| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
154. உச்சாஸயனமஹாஸயனபடிக்கே²போ
154. Uccāsayanamahāsayanapaṭikkhepo
254. தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாஸயனமஹாஸயனானி தா⁴ரெந்தி, ஸெய்யதி²த³ங் – ஆஸந்தி³ங், பல்லங்கங், கோ³னகங், சித்தகங், படிகங், படலிகங், தூலிகங், விகதிகங், உத்³த⁴லோமிங் 1, ஏகந்தலோமிங், கட்டிஸ்ஸங், கோஸெய்யங் , குத்தகங், ஹத்த²த்த²ரங், அஸ்ஸத்த²ரங், ரத²த்த²ரங், அஜினபவேணிங், கத³லிமிக³பவரபச்சத்த²ரணங், ஸஉத்தரச்ச²த³ங், உப⁴தோலோஹிதகூபதா⁴னந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி கி³ஹீ காமபோ⁴கி³னோ’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, உச்சாஸயனமஹாஸயனானி தா⁴ரேதப்³பா³னி, ஸெய்யதி²த³ங் – ஆஸந்தி³, பல்லங்கோ, கோ³னகோ, சித்தகோ, படிகா, படலிகா, தூலிகா, விகதிகா, உத்³த⁴லோமி, ஏகந்தலோமி, கட்டிஸ்ஸங், கோஸெய்யங், குத்தகங், ஹத்த²த்த²ரங், அஸ்ஸத்த²ரங், ரத²த்த²ரங், அஜினபவேணி, கத³லிமிக³பவரபச்சத்த²ரணங், ஸஉத்தரச்ச²த³ங், உப⁴தோலோஹிதகூபதா⁴னங். யோ தா⁴ரெய்ய, ஆபத்தி து³க்கடஸ்ஸாதி.
254. Tena kho pana samayena chabbaggiyā bhikkhū uccāsayanamahāsayanāni dhārenti, seyyathidaṃ – āsandiṃ, pallaṅkaṃ, gonakaṃ, cittakaṃ, paṭikaṃ, paṭalikaṃ, tūlikaṃ, vikatikaṃ, uddhalomiṃ 2, ekantalomiṃ, kaṭṭissaṃ, koseyyaṃ , kuttakaṃ, hatthattharaṃ, assattharaṃ, rathattharaṃ, ajinapaveṇiṃ, kadalimigapavarapaccattharaṇaṃ, sauttaracchadaṃ, ubhatolohitakūpadhānanti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ. Na, bhikkhave, uccāsayanamahāsayanāni dhāretabbāni, seyyathidaṃ – āsandi, pallaṅko, gonako, cittako, paṭikā, paṭalikā, tūlikā, vikatikā, uddhalomi, ekantalomi, kaṭṭissaṃ, koseyyaṃ, kuttakaṃ, hatthattharaṃ, assattharaṃ, rathattharaṃ, ajinapaveṇi, kadalimigapavarapaccattharaṇaṃ, sauttaracchadaṃ, ubhatolohitakūpadhānaṃ. Yo dhāreyya, āpatti dukkaṭassāti.
உச்சாஸயனமஹாஸயனபடிக்கே²போ நிட்டி²தோ.
Uccāsayanamahāsayanapaṭikkhepo niṭṭhito.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / யானாதி³படிக்கே²பகதா² • Yānādipaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உச்சாஸயனமஹாஸயனபடிக்கே²பகதா²வண்ணனா • Uccāsayanamahāsayanapaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / யானாதி³படிக்கே²பகதா²வண்ணனா • Yānādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அஜ்ஜா²ராமேஉபாஹனபடிக்கே²பகதா²தி³வண்ணனா • Ajjhārāmeupāhanapaṭikkhepakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 154. உச்சாஸயனமஹாஸயனபடிக்கே²பகதா² • 154. Uccāsayanamahāsayanapaṭikkhepakathā
