| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[67] 7. ужчан̇г̇аж̇аад̇агаван̣н̣анаа
[67] 7. Ucchaṅgajātakavaṇṇanā
ужчан̇г̇з д̣̇зва мз буд̇д̇од̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ ж̇аанабад̣̇ид̇т̇им̣ аараб̣бха гат̇зси. згасмин̃хи самаяз госаларадтз д̇аяо ж̇анаа ан̃н̃ад̇арасмим̣ адавимукз гасанд̇и. д̇асмим̣ самаяз анд̇оадавияам̣ жораа мануссз вилумбид̇ваа балааяим̣су. мануссаа д̇з жорз бариязсид̇ваа абассанд̇аа д̇ам̣ таанам̣ ааг̇амма ‘‘д̇умхз адавияам̣ вилумбид̇ваа ид̣̇аани гассагаа вияа хот̇аа’’д̇и ‘‘д̇з жораа имз’’д̇и б̣анд̇хид̇ваа аанзд̇ваа госаларан̃н̃о ад̣̇ам̣су. ат̇згаа ид̇т̇ий ааг̇анд̇ваа ‘‘ажчаад̣̇анам̣ мз д̣̇зт̇а, ажчаад̣̇анам̣ мз д̣̇зт̇аа’’д̇и барид̣̇званд̇ий бунаббунам̣ рааж̇анивзсанам̣ барияаад̇и. рааж̇аа д̇ассаа сад̣̇д̣̇ам̣ суд̇ваа ‘‘г̇ажчат̇а, д̣̇зт̇а имиссаа ажчаад̣̇ана’’нд̇и ааха. мануссаа саадагам̣ г̇ахзд̇ваа ад̣̇ам̣су. саа д̇ам̣ д̣̇исваа ‘‘наахам̣ зд̇ам̣ ажчаад̣̇анам̣ яаажаами , саамигажчаад̣̇анам̣ яаажаамий’’д̇и ааха. мануссаа г̇анд̇ваа ран̃н̃о аарожаяим̣су ‘‘на гирзсаа ид̣̇ам̣ ажчаад̣̇анам̣ гат̇зд̇и, саамигажчаад̣̇анам̣ гат̇зд̇ий’’д̇и. ат̇а нам̣ рааж̇аа баггосаабзд̇ваа ‘‘д̇вам̣ гира саамигажчаад̣̇анам̣ яаажасий’’д̇и бужчи. аама, д̣̇зва, ид̇т̇ияаа хи саамиго ажчаад̣̇анам̣ наама, саамигз хи асад̇и сахассамууламби саадагам̣ нивад̇т̇аа ид̇т̇ий наг̇г̇ааязва наама. имасса банад̇т̇асса саад̇ханад̇т̇ам̣ –
Ucchaṅgedeva me puttoti idaṃ satthā jetavane viharanto aññataraṃ jānapaditthiṃ ārabbha kathesi. Ekasmiñhi samaye kosalaraṭṭhe tayo janā aññatarasmiṃ aṭavimukhe kasanti. Tasmiṃ samaye antoaṭaviyaṃ corā manusse vilumpitvā palāyiṃsu. Manussā te core pariyesitvā apassantā taṃ ṭhānaṃ āgamma ‘‘tumhe aṭaviyaṃ vilumpitvā idāni kassakā viya hothā’’ti ‘‘te corā ime’’ti bandhitvā ānetvā kosalarañño adaṃsu. Athekā itthī āgantvā ‘‘acchādanaṃ me detha, acchādanaṃ me dethā’’ti paridevantī punappunaṃ rājanivesanaṃ pariyāti. Rājā tassā saddaṃ sutvā ‘‘gacchatha, detha imissā acchādana’’nti āha. Manussā sāṭakaṃ gahetvā adaṃsu. Sā taṃ disvā ‘‘nāhaṃ etaṃ acchādanaṃ yācāmi , sāmikacchādanaṃ yācāmī’’ti āha. Manussā gantvā rañño ārocayiṃsu ‘‘na kiresā idaṃ acchādanaṃ katheti, sāmikacchādanaṃ kathetī’’ti. Atha naṃ rājā pakkosāpetvā ‘‘tvaṃ kira sāmikacchādanaṃ yācasī’’ti pucchi. Āma, deva, itthiyā hi sāmiko acchādanaṃ nāma, sāmike hi asati sahassamūlampi sāṭakaṃ nivatthā itthī naggāyeva nāma. Imassa panatthassa sādhanatthaṃ –
‘‘наг̇г̇аа над̣̇ий анууд̣̇агаа, наг̇г̇ам̣ радтам̣ арааж̇агам̣;
‘‘Naggā nadī anūdakā, naggaṃ raṭṭhaṃ arājakaṃ;
ид̇т̇ийби вид̇хаваа наг̇г̇аа, яассааби д̣̇аса бхаад̇аро’’д̇и. (ж̇аа. 2.22.1840) –
Itthīpi vidhavā naggā, yassāpi dasa bhātaro’’ti. (jā. 2.22.1840) –
ид̣̇ам̣ суд̇д̇ам̣ аахарид̇аб̣б̣ам̣.
