ visesato ñatvā, appamādamhi paṇḍitā;
аббамаад̣̇з бамод̣̇анд̇и, арияаанам̣ г̇ожарз рад̇аа.
Appamāde pamodanti, ariyānaṃ gocare ratā.
‘‘д̇з жхааяино саад̇ад̇игаа, нижжам̣ д̣̇ал̣хабараггамаа;
‘‘Te jhāyino sātatikā, niccaṃ daḷhaparakkamā;
пусанд̇и д̇хийраа ниб̣б̣аанам̣, яог̇агкзмам̣ ануд̇д̇ара’’нд̇и. (д̇ха. ба. 21-23);
Phusanti dhīrā nibbānaṃ, yogakkhemaṃ anuttara’’nti. (dha. pa. 21-23);
д̇асмаа ‘‘ад̇т̇аабхисамаяаа’’д̇и зд̇т̇а логуд̇д̇арад̇т̇авасзнаби ад̇т̇о взд̣̇ид̇аб̣б̣о.
Tasmā ‘‘atthābhisamayā’’ti ettha lokuttaratthavasenapi attho veditabbo.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. убхаяад̇т̇асуд̇д̇ам̣ • 3. Ubhayatthasuttaṃ
