| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ужжаасаяанамахаасаяанабадигкзбагат̇ааван̣н̣анаа
Uccāsayanamahāsayanapaṭikkhepakathāvaṇṇanā
254. ваал̣аруубаанийд̇и аахаримаани ваал̣аруубаани. ‘‘агаббияаруубаагуло агаббияаман̃жо баллан̇го’’д̇и саарасамаасз вуд̇д̇ам̣. ‘‘д̣̇ийгхаломаго махаагож̇авод̇и жад̇уран̇г̇улаад̇хигаломо гаал̣агож̇аво. ‘‘жад̇уран̇г̇улаад̇хигаани гира д̇асса ломааний’’д̇и важанад̇о жад̇уран̇г̇улад̇о хздтаа ваддад̇ийд̇и вад̣̇анд̇и. ваанажид̇ро ун̣н̣аамаяад̇т̇аран̣од̇и бхид̇д̇ижчзд̣̇аад̣̇ивасзна вижид̇ро ун̣н̣аамаяад̇т̇аран̣о. гханабубпаго ун̣н̣аамаяад̇т̇аран̣од̇и ун̣н̣аамаяалохид̇ад̇т̇аран̣о. багад̇ид̇уулигаад̇и ругкад̇уулалад̇аад̇уулабодагийд̇ууласан̇каад̇аанам̣ д̇ин̣н̣ам̣ д̇уулаанам̣ ан̃н̃ад̇арабун̣н̣аа д̇уулигаа. ‘‘уд̣̇д̣̇аломийд̇и убхад̇од̣̇асам̣ ун̣н̣аамаяад̇т̇аран̣ам̣. зганд̇аломийд̇и згад̇од̣̇асам̣ ун̣н̣аамаяад̇т̇аран̣а’’нд̇и д̣̇ийгханигааяадтагат̇ааяам̣ (д̣̇ий. ни. адта. 1.15) вуд̇д̇ам̣, саарасамаасз бана ‘‘уд̣̇д̣̇аломийд̇и згад̇о уг̇г̇ад̇абубпам̣. зганд̇аломийд̇и убхад̇о уг̇г̇ад̇абубпа’’нд̇и вуд̇д̇ам̣. ‘‘госзяяагаддиссамаяанд̇и госзяяагасадамаяа’’нд̇и аажарияад̇хаммабаалад̇т̇зрзна вуд̇д̇ам̣. суд̣̇д̇хагосзяяанд̇и рад̇анабарисиб̣б̣анарахид̇ам̣. д̣̇ийгханигааяадтагат̇ааяам̣ банзд̇т̇а ‘‘табзд̇ваа д̇уулигам̣ саб̣б̣аанзва г̇онагаад̣̇ийни рад̇анабарисиб̣б̣ид̇аани вадданд̇ий’’д̇и вуд̇д̇ам̣. д̇ад̇т̇а ‘‘табзд̇ваа д̇уулига’’нд̇и зд̇зна рад̇анабарисиб̣б̣анарахид̇ааби д̇уулигаа на ваддад̇ийд̇и д̣̇ийбзд̇и. ‘‘рад̇анабарисиб̣б̣ид̇аани вадданд̇ий’’д̇и иминаа бана яаани рад̇анабарисиб̣б̣ид̇аани, д̇аани бхуумад̇т̇аран̣авасзна яат̇аануруубам̣ ман̃жаад̣̇ийсу жа убанзд̇ум̣ ваддад̇ийд̇и д̣̇ийбид̇анд̇и взд̣̇ид̇аб̣б̣ам̣. зд̇т̇а жа винаяабарияааяам̣ бад̇ваа г̇аругз таад̇аб̣б̣ад̇д̇аа ид̇ха вуд̇д̇анаязнзвзд̇т̇а винижчаяо взд̣̇ид̇аб̣б̣о. суд̇д̇анд̇игад̣̇зсанааяам̣ бана г̇ахадтаанамби васзна вуд̇д̇ад̇д̇аа д̇зсам̣ сан̇г̇ан̣ханад̇т̇ам̣ ‘‘табзд̇ваа д̇уулигам̣…бз… вадданд̇ий’’д̇и вуд̇д̇анд̇и абарз.