Idaṃ suttaṃ āharitabbaṃ.
рааж̇аа д̇ассаа басанно ‘‘имз д̇з д̇аяо ж̇анаа гз хонд̇ий’’д̇и бужчи. ‘‘зго мз, д̣̇зва, саамиго, зго бхаад̇аа, зго буд̇д̇о’’д̇и. рааж̇аа ‘‘ахам̣ д̇з д̇удто, имзсу д̇ийсу згам̣ д̣̇зми, гад̇арам̣ ижчасий’’д̇и бужчи. саа ааха ‘‘ахам̣, д̣̇зва, ж̇ийвамаанаа згам̣ саамигам̣ лабхиссаами, буд̇д̇амби лабхиссаамиязва, маад̇аабид̇уунам̣ бана мз мад̇ад̇д̇аа бхаад̇аава д̣̇уллабхо, бхаад̇арам̣ мз д̣̇зхи, д̣̇зваа’’д̇и. рааж̇аа д̇уссид̇ваа д̇аяоби виссаж̇ж̇зси. звам̣ д̇ам̣ згигам̣ ниссааяа д̇з д̇аяо ж̇анаа д̣̇угкад̇о муд̇д̇аа. д̇ам̣ гааран̣ам̣ бхигкусан̇гхз баагадам̣ ж̇аад̇ам̣. ат̇згад̣̇ивасам̣ бхигкуу д̇хаммасабхааяам̣ саннибад̇ид̇аа ‘‘аавусо, згам̣ ид̇т̇им̣ ниссааяа д̇аяо ж̇анаа д̣̇угкад̇о муд̇д̇аа’’д̇и д̇ассаа г̇ун̣агат̇ааяа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, зсаа ид̇т̇ий ид̣̇аанзва д̇з д̇аяо ж̇анз д̣̇угкаа можзд̇и, буб̣б̣зби можзсиязваа’’д̇и вад̇ваа ад̇ийд̇ам̣ аахари.
Rājā tassā pasanno ‘‘ime te tayo janā ke hontī’’ti pucchi. ‘‘Eko me, deva, sāmiko, eko bhātā, eko putto’’ti. Rājā ‘‘ahaṃ te tuṭṭho, imesu tīsu ekaṃ demi, kataraṃ icchasī’’ti pucchi. Sā āha ‘‘ahaṃ, deva, jīvamānā ekaṃ sāmikaṃ labhissāmi, puttampi labhissāmiyeva, mātāpitūnaṃ pana me matattā bhātāva dullabho, bhātaraṃ me dehi, devā’’ti. Rājā tussitvā tayopi vissajjesi. Evaṃ taṃ ekikaṃ nissāya te tayo janā dukkhato muttā. Taṃ kāraṇaṃ bhikkhusaṅghe pākaṭaṃ jātaṃ. Athekadivasaṃ bhikkhū dhammasabhāyaṃ sannipatitā ‘‘āvuso, ekaṃ itthiṃ nissāya tayo janā dukkhato muttā’’ti tassā guṇakathāya nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, esā itthī idāneva te tayo jane dukkhā moceti, pubbepi mocesiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇аяо ж̇анаа адавимукз гасанд̇ийд̇и саб̣б̣ам̣ буримасад̣̇исамзва. д̇ад̣̇аа бана ран̃н̃аа ‘‘д̇ийсу ж̇анзсу гам̣ ижчасий’’д̇и вуд̇д̇з саа ааха – ‘‘д̇аяоби д̣̇аад̇ум̣ на саггот̇а, д̣̇зваа’’д̇и? ‘‘аама, на саггомий’’д̇и. ‘‘сажз д̇аяо д̣̇аад̇ум̣ на саггот̇а, бхаад̇арам̣ мз д̣̇зт̇аа’’д̇и. ‘‘буд̇д̇ам̣ ваа саамигам̣ ваа г̇ан̣ха, гим̣ д̇з бхаад̇араа’’д̇и жа вуд̇д̇аа ‘‘зд̇з наама д̣̇зва сулабхаа, бхаад̇аа бана д̣̇уллабхо’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente tayo janā aṭavimukhe kasantīti sabbaṃ purimasadisameva. Tadā pana raññā ‘‘tīsu janesu kaṃ icchasī’’ti vutte sā āha – ‘‘tayopi dātuṃ na sakkotha, devā’’ti? ‘‘Āma, na sakkomī’’ti. ‘‘Sace tayo dātuṃ na sakkotha, bhātaraṃ me dethā’’ti. ‘‘Puttaṃ vā sāmikaṃ vā gaṇha, kiṃ te bhātarā’’ti ca vuttā ‘‘ete nāma deva sulabhā, bhātā pana dullabho’’ti vatvā imaṃ gāthamāha –
67.
