| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಉಚ್ಛಙ್ಗಪುಪ್ಫಿಯತ್ಥೇರಅಪದಾನಂ
7. Ucchaṅgapupphiyattheraapadānaṃ
೧೪೨.
142.
‘‘ನಗರೇ ಬನ್ಧುಮತಿಯಾ, ಅಹೋಸಿಂ ಮಾಲಿಕೋ ತದಾ।
‘‘Nagare bandhumatiyā, ahosiṃ māliko tadā;
ಉಚ್ಛಙ್ಗಂ ಪೂರಯಿತ್ವಾನ, ಅಗಮಂ ಅನ್ತರಾಪಣಂ॥
Ucchaṅgaṃ pūrayitvāna, agamaṃ antarāpaṇaṃ.
೧೪೩.
143.
‘‘ಭಗವಾ ತಮ್ಹಿ ಸಮಯೇ, ಭಿಕ್ಖುಸಙ್ಘಪುರಕ್ಖತೋ।
‘‘Bhagavā tamhi samaye, bhikkhusaṅghapurakkhato;
ಮಹತಾ ಆನುಭಾವೇನ, ನಿಯ್ಯಾತಿ ಲೋಕನಾಯಕೋ॥
Mahatā ānubhāvena, niyyāti lokanāyako.
೧೪೪.
144.
‘‘ದಿಸ್ವಾನ ಲೋಕಪಜ್ಜೋತಂ, ವಿಪಸ್ಸಿಂ ಲೋಕತಾರಣಂ।
‘‘Disvāna lokapajjotaṃ, vipassiṃ lokatāraṇaṃ;
ಪುಪ್ಫಂ ಪಗ್ಗಯ್ಹ ಉಚ್ಛಙ್ಗಾ, ಬುದ್ಧಸೇಟ್ಠಂ ಅಪೂಜಯಿಂ॥
Pupphaṃ paggayha ucchaṅgā, buddhaseṭṭhaṃ apūjayiṃ.
೧೪೫.
145.
‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Ekanavutito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೧೪೬.
146.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೧೪೭.
147.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೧೪೮.
148.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಉಚ್ಛಙ್ಗಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā ucchaṅgapupphiyo thero imā gāthāyo abhāsitthāti.
ಉಚ್ಛಙ್ಗಪುಪ್ಫಿಯತ್ಥೇರಸ್ಸಾಪದಾನಂ ಸತ್ತಮಂ।
Ucchaṅgapupphiyattherassāpadānaṃ sattamaṃ.