254.Vāḷarūpānīti āharimāni vāḷarūpāni. ‘‘Akappiyarūpākulo akappiyamañco pallaṅko’’ti sārasamāse vuttaṃ. ‘‘Dīghalomako mahākojavoti caturaṅgulādhikalomo kāḷakojavo. ‘‘Caturaṅgulādhikāni kira tassa lomānī’’ti vacanato caturaṅgulato heṭṭhā vaṭṭatīti vadanti. Vānacitro uṇṇāmayattharaṇoti bhitticchedādivasena vicitro uṇṇāmayattharaṇo. Ghanapupphako uṇṇāmayattharaṇoti uṇṇāmayalohitattharaṇo. Pakatitūlikāti rukkhatūlalatātūlapoṭakītūlasaṅkhātānaṃ tiṇṇaṃ tūlānaṃ aññatarapuṇṇā tūlikā. ‘‘Uddalomīti ubhatodasaṃ uṇṇāmayattharaṇaṃ. Ekantalomīti ekatodasaṃ uṇṇāmayattharaṇa’’nti dīghanikāyaṭṭhakathāyaṃ (dī. ni. aṭṭha. 1.15) vuttaṃ, sārasamāse pana ‘‘uddalomīti ekato uggatapupphaṃ. Ekantalomīti ubhato uggatapuppha’’nti vuttaṃ. ‘‘Koseyyakaṭṭissamayanti koseyyakasaṭamaya’’nti ācariyadhammapālattherena vuttaṃ. Suddhakoseyyanti ratanaparisibbanarahitaṃ. Dīghanikāyaṭṭhakathāyaṃ panettha ‘‘ṭhapetvā tūlikaṃ sabbāneva gonakādīni ratanaparisibbitāni vaṭṭantī’’ti vuttaṃ. Tattha ‘‘ṭhapetvā tūlika’’nti etena ratanaparisibbanarahitāpi tūlikā na vaṭṭatīti dīpeti. ‘‘Ratanaparisibbitāni vaṭṭantī’’ti iminā pana yāni ratanaparisibbitāni, tāni bhūmattharaṇavasena yathānurūpaṃ mañcādīsu ca upanetuṃ vaṭṭatīti dīpitanti veditabbaṃ. Ettha ca vinayapariyāyaṃ patvā garuke ṭhātabbattā idha vuttanayenevettha vinicchayo veditabbo. Suttantikadesanāyaṃ pana gahaṭṭhānampi vasena vuttattā tesaṃ saṅgaṇhanatthaṃ ‘‘ṭhapetvā tūlikaṃ…pe… vaṭṭantī’’ti vuttanti apare.