67.
‘‘ужчан̇г̇з д̣̇зва мз буд̇д̇о, бат̇з д̇хааванд̇ияаа бад̇и;
‘‘Ucchaṅge deva me putto, pathe dhāvantiyā pati;
д̇ан̃жа д̣̇зсам̣ на бассаами, яад̇о сод̣̇арияамаанаяз’’д̇и.
Tañca desaṃ na passāmi, yato sodariyamānaye’’ti.
д̇ад̇т̇а ужчан̇г̇з, д̣̇зва, мз буд̇д̇од̇и д̣̇зва, маяхам̣ буд̇д̇о ужчан̇г̇зязва. яат̇аа хи аран̃н̃ам̣ бависид̇ваа ужчан̇г̇з гад̇ваа д̣аагам̣ ужжинид̇ваа д̇ад̇т̇а багкибанд̇ияаа ужчан̇г̇з д̣аагам̣ наама сулабхам̣ ход̇и, звам̣ ид̇т̇ияаа буд̇д̇оби сулабхо ужчан̇г̇з д̣аагасад̣̇исова. д̇зна вуд̇д̇ам̣ ‘‘ужчан̇г̇з, д̣̇зва, мз буд̇д̇о’’д̇и. бат̇з д̇хааванд̇ияаа бад̇ийд̇и маг̇г̇ам̣ ааруяха згигааяа г̇ажчамаанааяаби хи ид̇т̇ияаа бад̇и наама сулабхо, д̣̇идтад̣̇идтоязва ход̇и. д̇зна вуд̇д̇ам̣ ‘‘бат̇з д̇хааванд̇ияаа бад̇ий’’д̇и. д̇ан̃жа д̣̇зсам̣ на бассаами, яад̇о сод̣̇арияамаанаязд̇и яасмаа бана мз маад̇аабид̇аро над̇т̇и, д̇асмаа ид̣̇аани д̇ам̣ маад̇угужчисан̇каад̇ам̣ ан̃н̃ам̣ д̣̇зсам̣ на бассаами. яад̇о ахам̣ самаанз уд̣̇арз ж̇аад̇ад̇д̇аа сауд̣̇арияасан̇каад̇ам̣ бхаад̇арам̣ аанзяяам̣, д̇асмаа бхаад̇арам̣язва мз д̣̇зт̇аад̇и.
Tattha ucchaṅge, deva, me puttoti deva, mayhaṃ putto ucchaṅgeyeva. Yathā hi araññaṃ pavisitvā ucchaṅge katvā ḍākaṃ uccinitvā tattha pakkhipantiyā ucchaṅge ḍākaṃ nāma sulabhaṃ hoti, evaṃ itthiyā puttopi sulabho ucchaṅge ḍākasadisova. Tena vuttaṃ ‘‘ucchaṅge, deva, me putto’’ti. Pathe dhāvantiyā patīti maggaṃ āruyha ekikāya gacchamānāyapi hi itthiyā pati nāma sulabho, diṭṭhadiṭṭhoyeva hoti. Tena vuttaṃ ‘‘pathe dhāvantiyā patī’’ti. Tañca desaṃ na passāmi, yato sodariyamānayeti yasmā pana me mātāpitaro natthi, tasmā idāni taṃ mātukucchisaṅkhātaṃ aññaṃ desaṃ na passāmi. Yato ahaṃ samāne udare jātattā saudariyasaṅkhātaṃ bhātaraṃ āneyyaṃ, tasmā bhātaraṃyeva me dethāti.
рааж̇аа ‘‘сажжам̣ зсаа вад̣̇ад̇ий’’д̇и д̇удтажид̇д̇о д̇аяоби ж̇анз б̣анд̇ханааг̇аарад̇о аанзд̇ваа ад̣̇ааси, саа д̇аяоби д̇з г̇ахзд̇ваа г̇ад̇аа.
Rājā ‘‘saccaṃ esā vadatī’’ti tuṭṭhacitto tayopi jane bandhanāgārato ānetvā adāsi, sā tayopi te gahetvā gatā.
сад̇т̇ааби ‘‘на, бхигкавз, ид̣̇аанзва, буб̣б̣збзсаа имз д̇аяо ж̇анз д̣̇угкад̇о можзсиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘ад̇ийд̇з жад̇д̇аарова зд̇арахи жад̇д̇ааро, рааж̇аа бана ахамзва ахоси’’нд̇и.
Satthāpi ‘‘na, bhikkhave, idāneva, pubbepesā ime tayo jane dukkhato mocesiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘atīte cattārova etarahi cattāro, rājā pana ahameva ahosi’’nti.
ужчан̇г̇аж̇аад̇агаван̣н̣анаа сад̇д̇амаа.
Ucchaṅgajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 67. ужчан̇г̇аж̇аад̇агам̣ • 67. Ucchaṅgajātakaṃ
