| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
154. උච්‌චාසයනමහාසයනපටික්‌ඛෙපො
154. Uccāsayanamahāsayanapaṭikkhepo
254. තෙන ඛො පන සමයෙන ඡබ්‌බග්‌ගියා භික්‌ඛූ උච්‌චාසයනමහාසයනානි ධාරෙන්‌ති, සෙය්‍යථිදං – ආසන්‌දිං, පල්‌ලඞ්‌කං, ගොනකං, චිත්‌තකං, පටිකං, පටලිකං, තූලිකං, විකතිකං, උද්‌ධලොමිං 1, එකන්‌තලොමිං, කට්‌ටිස්‌සං, කොසෙය්‍යං , කුත්‌තකං, හත්‌ථත්‌ථරං, අස්‌සත්‌ථරං, රථත්‌ථරං, අජිනපවෙණිං, කදලිමිගපවරපච්‌චත්‌ථරණං, සඋත්‌තරච්‌ඡදං, උභතොලොහිතකූපධානන්‌ති. මනුස්‌සා විහාරචාරිකං ආහිණ්‌ඩන්‌තා පස්‌සිත්‌වා උජ්‌ඣායන්‌ති ඛිය්‍යන්‌ති විපාචෙන්‌ති – ‘‘සෙය්‍යථාපි ගිහී කාමභොගිනො’’ති. භගවතො එතමත්‌ථං ආරොචෙසුං. න, භික්‌ඛවෙ, උච්‌චාසයනමහාසයනානි ධාරෙතබ්‌බානි, සෙය්‍යථිදං – ආසන්‌දි, පල්‌ලඞ්‌කො, ගොනකො, චිත්‌තකො, පටිකා, පටලිකා, තූලිකා, විකතිකා, උද්‌ධලොමි, එකන්‌තලොමි, කට්‌ටිස්‌සං, කොසෙය්‍යං, කුත්‌තකං, හත්‌ථත්‌ථරං, අස්‌සත්‌ථරං, රථත්‌ථරං, අජිනපවෙණි, කදලිමිගපවරපච්‌චත්‌ථරණං, සඋත්‌තරච්‌ඡදං, උභතොලොහිතකූපධානං. යො ධාරෙය්‍ය, ආපත්‌ති දුක්‌කටස්‌සාති.
254. Tena kho pana samayena chabbaggiyā bhikkhū uccāsayanamahāsayanāni dhārenti, seyyathidaṃ – āsandiṃ, pallaṅkaṃ, gonakaṃ, cittakaṃ, paṭikaṃ, paṭalikaṃ, tūlikaṃ, vikatikaṃ, uddhalomiṃ 2, ekantalomiṃ, kaṭṭissaṃ, koseyyaṃ , kuttakaṃ, hatthattharaṃ, assattharaṃ, rathattharaṃ, ajinapaveṇiṃ, kadalimigapavarapaccattharaṇaṃ, sauttaracchadaṃ, ubhatolohitakūpadhānanti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ. Na, bhikkhave, uccāsayanamahāsayanāni dhāretabbāni, seyyathidaṃ – āsandi, pallaṅko, gonako, cittako, paṭikā, paṭalikā, tūlikā, vikatikā, uddhalomi, ekantalomi, kaṭṭissaṃ, koseyyaṃ, kuttakaṃ, hatthattharaṃ, assattharaṃ, rathattharaṃ, ajinapaveṇi, kadalimigapavarapaccattharaṇaṃ, sauttaracchadaṃ, ubhatolohitakūpadhānaṃ. Yo dhāreyya, āpatti dukkaṭassāti.
උච්‌චාසයනමහාසයනපටික්‌ඛෙපො නිට්‌ඨිතො.
Uccāsayanamahāsayanapaṭikkhepo niṭṭhito.
Footnotes:
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / යානාදිපටික්‌ඛෙපකථා • Yānādipaṭikkhepakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / උච්‌චාසයනමහාසයනපටික්‌ඛෙපකථාවණ්‌ණනා • Uccāsayanamahāsayanapaṭikkhepakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / යානාදිපටික්‌ඛෙපකථාවණ්‌ණනා • Yānādipaṭikkhepakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අජ්‌ඣාරාමෙඋපාහනපටික්‌ඛෙපකථාදිවණ්‌ණනා • Ajjhārāmeupāhanapaṭikkhepakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 154. උච්‌චාසයනමහාසයනපටික්‌ඛෙපකථා • 154. Uccāsayanamahāsayanapaṭikkhepakathā