аж̇инажаммзхийд̇и аж̇инамиг̇ажаммзхи. д̇аани гира жаммаани сукумад̇араани, д̇асмаа д̣̇убаддад̇ибаддаани гад̇ваа сиб̣б̣анд̇и. д̇зна вуд̇д̇ам̣ ‘‘аж̇инабавзн̣ий’’д̇и. уд̇д̇арам̣ убарибхааг̇ам̣ чаад̣̇зд̇ийд̇и уд̇д̇аражчад̣̇о, вид̇аанам̣, д̇ан̃жа лохид̇авид̇аанам̣ ид̇хаад̇хиббзд̇анд̇и ааха ‘‘убариб̣ад̣̇д̇хзна рад̇д̇авид̇аанзнаа’’д̇и. ‘‘рад̇д̇авид̇аанзсу жа гаасаавам̣ ваддад̇и, гусумбхаад̣̇ирад̇д̇амзва на ваддад̇ий’’д̇и г̇ан̣тибад̣̇зсу вуд̇д̇ам̣. махааубад̇хаананд̇и бамаан̣аад̇игганд̇ам̣ убад̇хаанам̣. зд̇т̇а жа гин̃жааби д̣̇ийгханигааяадтагат̇ааяам̣ (д̣̇ий. ни адта. 1.15) ‘‘алохид̇агаани д̣̇взби вадданд̇иязва, д̇ад̇о уд̇д̇ари лабхид̇ваа ан̃н̃зсам̣ д̣̇аад̇аб̣б̣аани, д̣̇аад̇ум̣ асаггонд̇о ман̃жз д̇ирияам̣ ад̇т̇арид̇ваа убари бажжад̇т̇аран̣ам̣ д̣̇ад̇ваа нибаж̇ж̇ид̇умби лабхад̇ий’’д̇и ависзсзна вуд̇д̇ам̣, сзнаасанагканд̇хагаван̣н̣анааяам̣ (жуул̣ава. адта. 297) бана ‘‘аг̇илаанасса сийсубад̇хаанан̃жа баад̣̇убад̇хаанан̃жаад̇и д̣̇ваяамзва ваддад̇и, г̇илаанасса б̣имб̣оханаани сант̇арид̇ваа убари бажжад̇т̇аран̣ам̣ д̣̇ад̇ваа нибаж̇ж̇ид̇умби ваддад̇ий’’д̇и вуд̇д̇ад̇д̇аа г̇илааноязва ман̃жз д̇ирияам̣ ад̇т̇арид̇ваа нибаж̇ж̇ид̇ум̣ лабхад̇ийд̇и взд̣̇ид̇аб̣б̣ам̣.
Ajinacammehīti ajinamigacammehi. Tāni kira cammāni sukhumatarāni, tasmā dupaṭṭatipaṭṭāni katvā sibbanti. Tena vuttaṃ ‘‘ajinapaveṇī’’ti. Uttaraṃ uparibhāgaṃ chādetīti uttaracchado, vitānaṃ, tañca lohitavitānaṃ idhādhippetanti āha ‘‘uparibaddhena rattavitānenā’’ti. ‘‘Rattavitānesu ca kāsāvaṃ vaṭṭati, kusumbhādirattameva na vaṭṭatī’’ti gaṇṭhipadesu vuttaṃ. Mahāupadhānanti pamāṇātikkantaṃ upadhānaṃ. Ettha ca kiñcāpi dīghanikāyaṭṭhakathāyaṃ (dī. ni aṭṭha. 1.15) ‘‘alohitakāni dvepi vaṭṭantiyeva, tato uttari labhitvā aññesaṃ dātabbāni, dātuṃ asakkonto mañce tiriyaṃ attharitvā upari paccattharaṇaṃ datvā nipajjitumpi labhatī’’ti avisesena vuttaṃ, senāsanakkhandhakavaṇṇanāyaṃ (cūḷava. aṭṭha. 297) pana ‘‘agilānassa sīsupadhānañca pādupadhānañcāti dvayameva vaṭṭati, gilānassa bimbohanāni santharitvā upari paccattharaṇaṃ datvā nipajjitumpi vaṭṭatī’’ti vuttattā gilānoyeva mañce tiriyaṃ attharitvā nipajjituṃ labhatīti veditabbaṃ.
ужжаасаяанамахаасаяанабадигкзбагат̇ааван̣н̣анаа нидтид̇аа.
Uccāsayanamahāsayanapaṭikkhepakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 154. ужжаасаяанамахаасаяанабадигкзбо • 154. Uccāsayanamahāsayanapaṭikkhepo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / яаанаад̣̇ибадигкзбагат̇аа • Yānādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яаанаад̣̇ибадигкзбагат̇ааван̣н̣анаа • Yānādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 154. ужжаасаяанамахаасаяанабадигкзбагат̇аа • 154. Uccāsayanamahāsayanapaṭikkhepakathā
