| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. อุจฺฉงฺคปุปฺผิยเตฺถรอปทานํ
7. Ucchaṅgapupphiyattheraapadānaṃ
๑๔๒.
142.
‘‘นคเร พนฺธุมติยา, อโหสิํ มาลิโก ตทา;
‘‘Nagare bandhumatiyā, ahosiṃ māliko tadā;
อุจฺฉงฺคํ ปูรยิตฺวาน, อคมํ อนฺตราปณํฯ
Ucchaṅgaṃ pūrayitvāna, agamaṃ antarāpaṇaṃ.
๑๔๓.
143.
‘‘ภควา ตมฺหิ สมเย, ภิกฺขุสงฺฆปุรกฺขโต;
‘‘Bhagavā tamhi samaye, bhikkhusaṅghapurakkhato;
มหตา อานุภาเวน, นิยฺยาติ โลกนายโกฯ
Mahatā ānubhāvena, niyyāti lokanāyako.
๑๔๔.
144.
‘‘ทิสฺวาน โลกปโชฺชตํ, วิปสฺสิํ โลกตารณํ;
‘‘Disvāna lokapajjotaṃ, vipassiṃ lokatāraṇaṃ;
ปุปฺผํ ปคฺคยฺห อุจฺฉงฺคา, พุทฺธเสฎฺฐํ อปูชยิํฯ
Pupphaṃ paggayha ucchaṅgā, buddhaseṭṭhaṃ apūjayiṃ.
๑๔๕.
145.
‘‘เอกนวุติโต กเปฺป, ยํ ปุปฺผมภิปูชยิํ;
‘‘Ekanavutito kappe, yaṃ pupphamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๑๔๖.
146.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๑๔๗.
147.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๑๔๘.
148.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อุจฺฉงฺคปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā ucchaṅgapupphiyo thero imā gāthāyo abhāsitthāti.
อุจฺฉงฺคปุปฺผิยเตฺถรสฺสาปทานํ สตฺตมํฯ
Ucchaṅgapupphiyattherassāpadānaṃ sattamaṃ.
